魂燒 (Changed Hand) New Restaurant

前两晚路過太子見到有間居食屋, 地方細細除了有串燒, 有拉麵, 有海鮮飯, 還有大板燒等, 既然肚餓又行得攰攰, 咁就坐底叫嘢食啦！睇下有咩特色推介先我地叫咗蟹黄飯.我和太太两人都喜歡食蟹, 蟹膏更是美食啦！還有蟹腳肉拼配, 正呀！撈起才見其份量非常豐富,吃落甘香,非常可口！日本迷你甜薯 近期大熱 - 甜甜甜剛才見到他們有介紹大板燒 - 我們也來一客A4和牛大板燒大板燒融合蛋餅和pizza做法.加上日本調味醬油和A4和牛做topping 抵食兼好食！

前幾日係FB 見到有段影片介紹即係約埋男朋友一齊黎試下味道啦點左啲串燒海鮮同一個蟹膏飯 海鮮都幾得 有水準但等左好耐個蟹膏飯先上果陣時都已經飽飽了 個蟹膏飯好濃味但入面有蟹殻食左一半都唔食了可能真係等得太耐冇咩胃口食啦座位因為係巷仔所以唔好諗住好舒適😂😂😂😂總括而言 個蟹膏飯係好味既不唔洗叫依間啲串燒 麻麻地食一次就夠😌

今日特登黎左呢度食蟹膏飯！之前睇雜誌見到介紹所以就黎左，因為之前打過黎想book位唔成功，知道有好多人會黎排隊，所以今次我地特登5點9未開店就黎到，等到6點正式開始就有得食！一黎就叫左個蟹膏飯先，係人人黎到都會食既！真係超多蟹膏啊！不過就有d太鹹，所以要撈勻晒底下d飯先好食，如果成啖蟹膏放入口會鹹得濟。不過蟹膏咁足料，都冇失望既！除此之外，重叫左個鰻魚飯。鰻魚岩岩好可以蓋住半個飯，都足料既，但係汁就真係少左d，個底大部份都係白飯，單調左d。串燒叫左燒菠蘿同燒粟米。粟米就唔係好夠牛油，但係本身粟米質素高，夠晒甜！燒菠蘿就好正，超多汁啊！又夠晒甜！好彩有3舊咁多，夠晒我地share食。重有就係燒安格斯牛一串，都幾多汁，不過就唔夠軟淋，可能因為有d筋位。重有叫左d小食。炸餃子係新鮮即炸，熱辣辣好脆口！呢度有一口芝士同紫菜芝士波，唔知有咩分別呢？但係我地就揀左圖中呢個紫菜芝士，都係即炸既，外面個皮有d紫菜，入面流晒d芝士出黎，d芝士好濃味，搞到我好想試埋一口芝士！但係冇辦法啦，已經叫左好多野食太飽！最後食埋呢個南瓜雪糕，佢另外重有香桃雪巴，都係有個桃裝住既，不過我地就冇叫到，揀左呢個南瓜。雖然