魂燒 (Changed Hand) New Restaurant

學完日文同男朋友去食飯，男朋友話想食生勾勾，之前話係太子見到有間小店，感覺好隱世，所以就決定去一試究竟。兩個人滿心期待入到店舖，店面好細，我地兩個上左樓上坐，整間店都充滿日本FEEL，佈置得好精緻好有情調。自選壽司飯印象中魚生飯要叫足$130先可以（但差少少價錢都可以），自己自問唔係咩魚生都喜歡食，呢度選擇都唔係多，叫左兩款三文魚，甜蝦同埋蟹鉗先勉強落到單。另外男朋友就揀左吞拿魚、海膽、中華沙津。一上菜個時，見到滿滿材料舖滿碗面，心諗一定會好好食流曬口水。點知一食落去，「個飯咁熱既喂？」，我期待個飯係少少凍既，又或者我都知有魚生飯係常溫，但真係未食過個飯咁熱，似係岩岩煲好勺出黎咁，而且唔係珍珠米，亦都無加醋係入面，EXACTLY就係一個平時食既白飯。個飯熱到放係上面既魚生都半凍半熱咁，食落去真係百感交雜。自己黎講真係幾鍾意食三文魚，對三文魚都無乜要求，但呢個三文魚夾落去係碎架，夾唔起成舊。其他甜蝦、海膽、吞拿魚都係一般，最好食竟然會係中華沙津，sosad。免治雞肉棒雞肉棒味道一般，外層芝士同咸蛋黃碎加番少少分。另外，仲叫左扇貝同埋吉列炸蠔，扇貝味道還可以，無粉絲失色左少少，炸蠔自己無食

價錢貴-3人食$800....唔飽肚，呢個價錢去食放題或者自助餐都可以了....睇到張單都諤然😡唔好食-招牌蟹膏飯！影相就幾靚，食落淡而無味，串燒味道非一般的淡。全餐除左條香腸太咸，根本淡而無味。簡直不知所謂！份量少，款式少- 百無！壽司及刺身呢d基本野都無，屈人食貴價串燒，串燒仲要無乜款式。飲品鍾類少，無咩選擇。座得逼-3人逼系後巷食野，隔離系廁所，無下次囉！好評個推咩人，大家心里有數啦！結論系：入黑名單。永不幫襯！

話說我星期日 我同我Dfriend 嗌左幾個便當 啦然後我就坐咗喺樓上慢慢等啦 我等到差唔多一個鐘我落去搵過阿姐問吓我個便當整好未 跟住佢話差唔多 然後我再上返去慢慢等啦 等下等下又過咗半個鐘跟住我落去問佢 佢就走入廚房問過好後生嘅廚師 點知佢未整好 不過我都體諒佢 因為我見到佢好忙 跟住我同佢講我等到唔耐煩好嬲話要退錢啦 點知阿姐同我講俾咗錢一定要食 我嗰陣時真係o左我心諗廚師又未整點解唔可以退錢 阿姐服務態度超差 我覺得需要培訓下

中華沙律normal燒菠蘿normal元祖拉麵豚肉無味，湯底無味燒牛舌算係唔錯既一款燒雞翼無味，仲要帶血，唔熟，講左話唔要，要退。佢轉頭話幫我再燒熟佢，我就話我唔要喇，同埋咬過仲燒番，最後先話取消。燒雞腎同上一樣唔多熟，而且唔太新鮮，咬左舊口感好差帆立貝差貨，口感梅梅地蒜蓉燒扇貝蒜蓉唔得，扇貝唔係原隻燒，剪開，口感唔新鮮北海道蟹柳壽司唔知係沙律醬款，不過唔多得，完全無蟹柳味海膽壽司舊飯黏到一舊，海膽唔係放雪櫃？食落唔凍，係室溫感覺，口感一般，可能唔新鮮燒茄子好普通，無出面燒得好食小插曲：我地order左成20分鐘，先出得中華沙律，拉麵同燒菠蘿。隔離位遲我地20分鐘到，但佢地早過我們有燒既串燒，我問佢點解隔離遲咁多order都有串燒，我地個d仲未有，佢話跟下先，跟完就拎左未熟既雞翼同雞腎來。

我地等到40分鐘，已經好肚餓，門口大姐話”好快”等多幾分鐘有，等到50分仲未有野食，開始覺得唔對路，再問個大姐，其實仲要等幾耐？！點知問多兩句大姐先話師父未翻到🤬🤬🤬🤬，癡線嫁，佢有冇病丫，廚房冇人，你夠膽叫客入去坐，個大姐唔係以為有客會等到你地d師傅翻，再等埋你開爐再煮野食丫？！🤬🤬🤬唔該做餐廳有d時間觀念，如果師父返唔到咁早,就唔好開鋪開11點啦，做翻晚市算把啦，好心你地d員工再培訓過啦， 明知廚房冇人就唔應該招待客人入去坐， 應該一早入去前同客人講清楚，唔駛阻人時間， 如果唔係之前幫襯過兩次，都覺得呢間野夜晚野食ok， 見你哋開晏晝，打算再幫襯，點知搞到成肚火，冇下次囉！！！PS(見到仲有3張枱有客坐係門口，同我地一樣，白等，等到天荒地老都唔知等緊乜)

我係前日放工諗住過嚟試吓個蟹黃飯 然後門口有個阿姐就帶咗我入去 坐喺後行隔離張枱 跟住我同佢講要個蟹黃飯 點知個蟹黃飯勁難食 最嬲都係我一路食飯個阿姐一路喺度叫 咩食飯有位 佢把聲真係勁嘈🤦🏻‍♂️

舖仔細，有樓上但條樓梯太窄太危險，仆親都唔知點算，上到去坐低張摺凳好似設計有問題咁，挨都唔敢挨，坐得唔舒服就寄望食物好啲啦！但見到隔離枱成碗鰻魚飯冇咩食過就走，為免中伏，叫小小野食下先，點知真係中哂招。雞肉大葱串(雞肉細粒似雞軟骨加上生葱好辣)，雞翼串(只有椒鹽粉味)，牛舌串(四小粒)，牛柳串(點會落孜然粉架)，玉子燒(細份到佢吖)，野菜拉麵(冇咩菜而且麵質好淋)，一個字“渣”。六樣野，加埋一要$295，大家可以睇睇我呢三張相，感受一下。兩條友要再去第度食呀。

自從之前食過一個好好味的馬糞手卷後, 我就愛上了海膽, 慢慢就不斷留意那裡有好味又平的海膽。 於網上見到這間居酒屋, 竟然有$68的海膽飯。所以我就為大家試一試這店質素!店舖是有分兩層, 下層只有4個座位, 其餘的都要上上層。由於在開飯網見到有人說樓上有廁所味, 所以我們選擇坐樓下, 但仍然有少許廁所味, 而且餐具不太乾淨, 真的有點扣分。食物方面就不算太多選擇, 有飯麵, 刺身, 燒物等等。價錢屬中等。當然重頭戲就一定是$68海膽飯, 有一板半的分量, 份量都算足夠。海膽新鮮, 味道鮮甜, 68蚊有如此質素確實不錯。明太子板燒玉子***$48味道不錯, 有點沙律醬的味道, 挺香! 但略嫌$48有點貴。脆軟骨餃子***$38餃子挺香口, 入面有少許脆軟骨, 為平平無奇的餃子添一點口感。汁燒花枝丸***$28這個就是有日式燒汁的味道, 沒有太特別。因為它的皮不是燒得很脆, 就好像吃日式小丸子的味道。 總括而言, 我覺得食物質素還好, 但店內衛生真的需要改善。 所以值不值得嘗試就自己決定嚕! 如果要吃海膽飯就記得預約啦。 

突然好想食海膽飯~但又覺得好奢侈喎~上網搵到呢間好抵食嘅海膽飯~即刻打電話去book咗8點幾去食~門口唔太大~但入到去啲擺設引幾別緻喎~仲有兩層添~我哋上咗去二樓~旋轉樓梯~但行上去唔知點解感覺有啲驚驚哋~不過都幾特別嘅~我就叫咗海膽飯喇~有一板海膽~不過碗飯好似小緊隻蛋~不過咁抵食~唔好要求咁高啦~味道都ok嘅~朋友就揀咗蟹膏飯~佢話好好食~但一路食一路話肥死佢~講到咁肥，搞到我都唔敢食，怕肥~整體嚟講係抵食嘅~大家可以一試~

簡直離哂譜，第一次寫食評就是投訴！話說朋友介紹$68海膽飯好抵食就試下啦，還境差，唔衛生，野食耐都算啦，但我食完個海膽飯加生雞蛋就立即中左招！腸胃炎又痾又嘔又發高燒！當時落單都無想過會有生雞蛋的，但成碗飯係你面前唔通叫人換咩！睇完醫生後，就話中左沙門氏菌同大腸桿菌！沙門氏菌會由生雞蛋傳播。間鋪仲要係後巷，就咁睇仲以為係街邊篤串燒嘅鋪頭。食市最重要就係食物嘅衛生，無好嘅環境存放雞蛋就唔好夠膽死俾客人食啦！真係好火滾。以後都唔會再幫襯呀

我們兩人在社交平台有關這餐廳的宣傳，便慕名而來。一來到，餐廳空無一人，連個帶位的侍應也沒有。最後，等了一會兒才能入座，還被安排上狹窄的閣樓。到了點餐的時候，也等了好一陣子才有人來。我們點了三款菜式：燒三文魚、蟹膏飯、玉子燒。首先蟹膏飯味道偏淡，帶腥味，一吃便知道是罐頭膏，以$158來說完全是不值！其餘兩款菜式就不過不失，但以這個價錢來說份量偏少。除了味道，餐廳衛生環境實在令人擔心。餐紙是上一位客人留下而沒有換，筷子大部份都還有污漬，十分嘔心。另外，閣樓還有一陣廁所的臭味。這樣的服務和質素最後還要收加一服務費令我十分憤怒。這次是我第一次寫食評，希望這餐廳不要遺害人間

今日路經太子! 發現在一間日本嘢 , 見到一個 蟹糕飯, 睇到就已經被你吸引到, 決定坐低叫一過嚟試下, 真係超級多蟹膏, 唔使自己剝就有糕食。 味道仲要唔差真係超正,蟹控一定不能錯過

我平時都唔會寫食評。就算唔好味，最多下次唔去。今次真係太嬲，一定要將經驗講出來。..我今晚同男朋友2個人去食宵夜，叫左：1）蟹膏飯（$138）蟹膏同蟹肉明顯係罐頭貨，一碗飯收$138食罐頭，反正唔算太難食就算啦。..2）串燒 x 6 串燒OK，牛舌唔錯，其他就不過不失。..3）三文魚腩刺身一放入口就發覺件刺身中間竟然仲係冰硬（有雪添！）🤢 好明顯係冰格拎出來，未解凍/ 勉強切得開就拎俾我地食。..我地一人食左一件，擺落口就發覺唔對路。埋單時同侍應反映，侍應都好後生下，話要去問下。OK，無問題。..之後個廚師上來解釋，態度囂張：1）話唔可以唔鍾意食就話要退款（大佬，唔係唔鍾意食，係雪到硬掘掘 😑）..2）話好似食麥當勞咁，唔鍾意都無得退錢啦（我地宜家2個人食宵夜都$500，要同麥當勞比較嗎？你地覺得自己間餐廳係麥記同級？）..3）話去其他餐廳，都無得退錢啦（我唔係好挑剔既人，唔會周圍R免費餐。如果食刺身，食到有問題正常自然會出聲。食左咁多次，我試過2次出聲，一次免左件item，一次打個折。經理會講唔好意思，返廚房check下其他貨睇下有無問題。）..廚師理所當然咁講完晒以上，重申無得退款

          Soul BBQ 居食屋坐立於太子道西同砵蘭街交界一街角位置，實屬近年太子最火紅既日式餐館之一。據聞由鍾愛日本風土文情既東主所創。聞名不如見面，該處既廚房就係那麼坦蕩蕩甘經營，所有該店既美食皆即叫即燒，遠處就有陣陣燒烤味撲鼻而來，無理由吾進內探個究竟吧？          先談談食物方面吧，過往大家只為該店既主打蟹黃飯蜂擁而至，依家仍然不負各位蟹迷所望，廚師更進一步調味烹煮，做到膏似凝脂，營養確實豐富，味道亦十分鮮美。菜單上亦都增添左好多菜式，不得不提既係海膽飯，廚師選用日本海膽。豐腴、軟滑、鮮甜、甘香、入口即融……統統都無法確切形容海膽既美味，慢慢細嘗該人間極品實在係不能言語既享受。          還有就係水中軟黃金/水中人參之稱既鰻魚，都作料理、飯或拉麵供應。日本素有三年學習打串，一輩子學習烤鰻之說，黎形容料理鰻魚功夫之難。鰻魚飯不膩而香，油脂同瘦肉交融，加上佢地自家秘製醬汁，進一步提升左味感。          拉麵方面要推介日式花腩叉燒拉麵同胡麻冷麵。前者以新鮮五花腩同多款配菜，配以精心餚製湯底；後者則用熟玉子、叉燒、蟹柳蟹子、栗米同青瓜絲作伴，加上日式

之前食過一次，當時試唔到佢既蟹黃撈飯，今次再番黎，入坐前已經問左有冇蟹黃撈飯，確認有我地先入坐。拍拖食串燒係唔錯既選擇，樣樣嗌1-2串，可以試多d野之餘又唔會食唔晒。蒜蓉牛油扇貝必食！ 店家好細心將扇貝剪開一半方便大家食。好juicy,男友好中意蒜蓉，岩晒佢，仲有好鮮甜，食得出好新鮮👍🏻串燒羊肉呢個就一般喇，無乜羊味，而且燒得太乾。京蔥雞肉串想食d蔬菜類，上次試完金菇同茄子都燒得唔錯，今次都試下京蔥雞肉。都燒得幾香口，中意京蔥既朋友可以試下。蟹黃/膏撈飯個膏撈飯幾野味，應該加左配料炒過調味過。不過就無想像中咁濃蟹味，中意濃濃蟹膏味既朋友可能會失望喇。 不過整體味道係唔錯既。