津津食店 (Closed)

入梅窩staycation，未夠鐘check-in房間，於是走去醫肚先，朋友介紹話去梅窩一定要食呢個「蟹茄湯檬」只有星期日賣，而且賣晒就冇，真係要睇吓你有冇緣份㗎！我哋去到大概12點，已經有人排隊，店內人山人海。坐低之後，即刻點返一個馳名必食嘅「蟹茄湯檬」，就咁睇碗野賣相係正嘅，大大嚿嘅豬骨，但食落去就有少少失望，因為佢主打係有蟹，但完全唔覺得又蟹嘅鮮味，有沒有蕃茄味，反而仲係好淡，不過舊豬骨可以食埋啲骨膠原咁都幾好嘅。影相呃like都抵啦。如果以梅窩，都係一間普通嘅茶記，用作醫肚都可以接受。

上星期日終於同男友去咗講成半年話要去嘅梅窩😆 專程揀禮拜日入去係因為想試呢間只有禮拜日限定既蟹茄湯檬🙊我哋11:45去到，要等十幾張檯，半個鐘後終於輪到我地… (其實已經比我預期快，但要咁冇耐性嘅我排半粒鐘為左一餐飯簡直千年難得一遇🤦🏻‍♀️ 如果唔係山長水遠入到黎唔甘心我一早轉場走人😹)睇好多文章介紹都話要12點前去到先會食到蟹檬，好彩我哋12:15坐低都仲有😇 (大約12:35聽到已經沽清🙃)⭐️ 蟹茄湯檬💰6️⃣3️⃣一嚟到覺得同之前見到既相片相差好遠🤣先試下個湯底，酸酸may may幾開胃但就唔夠鮮味～份量偏細碗，配料亦只有好細件蟹蓋，好細舊蟹腳，一舊豬骨同三粒切成半粒既丸豬骨既肉幾淋，丸亦都彈牙，檬粉幾滑幾爽口，個人認為一試無妨～⭐️ 順化辣雞湯檬💰6️⃣3️⃣呢碗係男友屎忽痕話想試既，不過見到碗麵佢已經後悔😂 (個人認為順化湯底比較一般，對我黎講大概就係唔夠香既純辣油湯麵，應該比較適合鍾意食辣重口味嘅朋友)呢碗雞既份量相對多，肉質還好吧，另外都有一舊豬手 (但我同男友都無食)我地兩個都認為蕃茄湯底比較值得試😅⭐️ 奶醬多 💰1️⃣0️⃣男友無啦啦好想食煉奶而後加既😐多士烘到微脆，煉奶俾得非常豪爽(甚至有啲

同朋友係市區玩得多，心血來潮想去下離島玩當一個小旅行，今次揀左去梅窩！我地星期日係中環碼頭坐朝早11點班船，落船差唔多12點就緊係填下個胃先，於是揀左呢間去食星期日先有既招牌蟹茄湯檬🦀落船後向右邊行，沿途經過單車堆同銀礦灣酒店，我地差唔多12點到等左幾分鐘就有位啦；不過坐低冇幾耐就開始多人等位，大家唔想等最好12點前或2點後黎到。店內座位唔算多，暫時2人一枱，雖然茶餐廳比較舊但都乾淨企里👍🏻伙記服務態度好好，落單爽手，食完幫我地收左枱面既嘢唔洗阻住。.蟹茄湯檬 HKD63呢款招牌菜只會係星期日供應。橙紅色湯底鮮甜且通透冇油，除左番茄味濃郁仲有蟹既鮮味！其實叫之前冇諗過有蟹，黎到竟然有1.5隻蟹都真係好足料，佢地既蟹係附近居民即捉即送到餐廳，所以絕對新鮮🤩雖然蟹肉唔算多，但一碗入面仲有4-5舊牛腩，肥瘦啱啱好肉質仲好淋，仲有兩粒札肉丸，好食到成碗食曬見到碗底仲想再encore🤤除左蟹茄，順化辣雞湯檬同鮮茄牛腩湯檬都係星期日限量供應！有機會下次再黎試下😋越式香茅雞翼 HKD68雞翼有6隻，中等size，肉質算嫩滑，不過我地都係度諗呢度小食比食碗麵仲貴🤣🤣.津津食店地址 ｜大嶼山鄉事會路35

放假同男朋友去梅窩玩，見到好多blog都推介呢間津津食店，星期日仲有限定供應嘅菜式❕於是就bookmark咗呢餐廳，以防佢沽清，星期日仲預早咗時間去！12:30左右去到，都有少少人排緊隊，等咗大概20分鐘就有坐位，我地分別嗌咗一個蟹茄湯檬同埋鮮茄牛腩湯檬🍜🦀蟹茄湯檬 - $63真材實料嘅湯底，有兩大舊豬骨、蕃茄、豬肉丸等等配料。雖然個鮮茄湯幾清甜，但蟹嘅份量略少，只一有小隻，肉質不算很嫩。🐄鮮茄牛腩湯檬 - $58牛腩非常入味，而且夠嫩‼️因為湯底浸住牛腩，味道較蟹茄湯濃，無蟹茄湯咁清甜。整體都可以，以梅窩嚟講算係幾有特色，不過味道就不算太特別。🌟推薦指數：6.5/10

星期日去梅窩行吓，之前上Google做定功課，找到好幾編遊記都介紹津津的蟹茄湯檬。一向很喜歡吃蟹的我，當然好想試吓啦!早上十時到達梅窩先行去銀礦灣瀑布和銀礦洞打卡，之後便直接到津津。到達時約11:30，當時室內未有位，我怕狗所以不坐室外，等了約十分鐘室內便有位了。小店雖然不大，但都有約30個座位。應該是家庭式經營，個個員工服務都非常好，有位年紀較大的女仕還主動問我夠不夠湯，不過收銀那位大叔就真係......每碗粉都有半隻蟹，一件豬肉或豬骨，有手打肉丸和貢丸。湯有蟹味好鮮甜；檬粉入晒味；蟹新鮮；豬骨肉淋；手打肉丸入晒湯味，口感鬆軟，非常好味；貢丸當然是好普通。講返收銀大叔，我一共需付$265，我將單及一張$500交給收銀大叔，我們沒有眼神接觸，他亦不發一言後，慢慢地先找$30，再過幾十秒找$5，再過一陣找$200，老實講我真無言.....

黎左梅窩玩幾日，星期日就食左個星期日先有既蟹茄湯檬同鮮茄牛腩湯佢地既湯底真係一流，而且真材實料，唔覺得有味精。而蟹茄湯檬仲附上兩舊豬骨，正～不過對蟹就唔好咁有期望，因為都係細細隻，無咩肉既餐廳既姐姐都好nice, 好有善同有禮貌

特登前一日打去訂嘅蟹茄湯檬🦀🍅🍜，當時仲諗究竟喺咪真喺好食到要訂定🤔🤔 ————————-然後當小編一啖試下個湯 —— 點解個湯底可以咁霸道咁有濃郁嘅鮮甜蟹🦀🦀🦀味？！😱😱 再食一啖個蟹🦀 —— 啲殼一啲都唔硬，一咬就食到😱😱 食落仲見到碗粉有豬骨同雞肉等做底料，小編終於明白點解要提早一日訂定喇，個湯底應該用咗唔少時間去熬製。喺隱世梅窩食到啲咁高質嘅嘢真係意想不到😌😋——————————-蟹茄湯檬 - 9/10——————————-P.S. 佢個鮮茄牛腩湯檬🍅🥩🍜都好令人意想不到，同蟹茄湯檬一樣咁值得食😋😋