小漁港海鮮舫 鮮蒸‧鮮味火鍋

Open Now

Now Closed

想食豐富嘅蒸海鮮餐？由頭到尾坐定定等食，有專人招呼幫你煮埋？咁價錢咪一定好貴囉？🤔未必！位於太子嘅《小漁港海鮮舫》，3百幾蚊就可以滿足晒😍 我哋星期一嚟食都座無虛席，想試嘅朋友仔記得book位～呢度主打幾款優惠價海鮮餐，價錢由$318起，最貴都只係$498！星期一至四仲免收加一同茶芥😳今次蕃薯妹就同friend子嚟試吓價錢最實惠嘅$318「是日廚師智選套餐」！============ヽ(○´∀`)ﾉ♪避風塘鮮魷魚 $68一坐低蕃薯妹就同朋友叫咗支啤酒同埋餸酒小食啤啤佢先😂 魷魚新鮮彈牙，炸得酥脆，辣辣哋好惹味👍🏻============ヽ(○´∀`)ﾉ♪「是日廚師智選套餐」$318❀ 刺身拼盤、8款時令海鮮、四款時蔬、一款主食刺身拼盤有三文魚、象拔蚌、北寄貝、油甘魚、帶子，全部都好新鮮😋特別係三文魚，夠厚夠肥美🤤食完刺身，店員就放咗啲米、排骨同瑶柱去鍋底，開始蒸海鮮😋海蝦、粉絲蒸扇貝、鮑魚、馬友魚海蝦大大隻，鮑魚同扇貝都一樣都唔細隻，全部嘢都好鮮甜，口感正👍🏻第一次食蒸馬友魚，肉質嫩滑都幾好味。蠔、蜆、花甲是日貝款海鮮竟然有蠔😍😍 咁樣蒸出嚟嘅蠔脹卜卜，鮮甜多汁；蜆同花甲一樣新鮮無沙👍

下午自修室溫書，晚上一大班人一齊食飯，疫情咁耐已來，都好耐未試過，就返大家今次食飯地點揀左一間太子嘅蒸鍋式海鮮餐廳，未去之前我都系度諗香港食海鮮，真係未必有靚同新鮮食材，一系就價錢貴。但食過今日哩間後，我先知香港原來都有性價比頗高（便·靚·正）嘅海鮮餐廳。一大班人食飯，例排都係要等人，無聊等待時影下餐廳招。都幾share醒，離遠易見到嘅，唔知以為去咗大陸咁啲海鮮街店內用左棱角木檯同黑色木櫈，檯櫈部幾大張，可能咁様通道就變得有啲逼同窄頭盤刺身（雖然系後上😅），哩個刺身有牡丹蝦，三紋魚，赤貝，雕魚，帶子。賣相同味道一樣都係出乎我意料，真係全部用料都好新鮮，魚片亦切得幾厚唔係薄身個蒸籠蓋好有泰國越南feel😄除左刺身，真係蒸嘅海鮮亦都好高質，啲河蝦，虎蝦，瀨尿蝦比曬你，隻隻都手掌咁長肉蟹斬半拿去蒸，肉飽鮮甜仲有膏哩味蒜蓉粉絲蒸扇貝，真係好好食，圖所見啲扇貝肉真係好大粒，同埋好新鮮，好鮮甜，不過啲粉絲更加好食，吸收曬扇貝嘅鮮味生蠔都係新鮮嘅，不過就唔算太大隻海洋食完仲有蒸蔬菜，唔錯而最後嘅粥底吸曬全部海鮮嘅精華加埋排骨一齊煲，超級鮮甜

話說近排都有d忙，都好耐無好好食過一餐，今日終於完成左個project，OT完都要好好咁慶祝下！我同朋友就揀左呢間主打海鮮蒸氣鍋嘅小漁港，每日Facebook 公佈套餐餐單，都幾有趣嘅，每次都有d新鮮感呀嘛。🎈Menu小漁港主打兩款套餐，一款$298，一款$398，我地見到$298是日廚師精選套餐都已經好豐富，有刺身拼盤，八款時令海鮮，仲有烏冬同粥，睇到都覺得抵呀，就點佢啦！✨ 避風塘鮮魷係度等上菜前，我地叫左個小食「避風塘鮮魷」，鮮魷金黃香脆，炸蒜夠晒多，有乾椒，辣勁十足，愈食愈辣，但又好過癮。✨刺身拼盤然後上枱係刺身拼盤，象拔蚌薄薄一片，好爽口鮮味。帶子肥美，微帶檸檬香，仲有北寄貝同油甘魚，好豐富。接住就到八款時令海鮮開始啦，每日都有d唔同，今日我地食左以下幾款。✨元貝、海蝦首先係海蝦及元貝，海蝦大大隻，肉質結實彈牙，食落仲帶蝦膏。而元貝就用上蒜蓉粉絲蒸，蒜香十足，粉絲吸晒d汁，少少乾身，十分惹味。✨瀨尿蝦然後係巨型瀨尿蝦，拉長大過一隻手掌，個頭好多膏，略帶咸香，肉質都幾結實，味帶甜，不用調味已經好鮮味！✨ 鮑魚、海魚接住有鮑魚及海魚，鮑魚好厚肉，結實彈牙，有咬口又一d都唔韌。海魚

晚上帶同外國朋友去試下香港美食，友人介紹下去小漁港，原因係質素穩定地好，唔洗左諗右諗食咩之餘，星期一至四免加一!成個食法係一開始食刺身，之後一路蒸海觧，之後底部就有粥底吸收海鮮既味道。刺身就一般，象拔蚌唔夠甜，有少少腥，北寄貝夠厚身鮮甜。到蒸既海鮮方面整體黎講海鮮都好新鮮同鮮甜。首先有蒜蓉蒸帶子粉絲，帶子好甜但稍為老左少少，整體都有8分。然後到蟶子，蝦同龍躉算係不過不失，叫做合格。比較要食真D既係隻蟹同埋馬刀貝，沙白同另一隻貝類，完全冇沙得黎十分鮮甜，自己去街市買都唔係時時買到咁靚，而且蒸得岩岩好，爽身得黎又出到鮮味。由於海鮮係比較季節性，所以其實大家再去食可以都未必次次一樣，但呢間店提供既都算係好唔錯。仲有係雞件蒸烏冬加蔬菜，雞油去哂D烏冬到，其實幾香，但係由於比較油，我唔係太鐘意。最後精華當然係煲粥啦，十分鮮甜，冇味精，一定要試。服務方面都幾好，有禮貌，仲會送少少甜品，但大家都飽到食唔落啦! 總之下次會番轉頭，或者休漁期之後啦!

天氣開始轉涼，又想起食海鮮蒸氣鍋，既暖身又健康。今次到訪的是在太子區的另一食店，開業兩年多，以著重選材，務求令客人覺得舒服及平靚正為目標。來到時是大約八時半，比我慣常的晚飯時間為遲，雖然已訂了位，但仍要稍待片刻才獲得安排。入到店內，但見樓底頗高，裝潢是帶著懷舊的氛圍，牆上的畫是新舊香港風貌的對比，而牆磚、木枱、木架以至碗碟及鍋蓋都很有懷舊氣息。座位闊落不覺擠迫，每枱旁邊放有木製多層小几以便放置食材。餐牌很簡單，主要為每位$298或$398的套餐，我太太的食量小，所以就點了每位$298的廚師是日精選套餐，包括有象拔蚌刺身拼盤、元貝、草蝦、鮑魚、貝殼三寶、蟶子、深海泥鯭、蟹、農家四寶，還有蟲草花蒸雞烏冬底及南瓜排骨元貝粥，都很豐富，據說會因應當天的食材供應而由廚師作出調整，並會於Facebook上通告。先來的是象拔蚌刺身拼盤，象拔蚌有少少硬身，但鮮甜爽脆，每人可以有多片，其他就每人一件，生蠔相當肥美，魚生及北寄貝都鮮味十足，令味蕾都準備迎接之後的海鮮。餐廳提供了豉油及山葵醬，為何我這樣說？不是所有餐廳都是這樣的嗎？因為雖然餐廳內設有調味區，但店長建議我們最好是原汁原味去品嚐新鮮的海產。蒸海

近段時間蒸氣鍋越開越多，之前都試過唔少，唯獨今次，一試已經愛上那味道！當日來到嘅時候已經坐滿人，好彩預先book枱，否則黎到唯有等。一坐低職員已經好好招呼，介紹是日嘅精選套餐，一於就跟足佢嘅介紹。等候上主菜嘅時候，先嘗試佢地嘅前菜，另外多叫左碟椒鹽豆腐，少少辣，幾開胃，重要嘅係每粒豆腐炸到啱啱好，配上炸蒜，一流！主菜上場啦，打頭陣嘅係刺身，唔好以為佢地係以蒸氣鍋為主，原來刺身同生蠔都好新鮮！跟住落來，各款時令海鮮陸續登場，侍應姐姐為我地將每款海鮮按次序地擺落蒸氣鍋，貼心地計時，令我地可以品嘗佢地最鮮嘅一刻。馬刀貝，蕃薯貝同聖子，蒸得啱啱好，新鮮海鮮嘅海水味非常突出。鮑魚食落非常爽口，若有陳皮之類調味，味道相信更加吸引。扇貝肉質好彈牙，加上蒜蓉粉絲，幾惹味。而蝦肉質結實，食落就知新鮮。而我最欣賞嘅係黃花魚，肉質嫩滑，火候啱啱好，原來當鮮味遇上火候啱啱好的時候，味道可以如此突出！而蟹亦係重點推介之一，蒸氣鍋絕對係將其鮮味帶到另一個層次。蟹肉鮮甜，蟹膏濃郁，愛蟹之人實會感到滿足。另外多叫左一碟牛，算係都特別嘅嘗試，平時打邊爐就試得多，蒸氣鍋就真係第一次，呢次嘅嘗試可算係絕對值得一試嘅體驗。味