肥姐蠔餅婆

Open Now

Now Closed

好多年前入到元朗經常會買蠔餅食嘅小店。已經好耐冇食過, 今日經過梗要買番件嚟食吓。叫咗外賣蠔餅1件。落單後，即叫即炸。拎住一邊行一邊食，味道依舊好味， 餅漿非常惹味香脆，如果可以多些蠔仔就更加好， 話咁快就一陣風咁食晒。

今日出去行街，食完午餐。由於午餐不夠飽，在回家路途期間。太太和我幫襯了這間鋪頭。平時超長人龍。今日無人排隊。今次真係好好彩。鋪頭細細，只有打包或立食。可以免費要求多䓤。可能今日人少，我們去到是排第二位，蠔好多。另外老闆娘會講等涼左先打結，唔好立刻打結。怕細菌就打左先，唔怕就行多陣先。😬順帶一提不要落太多辣醬，因為少少已經好辣。飲好多水或奶都搞唔掂。另外， 老闆娘有沒有禮貌則見人見智。因為得一個人做。我個人來說算接受到。

係我食過最好食嘅蠔餅 元朗肥姐真係世一☺️🔥呢間人情味十足嘅小店由肥姐一人經營，製作需時，即叫即整，大概都要等10至15分鐘左右，等緊途中仲可以同肥姐吹下水☺️嚟到一定要叫馳名蠔餅 (HKD35/塊)粉漿炸左出黎唔會好厚粉，又薄又鬆脆，入面蠔仔好足料，大大舊而且鮮甜，每一啖都食到有蠔仔咖。配埋佢自家製嘅辣醬真係絕配，更加惹味👅🔥美味程度(5/5):👅👅👅👅👅CP值(5/5)：⭐️⭐️⭐️⭐️⭐️回頭指數(5/5):🌟🌟🌟🌟🌟

-{元朗河邊蠔餅🦪}好多人話依間蠔餅好好食😙食完正餐再黎食個蠔餅☺️9點幾去到好快有🤠🤤蠔餅🤤 ($35)份量都唔細 個餅好脆🤪蠔亦夠鮮🤩好多茜勁香口😋個辣醬好辣 有小小麻😌不過有啲油👀👖褲評: 7.8/10只可以企係度食~不過性價比好高 見佢即煎即食好正😚性價比: 8/10服務: 7/10環境: 6/10🚩肥姐蠔餅婆🚩地址: 元朗教育路68號兆豐樓地舖

肥姐蠔餅真係開左好多年水準多年都冇變不過加價都快都少少貴$100 3塊蠔餅不過店舖多年裝修都冇變保留住特色蠔餅真係勁足料一定係啖啖都食到蠔佢個粉漿係炸到好薄不過外賣番屋企會濕左少少現場食會仲好同埋佢獨家既辣醬同蠔餅一齊食係好夾

知道元朗有好多隱藏美食 😋 開始擴闊緊版圖！今日黎到哩間元朗小店 😍 食左個好好味嘅蠔餅 ❤️ 新鮮即製，一試難忘！行到附近已經見有條人龍，就知道搵啱地方啦！雖然人多，但大家都好守秩序咁企埋一邊排隊，等緊蠔餅出世 😋😋😋⭐️今次叫左一份蠔餅 😍 多芫荽！雖然係會有條人龍排隊，但其實每次整完一大塊蠔餅之後，都會切開一小塊黎賣，所以其實都唔算等咗好耐。鋪頭入面嘅調味料其實都有好幾款 🤔 因為第一次食，見有人落魚露，就諗住跟人落魚露。點知肥姐話，第一次食嘅話唔使落魚露住，試咗個味先，落左魚露，會變另一種味道，唔同哂架喇！（其實某程度上覺得係因為枝魚露用哂🤣🤣 佢唔得閒加 🤭🤭🤭 所以先咁講 😝）今次好聽話，冇落任何調味料，剩係嗌咗多芫荽 🥰 （其實真係可以再多啲芫荽）想講，哩個蠔餅真係好出色！好多蠔！啲蠔又夠大隻！好新鮮！完全冇腥味！🥰 誠意推介！食完仲係好想食... 點解得元朗先有 🥺🥺🥺 下次黎到元朗，都會再食！❤️

食完晚飯，得七成飽， 就諗住去食宵夜。行下行下， 未諗到食乜， 就見到肥姐蠔餅婆！ 係喎， 呢間嘢好出名㗎！ 我哋都未食過，於是就去幫襯。佢係即叫即做嘅，好彩唔算多人， 所以唔使等好耐就有得食。我地就咁喺佢店門口張枱食（企位ONLY）。 一份35蚊， 唔算好大個， 但好足料 。粉漿唔算好厚而係比較薄脆，同埋蠔仔份量唔少，幾乎每啖都食到蠔仔嘅肉， 熱辣辣又好味道！好正！於是乎好快就食曬啦， 呢個咁酥脆嘅蠔餅我真係好推介 ！聽講平時好多人等㗎，如果多人等嘅時候我就可能要諗諗，因為堂食始終要企喺度食都唔係太方便嘅。

在元朗，無人不曉這間炸蠔餅吧。我先排隊，等一下，肥姐問我要多少件蠔餅和要不要芫荽。蠔餅是即叫即炸，所以要慢慢等。上前俾錢攞蠔餅時，感覺到裡面好熱，真的好佩服肥姐可以日日係裡面炸蠔餅 👍🏻我件蠔餅有很多蠔仔 😍，差不多每一口都食到肥美嘅蠔仔，好正呀 😋

肥姐係元朗多年，算係少數屹立不倒既元朗美食💕💕有時想搵食，最基本真係睇下有無人排🙄 肥姐門口已經有塊牌，提番各位粉絲排隊係番坑渠欄杆邊，咪好似水貨客咁阻住條路😜😜七點左右去到，三四個人排隊😯 其實未轉灣已經聞到油炸味😄😄 等左10分鐘左右，已經可以拿出黎堂食，不過堂食都係得個枱仔位置🙄😄拿上手既陣陣炸香無過份油膉味，蠔餅亦係乾身，證明咗係高溫油炸，睇睇肥姐個檔口陣象其實都看出端倪😏 夏天開工時，肥姐都真心堅👍👍記得，要食肥姐既香辣醬，同番蠔味係相配，亦同香口炸嘢係好一對💓💓 餅入面既蠔唔少，size適當，唔會太大水多影響香脆，亦唔會太細好似無食到蠔💛🧡💚30蚊一塊未算平，但呢家一杯珍奶都30幾，其實肥姐呢個價都係佛心，而且三塊以上有特價😂😂

週末短短地去邊好? 今次我就去左出名多小食嘅元朗掃街啦~住港島區嘅我好少去新界，見到輕鐵🚊覺得幾得意，可能新界人喺港島見到電車都係咁。廢話少講，入正題講下呢篇嘅主角—蠔餅。叫左個蠔餅，蠔嘅數量都幾慷慨，而且新鮮肥美，食落香口，略嫌炸粉多左少少，不過芫茜同個秘製辣汁完全係畫龍點睛，辣汁係泰式鳳爪嗰隻汁，加埋芫茜帶黎清新感覺，酸酸辣辣好開胃，吃完一件即刻想encore，不過怕太熱氣，下次我飲定多啲涼茶再戰! 隔離有間LC-tea，怕辣可以買嘢飲

依家要$30一件，$100四件啦。但係最日夜晚依然咁多人排隊冇位堂食，一係外賣一係比隻碟係門口食件件都係即叫即整熱辣辣！夾埋啲芫茜同辣椒汁真係勁好味，次次食完一件都仲想食！

難得有朋友係港島入元朗，一定要帶佢食肥姐蠔餅！呢日平日晏晝嚟到，唔使排隊就有得食。之前我淨係食蠔餅，今次同朋友叫咗一份蠔餅同泰式鳳爪share食，都算係新嘗試。蠔餅唔使講，一個字：正！睇圖都見到，大大粒蠔，主力掃街嘅話，同朋友2人share一份就啱啱好。另外再配埋佢酸酸辣辣嘅辣椒醬，減低咗佢本身油膩嘅感覺！泰式鳳爪本身微辣，可以自己再加辣椒醬調味。而最方便嘅係，佢啲鳳爪係無骨！啖啖肉好方便，始終有骨無咁方便呀嘛～另外入面會有洋蔥，見佢個樣似生生哋，有少少驚辣同埋食完個口會臭，打算食幾條試下味就算，點知內裏有驚喜！擺咗一條洋蔥入口，完全無生嘅感覺，但係又好爽口，可能係事前落功夫辟咗份生辣嘅感覺。食食下肥姐仲問我哋好唔好食，佢話個鳳爪唔擺出嚟都好多人叫，或者未食過都唔會信，但我信了。

久仰大名本身唔太好蠔嘅我都被佢收服左即叫即整，開店無幾耐已經要排隊啦！排左大概10分鐘終於有得食，好香脆！加上芫茜更架提升口感同香味，如果食得辣嘅朋友一定要落佢個辣椒醬汁！好麻好過引唔食得辣都落小小😂

冬天一向是吃蠔的季節，但是現在香港人無論春夏秋冬都當此蠔餅為美食。肥姐的蠔餅是肉質豐滿結實，味道鮮甜有層次，肥姐以生粉代替傳統薯粉鴨蛋混合蠔仔煎成，沒有濕潤感覺，適合港人口味，這款蠔餅香脆，湮韌可口，入口鬆化。蠔餅是人人愛吃的小食，肥姐的蠔餅大大塊，用筷子一拉一扯好過癮，蠔仔粒粒可見，煎出來厚厚一塊，軟滑煙韌，又能清楚看到一粒粒肥美的蠔仔，別有一番風味。肥姐的蠔餅店，不論老幼，都聚集一羣人排隊，可見其魅力所在。雖然蠔烙不是甚麼奢侈品，但這蠔餅那種魔力誰能抵擋。這對傳統味道的支持，作為元朗人一份子，我一定全力支持這個地道美食。