肥姐蠔餅婆

Open Now

Now Closed

元朗的蠔餅婆以其炸蠔餅而聞名，這道小吃絕對是每位美食愛好者不可錯過的美味。蠔餅的外皮金黃酥脆，咬下去時發出清脆的聲音，讓人忍不住一口接一口。餅內的蠔肉新鮮多汁，肉質鮮嫩，搭配上特製的醬汁，味道更是令人驚喜。這裡的炸蠔餅特別之處在於用料豐富，蠔的份量相當慷慨，讓人每一口都充滿了海鮮的鮮味。除了蠔肉，餅內還有香蔥和少許的香料，增添了層次感，讓整體風味更加出色。環境方面，蠔餅婆的攤位雖然不大，但卻熱鬧非凡，總是吸引了不少食客前來品嚐。服務態度親切，讓人感受到家的溫暖。無論是作為下午茶或是宵夜，這道炸蠔餅都絕對能滿足你的味蕾。總的來說，元朗的蠔餅婆不僅僅是一道小吃，更是一種懷舊的味道，讓人回味無窮。大家下次來元朗，一定要親自來試試這道美味的炸蠔餅！

元朗出晒名嘅蠔仔餅每次嚟都要食返一件先叫嚟過元朗今日好Lucky唔係排好耐隊😆價錢唔算貴 $40咁大舊 蠔餅好酥脆仲要係足料好多蠔仔 蠔仔新鮮唔會臭👍🏻仲要加埋佢個辣醬先最好味😋😋每次有朋友嚟元朗，我都會推介佢食👍🏻☺️

今次真係懷緬中學系列嚟😹🙈絕無欺騙！一放學就問fd食唔食 到宜家除咗街坊都仲有好多學生哥幫襯好似見到以前嘅自己咁😆肥姐蠔餅本身仲有賣涼茶同泰式酸辣無骨鳳爪🙆🏻‍♀️買完蠔餅去隔離手沖飲品店買嘢飲仲有得減3蚊!✨佢哋嘅蠔餅可以添加秘製酸辣汁 味道有啲泰式風味 辣度都算高 可以逐少逐少咁加加咗會酸酸地辣辣地開胃啲 但唔加都已經好好味 會食到胡椒味🤤粉漿脆口得嚟唔厚粉🙌🏻仲混合咗香蔥同韭菜 配合埋芫荽 食落好香💕蠔仔數量多 分佈平均 呢個價錢嚟講好合理👍🏻而且食落都keep到好濕潤嫩滑🦪唔係行大排檔嗰啲酥炸路線 但食落都係外脆內軟😋即使係咁邪惡嘅食物 食落口都唔會油淋淋✨即叫即煎 店主肥姐會一次過整幾份 但有時都要排下隊～建議拎到手即刻食埋先走🥹因為啱啱整完熱辣辣嘅時候一定係最好食! 冬天食佢可以話係更上一層樓🤣🤩馳名蠔餅 $40一份

呢間食蠔仔餅嘅街頭小食，我都嚟咗好幾次，係坐喺街邊食㗎，乾唔乾淨就見仁見智，但係夏天就有啲難搞，因為有啲臭㗎！所以住喺附近嘅人就好啦，可以買返屋企食！本人認為如果住得遠就最好喺當場食啦⋯我哋今日叫咗一份有蠔一份石蠔的分好冷的假期，所以細蠔已經賣晒，大隻啲嘅蠔仔就變成$50一份，平時係$40！蠔仔餅一定要加胡椒粉、芫荽及鍾意食辣嘅一定要加佢嘅秘製辣醬

呢度寫佢開兩點，但見佢呢日一點左右已經開咗門，上次經過已經好想試今日終於試到喇～呢度嘅蠔餅係即叫即炸，炸完會隔一隔油先裝上外賣碟，加咗一支五花茶，店主強調係自家製非來貨～店主重好細心叫我拉張櫈去有遮陰嘅地方慢慢食，拎起手蠔餅炸完唔算油，加上芫茜同蒜蓉辣醬，去咗啲油膩，果然好酥脆惹味，食落重有啲胡椒粉味，好香口😋👍🏻 上碟前佢會問你食唔食芫茜，份量都幾多，唔食嘅記得走🤣小食嚟講一個人食份量啱啱好😋

朋友帶路去食元朗嘅肥姐蠔餅，企喺門口已經聞到超香炸嘢味，叫咗一份同朋友share，都幾多人排隊，講返蠔餅超香脆新鮮滾熱辣，係即叫即做，份量好足，不過略嫌塊蠔餅有啲細，而啲蠔仔都幾大個！值得一試

肥姐蠔餅聽左好耐，終於食到喇！真係好好好好好好食！！！😋蠔餅炸得脆身又唔會油膩，入面嘅蠔仔俾得都好慷慨，啖啖都有蠔仔，配埋辣醬食，真係一流！肥姐蠔餅暫時係我食過最好食嘅一間👍🏻PS.辣椒醬係旁邊張檯，自己拎黎加

元朗肥姐蠔餅超級出名，平時星期六日一定要排隊！亦有唔同國籍嘅旅客問名而嚟，亦都係我食咗咁多年嘅蠔餅一定會呢間！蠔餅炸到外脆內嫩🤤超級多芫荽！加埋秘製辣椒🌶️甜辣醬超級惹味！蠔仔超級大大份兩個人食都完全冇問題👍🏻肥姐蠔餅隔籬就係B仔涼粉超級容易搵到，即刻整返碗糖水降溫真係好正～

元朗 | 名物外賣店，門口有幾張膠凳可以坐住食，可以揀takeaway或者即刻食。名物肥姐蠔餅 $40 7.8/10果然係名物！蠔餅椒鹽味好重，配秘製辣醬，酸酸辣辣，有減少炸蠔餅嘅油膩感。蠔仔脹卜卜，蠔仔數量都ok，蠔餅炸得好脆，建議即刻食。酸辣鳳爪 $40 6.5/10正常好食既酸辣鳳爪，用來解蠔餅嘅油膩一流。如果經過值得一試。肥姐蠔餅婆 (元朗)元朗教育路68號兆豐樓地舖

位於元朗既世一肥姐蠔餅，以新鮮嘅蠔仔同鬆脆嘅外皮而聞名，食過一次就唔想停。首先，蠔仔嘅鮮味真係令人驚艷，肉質滑嫩，口感一流，加上炸至金黃色嘅外皮，咬落去嘅時候，酥脆感簡直令人陶醉。肥姐嘅油炸火候掌握得好好，唔油膩，又能夠完美鎖住蠔仔嘅鮮味。蠔餅搭配上新鮮嘅芫荽，再加上秘製辣汁，真係為呢道美食更上一層樓。微辣嘅味道同蠔仔嘅鮮香、芫荽嘅清香搭配得非常好，令人忍唔住一口接一口，完美嘅搭配令呢道小食更加出色。最令人印象深刻嘅係肥姐喺爐前辛勞工作，佢頂住油煙，專注咁炸住每一份蠔餅，真係感受到佢對呢份工作嘅熱愛同堅持。呢份用心喺每一口美味入面都表現得淋漓盡致。

蠔🦪餅即叫即炸熱辣辣無得輸😮‍💨雖說是堂食，但是就是在街邊有幾張凳仔坐下來食，另有一番風味肥姐蠔餅婆真係細細個開始食，由果時一份細既十零蚊食到而家$40味道依舊 份量夠一人食

❤️元朗美食 🔸️相信住係元朗嘅朋友一定會食過或者聽過肥姐蠔餅喇掛🦪🤤🔹️我每次入黎元朗都必定會過黎搵阿肥姐買返塊蠔餅😍星期六日假期黎到通常都要排隊嘅，不過都好快手，10分鐘內都可以食到👍🔸️蠔餅 $40全部都係即叫即炸，入口香脆🤤，如果你係食得辣嘅話，一定要加佢個密制辣汁🔥👍就算唔食得辣我都覺得可以試少少，可能包你愛上食辣🔥佢個辣汁真係出面冇👍成支擺係到可以隨便落😃建議蠔餅即刻食，拎到入屋企淋左凍左冇咁正🤭🔹️鳳爪 $40個盒唔算大，扁身，所以份量唔算多，加上有好多洋蔥🧅，可能有十幾隻到，會附送一包辣汁🔥不過唔落辣都夠晒入味，酸酸甜甜，好開胃🤤如果加埋辣就更加醒神👍#jan元朗 #jan_foodie

又係做孤獨的美食家既時候啦，中午放飯係元朗食左午餐覺得唔多夠喉，諗起呢間元朗都幾多人講起既蠔餅婆，就諗住買份蠔餅食下吧。肥姐中午2點開檔，有時會早少少，我今日行過未夠2點都已經有人買緊，呢度除左蠔餅仲有無骨鳳爪，飲品有紫貝天葵，雞骨草呢d涼茶賣，咁就唔怕熱氣啦。炸蠔餅蠔餅似係用炸既方式做，主要用粉漿加蠔仔，即叫即做新鮮熱辣，落單後5分鐘左右就食得，鐘意芫荽既朋友可要求落多d，唔鐘意就開聲講唔要啦，炸蠔餅新鮮做起好香口，相對比較油膩，蠔仔份量唔算好多，有時一啖入口都係炸粉，不過味道尚算唔錯，加埋佢既秘制辣汁味道更升華，我係即場加完拎走的後悔無叫肥姐俾多包我。食完覺得都要叫還可以，40蚊一份唔貴間中食下都ok，但好驚豔又唔算，叫做平平地食份蠔餅過下口癮。

好多年前入到元朗經常會買蠔餅食嘅小店。已經好耐冇食過, 今日經過梗要買番件嚟食吓。叫咗外賣蠔餅1件。落單後，即叫即炸。拎住一邊行一邊食，味道依舊好味， 餅漿非常惹味香脆，如果可以多些蠔仔就更加好， 話咁快就一陣風咁食晒。

肥姐蠔餅婆馳名蠔餅 -$40難得黎元朗， 除咗香蕉仔之外，梗係要食埋附近嘅肥姐蠔餅婆。新鮮蠔餅即叫即整，蠔肉大大粒😋，餅底煎得脆卜卜， 同新鮮嘅芫荽好夾，連埋蠔餅一齊食食落口感更加清新。🍒排隊嘅人唔算多，叫完等5分鐘就有得食。👌