裕記大飯店

Open Now

Now Closed

相信90%香港人諗起燒鵝諗起裕記，今次特登去到深井，只係為咗食一碟例牌燒鵝同兩碗白飯🤤💚 裕記燒鵝其實一直都覺得裕記係果種名不乎實、食老本嘅老店，但係當你見到碟燒鵝出爐上檯嘅第一秒應該會完全改觀。除咗超級新鮮出爐之外，裕記嘅燒鵝炭火味十足，而且自設廠嘅黑鬃鵝同一般燒鵝完全唔同，無羶味之餘，皮同肉中間嘅脂肪油香係隔開半條街都會聞到。燒鵝皮好脆口，同埋好有入口即溶嘅感覺，難怪佢哋咁多年嚟都得獎無數。唯一缺憾係我哋人唔多，無辦法試埋其他小炒，但如果齋計燒鵝應該都真係全港數一數二。不過始終係老店，服務就唔係特別出色，亦都好有「港式風味」。味道: 🌕🌕🌕🌕🌕服務: 🌕🌕🌕🌑🌑環境: 🌕🌕🌕🌗🌑價錢: 🌕🌕🌕🌗🌑

由細到大都好鍾意食鵝，由其是係燒鵝！今日鵝癮發作，於是由屯門出發來到深井止癮！深井燒鵝實在太多選擇，不過近年我最鍾意都係食裕記燒鵝！因為食物保持到穩定水準，而且伙記嘅服務態度好！裕記燒鵝，皮脆肉嫩！件鵝嘅肉汁相當飽滿，食落唔會有一絲鞋口嘅感覺，火候控制得很好！而且鵝皮仍然保持到脆口，食入口有滿滿油香！依碟鼓油皇鵝腸相當出色！食鵝腸最緊要唔可以怕肥，怕不如唔會點佢。而依到嘅鼓汁皇鵝腸就真係好夠肥，而且新鮮爽脆！而鵝腸肥先會有個種入口「甘甜香」嘅口感！

周末來到深井裕記燒鵝，還早，是六點，我們五個人，主家與之善，早留座位。不過樓上數桌，似已嚼半。 依例叫了招牌菜。 當然首先是奉上主題「裕記燒鵝」一隻。分兩碟上，先嚐，肉甜汁香，不肥不膩。肉質濕潤鬆軟香滑，味道甘厚，又香又熱；奇怪，這種感覺，食盡港九食肆均沒有。真可算首屈一指。看來五人，其實半只就足夠，但現在一只也不覺多，皮脆肉嫩，因實在太好味。半只燒鵝220元，一只燒鵝索價420元。食燒鵝當然叫埋鵝腸，這碟是兩種腸，粉腸及鵝腸，真的，與我們在油蔴地吃的完全不一樣，不是那種爽爽的，而是有肉香味的，應該是新鮮，所以鵝味還重。 牛柳粒最怕咬不開，不過今天的剛好，有口感而且不韌。 帶子西蘭花，熱騰騰的菜，汁香帶子大而滑。 百花醸豆腐端上來，釀蝦是新鮮的，豆腐不夠滑，但蝦是精彩，味道很鮮甜。 縱觀此行，不錯，有驚喜。

去完釣魚，嚟到裕記食晚飯，記得上次嚟到已經閂門，今日終於可以一試。四個人點了一個四人套：套餐包括1. 西蘭花帶子 西蘭花煮得剛好，夠爽脆，唔過林，帶子亦都不錯。2. 裕記燒鵝半隻 都頗大隻，燒得不錯，只可惜未夠熱辣辣。3. 百靈菇扣鵝掌翼 百靈菇很「un」，鵝掌翼亦都很硬，如果炆林少少可能會好啲，老人家不宜食此道茶！4. 韮皇瑤柱羹 料很足，只可惜偏咸。5. 清蒸海上鮮 時間掌握得很好，食滑！豉油汁拌飯一流。6. 橙汁一支 Tropicana，ok喇，有得揀我還是較喜歡「菓汁先生」多一點。服務方面還ok，waiter勤勤換碟，冇之後食評所評嘅咁差。