裕記大飯店

Open Now

Now Closed

裕記深井燒鵝真係燒鵝界嘅一絕，名不虛傳！一上枱，燒鵝嘅金黃色澤同油亮嘅表皮已經令人垂涎欲滴，香氣撲鼻，充滿咗炭火嘅獨特風味。切開一啖，皮脆得啱啱好，薄薄一層油脂入口即化，帶住濃郁嘅鵝香；肉質嫩滑多汁，唔會過乾，咬落去滿口係肉嘅鮮甜同醬汁嘅鹹香，完美融合。配上微酸嘅梅子醬，解膩之餘仲提升咗整體嘅味道層次。份量十足，無論係單食定配飯，都令人滿足到極點。裕記嘅燒鵝真係保留咗深井傳統嘅精髓，火候同調味都做到出神入化，食完只想再encore一碟！

香港燒鵝曾經風靡一時，到了今時今日，大部分人都選擇北上消費，原因好簡單，就係品質、服務同價錢都較優勝，朋友都話過<裕記>水準不大如前了，試過今次之後，我都真係要同佢講再見喇！酒釀鵝肝size同幾年前比較，真係細件咗同薄咗，酒夠香但唔夠入味，口感又腍又滑唔好食。酥炸生蠔5隻生蠔好大隻蠔味重又juicy，蜂巢炸漿皮超好味，必食推介。椒鹽白飯魚白飯魚大大條好新鮮，炸得夠香脆熱辣辣，就算凍咗都好仍然好食。小炒皇小炒皇好足料，有蝦乾、銀魚仔、腰果、魷魚、帶子等等，不過鑊氣唔夠同茨汁杰咗啲。特大燒鵝半隻比正常燒鵝多$30但大隻好多，炭燒味幾香，但上層肉質較柴，下層就OK，不過同樣唔夠入味，真係失望咗！四人共消費: $1180

好耐無嚟la.. 所以又嚟試吓😌我哋一行6 人無訂位差唔多8 點幾先去到，都仲有幾多人👍🏻姐姐服務態度好好，好有禮貌，值得加分！一坐低話要等30 分鐘先有燒鵝，因為燒緊，咁我哋都等，食住等😌估唔到椒鹽白飯魚唔油膩，炸得剛好鬆脆，值得推介👍🏻琵琶豆腐，菠菜正常發揮炸蟹鉗（$55 一隻），算ok 等到燒鵝la.. 皮好脆，可能剛剛燒起，肉嫰皮脆，好好味😋等咗咁耐都值得嘅，反而點燒鵝個醬有d 稀，味道一般，有點減分！整體而言今餐感覺良好，這個價錢亦合理，會再訪👨‍🍳

早前於10月13日品嚐他們的燒鵝'椒鹽鮮魷'瑤柱蛋白炒飯,是驚喜.在期間一直推薦親朋戚友來嚐.今天再臨,同樣餐點,是驚嚇!燒鵝,初嚐皮薄肉嫩,皮脂近乎沒.今嚐四字形容(癡肥肉老)椒鹽鮮魷,初嚐炸皮金黃內肉嫩,今嚐炸皮色咖肉乾瑤柱蛋白炒飯,初嚐粒粒分明米飯,今嚐兩字形(油笠),粒粒皆辛苦宗旨下,食晒.跟住,新嚐豉油皇鵝腸,半碟腸爆晒膏,最幼都有半邊尾指粗,有舊重近乎手指頭舨大.叫伙計來睇睇點知被另位伙記大叫,鵝腸就系咁樣啦,無言了....

當日我同朋友行完山,都餓到腦震盪,到咗深井就豪一次,黎呢間有歷史嘅港式燒味店食正宗嘅燒鵝。一入門口,就聞到油脂香郁噴鼻而來嘅燒鵝香味,實在令人垂涎三尺。我哋點咗一份上品燒鵝,香口酥脆,脂肪恰到好處,完全無乾澀感。切開睇,鵝肉肥而不膩,汁水飽滿,化入口中,真係人間美饌。跟住係香脆惹味嘅椒鹽鮮魷,表層焦脆,入口卻彈牙多汁,加埋鹹味芝麻,咸香並重,令我忍不住一口接一口。之後試下佢哋嘅小炒王,青紅椒絲炒得恰到好處,微焦帶點脆脆,配合斯文嫩滑嘅肉絲,齊齊融和出一股層次豐富嘅滋味。好特別！再來一份經典無誤嘅咕嚕肉,肉塊軟嫩多汁,外層酥脆,淋上咕嚕醬後,酸甜鹹香俱全,一點也不膩口。仲有一條溫潤晶瑩嘅清蒸海魚,肉質鮮嫩細緻,微微帶點臨海嘅鮮甜。配埋鮮味十足嘅薑蓉汁,簡直醇厚惹味。同埋魚香茄子煲,烹煮得夠耐,蔬菜軟綿入心,絕對唔會太乾。豐腴濃厚嘅魚香汁令整道菜品味融洽,頓時大大增添咗食慾。整個用餐過程,服務員專業周到,餐廳氣氛都好溫馨自在,同朋友聚餐好開心。呢頓正宗粵式盛宴,真係爬山後嘅完美收尾!

屋企人咁啱過開嚟呢一邊，爸爸就車咗我哋過嚟呢一邊食細細過已經聽嘅深井裕記燒鵝，餐廳係米芝蓮，所以都非常多人，我哋今日三個人嚟食，就叫咗大家一齊share，主要梗係食我最鍾意嘅瀨粉！侍應嘅態度老實講好一般，而且可能人流比較忙，我哋安排咗喺一個比較迫嘅位置，唔係真係太好坐，而且張枱都唔係真係太大，不過都可以接受嘅，燒鵝嘅口感其實都幾豐富，做得非常好食，而且充滿淡淡的香味，而且個皮燒得非常香脆，做到外脆內軟嘅感覺，再加埋瀨粉簡直係冇得輸！而且肉質亦都非常有肉汁，唔會太乾，正！

老字號，連續攞咗好多年米芝連指南必比登推廣餐廳🍴！今日行完山之後，我們三人就搵地方去食下午茶，行吓行吓去到深井，所以去咗呢度食番碗燒鵝瀨粉先，我們點了半隻燒鵝下庄、淨瀨粉、蜆蚧鯪魚球、粉絲雜菜煲。食物方面：🥢燒鵝的口感十分豐富，外皮酥脆，內肉鮮嫩，肥而不膩，好味🤤🥢蜆蚧鯪魚球~美味弹牙服務方面：可能經濟差，遊客少了，我覺得這店的服務態度好似好咗啲，冇以前咁hea做，唔優做嘅感覺，起碼員工有笑容已經好好👍唯一缺點就係貴，不過如果食物及服務質素好的話，也願意比囉！

半年內 ，第二次過嚟食對上一次個仔生日話要食深井裕記燒鵝，所以生日飯就係呢度食今次第二次同屋企人過嚟食飯預早留咗兩碟酒釀鵝肝 每次嚟到必食嘅餸菜因為實在太過好食，全家人都好鍾意食酥炸生蠔 🦪 - 非常之鬆脆 小朋友必食嘅咕嚕肉 酸酸甜甜好開胃拼盤 鵝掌、鵝腸、鵝腎、海蜇、鵝翼 非常之入味鵝掌、鵝翼、鵝腎非常之腍 海蜇都非常爽口 鵝腸小朋友就未必食得到 比較爽口煙靭蟹肉扒豆苗 - 喺食飯中必須要有的成餐飯嘅主角 半隻燒鵝 皮脆肉嫩油脂非常之香配上酸梅醬可以解返油膩

最近我再去裕記大飯店食佢哋嘅燒鵝，真係有啲失望。相比以前，燒鵝嘅質素有啲下滑，而且份量都變得細咗。以前嘅燒鵝皮脆肉嫩，油脂均勻分佈，但而家嘅燒鵝就唔係咁出色喇。皮脆度唔夠，肉質有啲乾同老，整體味道相對差咗啲。 另外我見到隻燒鵝上層同下層係分開咗兩節顏色，好明顯係搭棚鵝，令我有啲失望。半隻鵝居然用兩隻唔同既燒鵝拼湊，真係有啲唔夠誠實。我作為食客，希望可以食到一隻完整同一致嘅燒鵝，唔想食到拼拼湊湊。 唔止咁，我都留意到燒鵝嘅份量變細咗。以前鵝嘅份量好足夠多人分享，但而家嘅燒鵝就覺得瘦細咗。我覺得可能係受北上消費嘅影響，為咗節省成本或客流量減少，餐廳可能調整咗燒鵝嘅做法同份量。  除咗燒鵝，我仲試咗其他菜式 滷水鵝翼同西蘭花扒草菇。滷水鵝翼煮得岩岩好，有滷水味道但唔會太鹹。西蘭花扒草菇，草菇仲係有草青味，廚房事前準備未足夠。  餐廳環境整潔，裝修簡約但有種懷舊嘅感覺，唔會覺得擠迫。

剛剛去完長途旅行，特別掛住香港風味的食物。端午節和家人到很久沒到的裕記吃燒鵝。洒釀鵝肝是我每次必點的前菜，因為鵝肝是半生熟只能堂食不設外賣，在外面沒機會吃到。份量不多只好珍而重之地慢慢品賞燒鵝保持水準，微微炭烤味道，鵝夠肥沒有「蘇」味，不乾，我們三人點例牌加庄份量剛剛好。當然要配瀨粉吃。腐乳炒通菜大大碟。也要讚一下樓面上菜快，服務員有禮貌，不會強迫你點菜。另外有個貼心位就是洗手間（女廁），尚算乾淨之餘，廁格內有扶手，同老人家去就會很方便。

難得嚟到深井 食咗最出名嘅裕記 就係一個例牌夏裝都已經要二百幾蚊食物喺其實都脆皮 燒鵝就有啲肥膩同埋油 中規中矩 整返嚟講，我覺得價錢實在太貴另外叫咗一個椒鹽鮮魷 椒鹽鮮魷新鮮炸脆卜卜都幾好食 純粹性價比唔高

食過4，5次。 次次都冇驚喜。昨晚星期日7pm,食過4人餐，超級失望。blacklist。個4人餐 928 （仲要加1）。- 燒鵝有分大细隻？ 冇問題。 但上枱時，出蒸氣？ 食落口，皮淋。蒸番熱？- 跟餐4枝大6汽水 2023 7月做。仲有1個月過期。又唔可以轉可樂，啤酒。- 個鵝翼咸， 魚本身冇咪味。以後都係去番陳記。

燒鵝：聲稱係深井最出名嘅燒鵝。送上嚟，賣相係好吸引。皮唔算好脆嗰種，但都香，皮有肥膏。肉都算入味。不過就唔係好食到炭燒嗰種燒烤味。薑蔥焗蠔：啲蠔唔算太大隻，整得幾爽脆入味。蒜蓉蒸蟶子： 每隻$72，勁多蒜蓉喺面，都算爽甜。魚肚肉絲浸時蔬：啲菜心幾甜，不過唔算好大碟。環境： ★★☆☆☆食物： ★★★☆☆ 推介指數： ★★★☆☆

我和我家人都超級喜歡這家的燒鵝！好吃到不行！服務態度也很nice，其它的食物味道也很不錯，海鮮都很新鮮！每次回來香港🇭🇰必定去這家飯店吃一頓！值得大力推薦！

去食晚餐，叫咗套餐，首先飲個西洋菜陳腎湯先，好有火候，熱辣辣，好好味👍🏻當然有燒鵝，個皮好脆，不過就覺得較為瘦啲，肉比較乾身，同埋其實例牌都唔係好多舊肉。反而覺得個花膠花菇喜出望外，足料，夠林夠入味！個炸蝦丸唔會好厚粉，炸到脆卜卜，入面蝦膠有口感！餐入邊包兩罐汽水，但唔知係乜嘢牌子，所以自己另外嗌咗可樂飲。見食評好多人都話服務差，近半年去過兩次，可能我好彩啦，其實個個服務員都好客氣，都好有禮貌，我覺得OK喎！