花月宮

Open Now

Now Closed

閨蜜約我去食飯，佢特意揀一間有特色火鍋店，時尚中式裝潢好有氣派，坐位私隱度高，同閨蜜可以邊談心事邊享用美食，感覺非常滿足。閨蜜不能食辣，所以選了沙嗲火鍋湯底，發現湯底比一般濃郁，滾起時飄出陣陣沙嗲及花生香味。肉類: 本地手切新鮮頂級騸牯牛頸脊，跟牌上指示灼15秒，肉質嫩滑海鮮類 : 蘇格蘭聖子皇，超大隻及厚肉，肉質彈牙，味道鮮甜無比蔬菜 : 西洋菜非常脆嫩豆品 : 自家製脆炸響鈴，真正自家出品，上枱時仍然熱辣辣特色小食 : 金鏄豆腐，即時製作，外層金黃香脆，裡面則十分幼滑總括這裡的食物質素很好，用料新鮮，是十分高質的火鍋餐館!

天氣凍嘅最佳節目就係打邊爐，之前食晏發現尖沙咀又有一間新開嘅火鍋店，餐廳名叫「花月宮」，呢晚放工就一於嚟烚吓烚吓🌸。餐廳環境唔錯，燈光明亮💡，而且食完個身都無一大浸味。同時，餐枱闊落，客人坐得舒服。我仲留意到呢度設有包廂房間呢。火鍋食材選擇算多，價格屬中等水平，份量亦適中。佢另外仲提供少量特色小食，例如麻辣前菜同炸物等，望落都幾吸引，但肚皮有限🙈。花月宮特色四格鍋($268)，呢個四合為一嘅湯底值得高度推介🍲，單點鍋都要接近$100，而家可以用一個價錢試匀多款口味！第一款係藥膳花雕花膠醉雞鍋🐔，估唔到併搭都附送一份雞同花膠，有雞髀同胸。由於係藥膳底，所以味道偏甘苦，帶少少蔘味，不過酒味就唔重。第二款係黑松露野菌鍋🍄，菇湯超好飲，味道清甜，菇香撲鼻，適合淥菜同麵食。第三款係四川麻辣鍋🌶，辣度唔算好強，但同樣帶啲藥膳味，湯底本身附有索湯嘅蜂巢豆腐同鴨血。最後就係蕃茄濃湯海鮮鍋，我認為海鮮味比起蕃茄味更突出🍅，海鮮有蝦、青口同魷魚等。三色滑($128)，手打滑有三味🍢，圖左至右分別係干貝滑、墨魚滑同鮮蝦滑，每款大約可分到六粒，都算抵食。三款味道有明顯唔同，不過質感同樣彈牙，其中以干貝最特別，