RuRu Tapas Restaurant (Closed)

大角咀真係越嚟越多好野食！🥰上次上完yoga之後，見到有間西餐廳🍴—「RuRu Tapas Restaurant 」係附近，睇落幾好，就入去試下啦，果然唔錯喎！😎⭐️推薦❗金槍魚他他Tuna Tarter（$168）平時啲他他就只係切粒，然後一層層疊上去，不過呢度嘅金槍魚他他比較特別，金槍魚切粒，用青瓜粒、自家製微辣惹味嘅醬汁預先拌勻和調味，面頭再用油浸鯷魚圍住，賣相更精美，味道更豐富！金槍魚肉嫩無筋，鮮甜味美，配上火箭菜、法包🥖一齊食，好開胃！西班牙辣椒仔 Padrón Peppers （$88）雖然叫做辣椒仔，其實係唔辣嘅！😂辣椒仔係西班牙嘅經典小食，只係用上海鹽簡單嘅調味，襯托出辣椒仔嘅鮮甜，佐酒一流！⭐️推薦❗紅蝦意大利麵 Red Prawn Pasta（$188）每條意粉掛滿紅蝦汁，加上籚筍、蕃茄仔、彩椒等，更添口感。紅蝦鮮香軟嫩。⭐️推薦❗西班牙燒乳豬 Spanish Roast Suckling Pig (Cochinillo Asado) （$288/Reg）Regular份量兩三個人share都夠食，乳豬幾厚肉，肉質嫩滑多汁，肉香味美，西班牙乳豬，配上蘋果蓉，味道更清香！☺️

行經大角咀見到新開左一間西式餐廳，牌面光猛，睇落唔錯，一於入去來個happy hour🍻🍻坐低後，店主主動推介一款特色食物，話係西班牙辣椒仔，小弟孤陋寡聞，真係未食過，一於叫來try try😝😝另外都叫左個芝士薯條同埋紅酒辣肉腸配麵包粒來當前菜😋😋一上枱，就聞到超香，個辣椒仔非常大隻，食落相當唔錯，辣椒仔本身非常甜，店主喺上面加返少少鹽，變得更加惹味🥳🥳個紅酒辣肉腸亦相當出色，腸仔食得出真材實料，絕對唔係超級市場嘅貨色，加上焗到非常鬆脆嘅麵包粒，真係要即刻叫番杯啤酒啤一啤佢！🤩🤩最後亦都叫咗個西班牙墨汁飯，呢個墨汁飯掂呀！色，香，味都有！海鮮好足料，係我近年來食過最好食嘅risotto之一！😍😍如果大家行經大角咀又想飲杯嘢，絕對推薦嚟呢間度食！🤪🤪

大角咀站📍 RuRu Tapas Restaurant-去完奧海城行街，見到呢間幾有格調嘅餐廳，又去試下。慢煮豬柳配雜菜（$188）呢碟慢煮豬柳大大塊，肉質嫩滑，外皮煎香過，配菜有薯蓉、蘆筍，配埋醬汁食好惹味😋西班牙蛋餅（$62）西班牙蛋餅雖然細細舊，但係食落都幾飽。面頭有西班牙火腿片，蛋餅入面有一片片薯仔、洋蔥、細細粒火腿，味道豐富👍🏻西班牙辣椒仔（$62）呢個辣椒仔好特別，用海鹽炒香，意想不到好食，味道甘香，完全唔辣，食完成口係辣椒味😂🤪（我平時少食辣椒仔都清左半碟😋👌）環境方面，餐廳樓底高，裝修有格調，座位闊落舒服，坐係度慢慢食，聽著音樂都幾chill😎最緊要門口有咪錶位，方便揸車友🚗而家堂食全單7折，上面價錢係折後價💸

上次同朋友傾開好耐冇食西班牙菜，佢有好介紹，話下次一齊去食。今晚我哋終於約到去食啦😆呢間餐廳裝修型格，燈光比較暗少少，好適合同朋友飲酒傾計👍🏻我哋見佢餐牌tapas嘅選擇比較多，所以我哋叫咗2款tapas，1款pasta 😋西班牙辣椒仔外表好有光澤，食落口唔會乾爭爭咁，好有橄欖油香之餘，仲好香辣椒味添，但係一d都唔辣，佢仲用咗d海鹽吊起d味道。一個好似好簡單嘅tapas，但係好好味😋西班牙蛋餅上面放滿d西班牙火腿。蛋餅厚身，一切開入面，中間啱啱好熟，一d都唔老👍🏻入面仲有洋蔥丶薯仔粒同煙肉，食落好有口感，配埋西班牙火腿一齊食，鹹香鹹香😋白酒辣蜆肉意大利粉好香蒜味😍食落口帶有少少白酒嘅香甜同仲有少少辣。可能因為加咗西班牙肉腸chorizo。佢係紅椒味嘅肉腸，散發出濃郁的紅椒粉與油脂的香氣，食完之後齒夾留香😋而蜆肉份量好多，肉質飽滿又鮮甜😍

有位朋友住大角咀，大角咀呢個地方嘅位置向來都好特別，要去到旺角再行一段路，但行過去都未至於太耐喇，15分鐘左右就可以。朋友最近試咗間西班牙覺得幾吾錯，推介我試試，記起都好一段日子冇食西班牙菜🇪🇸西班牙菜同一般西餐一樣有小食、沙律、意粉、主菜，不過定價稍微偏高。西班牙辣椒仔真系好傳統嘅西班牙菜，其實吾會好辣，做餐前小食都幾香口。跟住叫咗款紅酒辣肉腸配全麥麵包粒，辣肉腸有好重嘅紅酒汁味，本身中意紅酒🍷嘅人會更中意。辣肉腸辣味都幾明顯🔥本身吾系好食得辣，但又想試試🤪好彩有口感好脆又健康全麥麵包粒，一食就勁快食曬😆主菜方面，紅蝦意大利麵系吾錯嘅選擇，落咗洋蔥、橄欖油、香蒜、車厘茄、白蘭地，香料方面非常足夠，紅蝦爽口彈牙，香蒜同橄欖油香氣十足，意粉口感適中。

Ruru係大角咀新開嘅西班牙酒吧餐廳，是日同同事喺附近做完野，見時間仲早，就一齊喺度食少少野吹下水先各自歸家。因為係西班牙菜，所以menu都係以Tapas為主，不過都有甜品同比較飽肚嘅飯麵同主菜。西班牙辣椒仔($88)哩度嘅辣椒仔比平時食倒嘅大隻，一隻都等於平時嘅兩隻。雖然叫辣椒仔，不過係完全唔辣嘅，西砌牙做法一般都係煎香左最後灑少少鹽吊下味，辣椒仔爽口得黎唔會有草青味，味道都唔錯嘅。西班牙蛋餅($88) - Ruru嘅蛋餅上面多左兩塊西班牙火腿，蛋餅唔會過老過熟，中間加左啲洋蔥，所以除左食倒火腿囓鹹香味，仲有洋蔥嘅香甜味，食肚得黎都幾好食。香辣大蝦意大利粉($188) - 意粉唔算大份，只係剛好一人份量。意粉用左橄欖油炒，所以食落比較輕盈冇平時忌廉汁底咁滯，意粉都好彈，上面有三隻大蝦，蝦肉幾結實，辣度大約係BB辣，點到即止，係三樣食物裡面我最鍾意。總結，食物唔錯嘅，每個座位都有咕臣，坐得好舒服，好適位同朋友慢慢坐慢慢吹水。

裝潢漂亮、環境寧靜同舒適，坐既全部都係沙發，有晒咕𠱸，坐得舒服，非常之適合一班人飲下野吹水💦----------西班牙蛋餅 $88蛋餅岩岩好熟透，入面有薯仔粒、洋蔥粒、煙肉碎，面頭仲有啲parma ham，帶啲鹹香，好夾👍西班牙辣椒仔 $88其實佢一啲都唔辣，係青椒黎😹食落質感軟腍，少許既鹹味，用黎送酒就一流😉慢煮和牛臉肉配薯蓉 $298和牛臉肉份量多，用左慢煮方式，肉質軟熟🤓不過個汁既紅酒味略為重左啲，應該係落多左😂因為一上枱未食已經聞到個紅酒味😅----------*設加一服務費