登堂 (Closed)

今晚幾個人去左觀塘「登堂」食飯，餐廳有live Band現場演唱，其中一面的枱比較有情調，而另一邊廂則是「光明磊落」一點。點了凱撒沙律配蘇格蘭煙三文魚，菜和三文魚的份量都很多，還有芝士碎、脆脆麵包粒、煙肉碎等，好味！叫咗幾個主菜SHARE食，首先有鮮海膽手拆鮮蟹肉自家製手造寬條麵，佢寫住限量供應，應該係好嘢！果然不負眾望，一大片海膽在中間，鮮甜美味，還有蟹子和蟹肉，意粉汁相當creamy，真係食完都再三回味！另外叫左個西班牙黑毛豬火腿菠蘿Pizza ，超多芝士配搭西班牙火腿，還有菠蘿、白菇和火箭菜，香噴噴之餘亦有強烈的味道充斥著整個口腔，是不錯的選擇！朋友選了威靈頓美國特級牛柳，見到相當有份量，肉腍而且十分Juicy！還有一隻低溫慢煮燒原隻法國黃油春雞，食唔出慢煮同快煮的分別，大概是保留到肉汁鮮嫩吧！唔會太「鞋」。整體的食物和服務質素也很好，可以再來。見到佢仲大抽獎，去馬爾代夫！太吸引了

蝦子餅生日正日，一家四口出左觀塘慶祝，同事介紹左呢間「登堂」，佢話係屬於M1集團旗下第二好味的餐廳，（第一好味的在元朗，恕我未能奉陪），聽落都覺得有品質保證！餐廳佔二樓全層，一上扶手電梯就見到有一對live Band現場演唱，很有氣氛，live band附近有bar枱、高枱和普通正方枱，燈光較暗，相當有情調，適合情侶用餐，還面對著一個酒櫃，不過我完全不懂欣賞。至於我們這些家庭客或大班朋友，比較適合去另一邊廂的枱，燈光明顯光猛些，有3部projector把影像打到牆上放映(播位演唱會片段)，氣氛截然不同，再行遠幾步見到有房添！後來知道原來餐廳都可以比人book場搞活動，三間房仲可以打通，而我坐既位置也可以包場，都幾好喎！坐定就叫嘢食啦，晚上都有set dinner,而 a la carte menu就整到成份報紙咁，選擇都多，最後我地叫左一個凱撒沙律 配蘇格蘭煙三文魚（ $108），四個主菜加一個甜品。沙律份量很大，大量羅馬生菜加上煙三文魚份量都多，配以芝士、脆脆麵包粒、煙肉碎等，加埋凱撒沙律醬，一流！主菜叫咗「威靈頓美國特級牛柳」（ $348）、低溫慢煮燒原隻法國黃油春雞（ $248

上次試過午餐, 係上菜太慢, 食物質數都唔差, 於是比多次機會佢, 今次嚟食晚餐, 因為唔趕時間, 所以感覺上比上次好好多, 唔駛係咁吹佢上菜, 搞到人都癲..................晚餐同午餐都係咁多人, 又係要book枱先有位, 因為差不多全場都已經book滿, 仲見差不多枱枱都飲酒, 所以我估佢晚餐都係做到一轉.............晚餐上菜速度感覺上比午餐快, 可能午餐d人太集中一個時間嚟食, 所以廚房有d應付唔嚟, 但晚餐每枱落order時間不同, 唔會堆埋一齊, 而且有d比較輕巧d的食物會快d上枱, 所以食得比較舒服............. 炸日本甜薯薯條即係炸蕃薯條, 雖然唔係紫薯, 但日本黃蕃薯都夠哂甜, 好彩佢個炸粉唔係太厚, 又係新鮮炸好, 熱辣辣, 响等主菜嚟時, 呢個不失為一個好好的餐前小食~  辣肉腸蒜片牛油白酒汁煮蜆好Q大隻蜆, 隻隻蜆都好飽滿, 見到個汁仲以為會好辣, 但原來都唔會, 少少辣辣地仲吊味, 可能因為太大隻, 所以一兜只得果6-7只左右, 唔係好夠喉..............雖然仲有伴兩塊蒜茸多士............. 低溫慢