醉胡爐 (Moved) New Location

天氣開始涼, 啱哂打邊爐. 食神滔滔都話打邊爐最緊要係湯底, li間近住山林道嘅特色hotpot店最出名正正係成個list咁豐富嘅湯底啦! 🍲Menu上湯底有10幾款選擇咁多, 送到黎就知道店家嘅湯底其實係有好多食材嘅湯黎gei😋未恰下恰下之前一定要呷幾口湯先.🍲湯底- 火焰🔥龍蝦🦞海鮮湯 (HKD368)為左li個咁鮮味嘅龍蝦湯下次一定會嗌多2個fd一齊再食!! 正確黎講, 佢係店員即席喺面前將一大隻龍蝦由生炒到熟, 龍蝦肉新鮮到不得了, 最LIKE就係贊酒燒一燒個火個下🔥, 湯係以龍蝦頭熬成, 加上好多蜆, 洋葱, 西芹, 蕃茄, 唔怪得啖啖都咁濃稠咁鮮味啦🤩, 炒熟唒之後就可以𢳂黎飲, 好正!!!!!! 🍲我地2個人食咁大隻龍蝦🦞肉份量真心犀利, 因為預早已經切好件所以唔會食得太messy (湯太好味所以飲左兩碗🤣)*飽!!*因為店員會好留心四周嘅食客, 見到我地差唔多要”恰下恰下”就主動為我地加湯成為一煲啱唒hotpot嘅湯底了!🍲手工魚皮餃 (HKD48>半份)得兩個人食所以選擇一定無成班人食咁多款, 好在店家部分生料有”半份”li個option, 就魚皮餃都有5粒

天氣咁凍，當然要打邊爐啦！！其中一位朋友想試下玩鮮湯底火鍋，所以我哋就決定去試一試呢一間😋餐廳位於佐敦，出地鐵站大概五分鐘路程就會到達。服務員態度很好，禮貌十足。餐廳內部裝修豪華，有別於一般傳統的火鍋店。火鍋湯底選擇很多，但由於做緊promotion，二人同行或以上會送一個卜卜蜆鮮蟹魚湯鍋（原價$298），所以我地都冇三心兩意😂呢個湯底係新鮮水蟹同埋蜆加入酒，再生炒而成既，熊熊烈火升起，睇頭十足，打卡一流📸。🥢手切安頂級格斯肥牛 大（$338）入口即溶，油脂及牛肉分佈均勻。🥢西班牙黑毛豬豚肉（$188）上碟好靚，半肥瘦洽到好處。🥢紫菜炸響鈴（$88）好脆好香口，第一次食有紫菜係入面既響鈴。🥢黃金墨魚丸（$52/4pcs) 墨魚好彈牙，好有咬口，裡面係流沙咸蛋黃😍，超正。🥢黑松露蟹肉餃 半份（$68/4pcs）🌟必試🌟皮薄餡多，黑松露和蟹肉呢個配撘超夾！！❤️🥢珊瑚蚌（$138）鮮味十足！！好鮮甜，一點腥味都冇，爽口彈牙到不得了。🥢花雕杞子農場雞件 小（$138）口感嫩滑，煮耐左都冇覺得鞋口😅🥢仲order了其他配料和菜，但最特别都是以上這些。

🥂生炒醉蟹鍋 🥢把活水蟹及生蜆炒香提味，再加酒煮熟匯聚成精緻湯頭。水蟹以肉小但鮮味濃烈見稱，醂酒香味加上生蜆的海水味結合成集鮮、甜、香、惹味等於一身的貴族佳釀。 味道視覺都要異常出眾！飲過湯頭再加入鮮魚淡湯，其不至於令鍋物愈煮愈濃，又可保留海鮮鍋底的原汁原味，整場用餐體驗對美味關顧得無微不致。滿分水準，必試鍋底。▪️▫️🌆昏暗光線配上中國古式木材裝潢，加上用古箏彈奏的流行曲目，連氣氛都力求跟味道有所一致，傳統而不失創作味，精靈活力。感覺賓至如歸，可以從食店設計上啟發出生活靈感。▪️▫️🍻食店的營運定位不論打卡拍照及朋友聚餐慶典都足夠勝任有餘。吃火鍋的一般服務如加湯、定時收拾配料盤碟等都不用提點，全數自動自覺，這一點本人非常滿意。▪️▫️🍻海鮮篇🥢海鮮作為高階火鍋的必吃配料，除新鮮度以外，來貨產地也是重要課題，例如香港土產大蜆的肉水量偏多，多小都夾雜腥悶；甚或台灣七星爐會比土產的更清雅，肉味不至太濃烈。胡爐的食材配料跟鍋底同樣出色，接下來共分開兩篇為大家介紹。🥢 珊瑚蚌 | HKD138水準敢說是吃過多間火鍋食店之中最好的。蚌類食材的貝殼味道本來就比貝類海產低，只是鮮味及貝味都比普遍食店的蜆肉更過之

三五知己香港地食飯真係十餐不離八餐都係打邊爐而家嘅火鍋店越開越出色唔再係以前酒樓sell平嘅任食火鍋反而更多係追求湯底同埋格調呢間都係食到我咀刁嘅一間火鍋店黎！舖頭走嘅風格好似bar 或者居酒屋crossover 火鍋店咁位與位之間好有privacy我覺得兩個人拍拖黎食飯都好適合雖然身邊大部分人都食緊龍蝦湯底（成餐飯都聞到隔離煲香）但因為同行友人唔食蝦我地就揀左個冬瓜花膠雞翅鍋水滾之後緊係每人飲返碗湯先淥野啦個湯好甜而且唔油！成隻雞喺入面咁滯所以我地都唔洗叫太多送平時煲湯通常只係飲頭浸今次應該煲到尾聲我地都仲飲緊順帶一提呢個湯底配烏冬真係超正特別推介呢個紫菜響鈴卷係每日舖頭新鮮即炸架比平時食開嘅響鈴卷更脆！佢嘅飲品都值得一讚我地嗌左酸梅柑桔蜜配火鍋感覺即刻滋潤左

由佐敦地鐵站出口D，一出地鐵站一直行落黎便見到都算方便易搵，門牌大大的，遙遠都見到BOOK左1830，同行4位最初入黎冇乜人，四周格局似酒吧，環境尚算寬敞，私人空間也有屏風格住一來到就有醬料格遞上，侍應親切有善同行朋友不食蝦的，於是選了冬瓜花膠雞翅鍋湯底冬瓜花膠雞翅鍋原隻雞上，第一時間先飲湯湯很LIM口，很滋潤，雞件很滑有一大圈冬瓜，可以叫侍應幫助切開花膠同翅既份量不少，每人都分到三、四舊手切安格斯肥牛，入口嫰滑西班牙黑毛豬豚肉爽口，仲有紫菜響鈴、烏冬、蝦丸、油麥菜、鴨血等等飲品方面: 嗌左兩札酸梅金桔(熱)，都幾好飲，幾開胃

係FB見到介紹呢間火鍋，睇見好出色，所以就同老婆book位黎試下。入到去背景音樂係純音樂，第一感覺好高檔，樓底高，擺設左好多唔同嘅酒同埋飾物裝飾，呢到大部分都是卡位，唔驚比隔離枱嘈到。$1 火焰龍蝦海鮮鍋波士頓龍蝦再加貴妃蚌，店員倒下小小白酒，再用火槍點着，紅紅嘅火焰立即點着，我同老婆都立即叫咗一聲嘩！店員炒好龍蝦同埋貴妃蚌之後，將湯底倒埋落去，將蓋合上，隨即告訴我哋等等先嘗嘗湯底，之後再食海鮮，最後才食火鍋料。湯底味道非常之鮮甜，龍蝦味濃，我同老婆都各自飲咗兩大碗龍蝦非常鮮甜，肉質鮮嫩、爽口貴妃蚌大大隻，肉質爽口彈牙象拔蚌刺身：超級新鮮，好爽口，勁正火鍋配料：午餐肉：手工雲吞、 鮮蝦帶子水餃、芝心墨魚丸（半份） 西班牙黑毛豬豚肉：呢個我個人十分鐘意，豬味十足肉質嫩滑，唔鞋口總結：呢度環境舒適，食物品質高，再加上做緊優惠一蚊龍蝦海鮮鍋，店員話本身優惠做到月尾，但因為反應熱烈，應該會加推，我同老婆都會係優惠做完之前再嚟多次。