One More Hotpot 來一鍋 (Closed)

今晚全家人都得閒，一齊出去威 去開銅鑼灣，就去咗朋友介紹嘅來一鍋！選址方便，好近時代廣場！店舖乾淨，地方寬躺光猛，裝修特別！我哋嗌咗呢一個$368/位既套餐，鍋底有10款選擇，除咗主菜、前菜同肉類冇得添之外，其他火鍋配料都可以任嗌，嘢飲任飲，應有盡有我哋揀咗酸菜卜卜蜆鍋拼四川麻辣野菌鍋 (小辣)，湯底材料豐富，主打冇味精！麻辣鍋唔算太辣！手切安格斯 Prime  Grade  牛頸脊肥牛片：脂肪比例平均，分布均勻，肉味濃厚！西班牙黑豚肉唔會太薄同韌！海鮮盤一嚟到已經心心眼 有好多款唔同嘅海鮮（大蝦、貴妃蚌、象拔蚌、扇貝、青口、鮑魚、龍躉片），全部都好新鮮、好大隻、好好味，真係超級正！認真推介獵殺菲林嘅即炸響鈴！超級脆，超級大條，有成個膊頭咁長即炸魚皮都好脆，正！手工丸(墨魚釀豆卜、豬肉丸、墨魚丸、牛肉流心芝士丸、豬肉釀鮮冬菇) &  手工餃 (韭菜餃、獅城魚尾雲吞、羊城水餃)：特別推介牛肉流心芝士丸，芝士夠多夠味夠流心！食嘅時候要小心啲 另外所有手工餃我都好鍾意好推薦，雖然細細粒，但係內裏嘅材料比例十分好，個皮亦包得好實好味花枝片 & 山根 & 午餐肉 & 花膠 & 黑豚腩片：其他火鍋

天氣持續嚴寒，冇嘢開心得過去打邊爐！！最近經朋友介紹下知道有間新開嘅火鍋店位於銅鑼灣鵝頸橋對面，係時代廣場shopping完再過去就啱啱好！！火鍋店名稱叫做<來一鍋>，任飲任食2.5小時，而家新張期內仲有八五折真係好抵食！而且環境舒適坐得夠闊落，張枱又夠位。你知啦，任食打邊爐通常都係叫到一枱都係，如果張台好細就真係好掃興半放題形式需要先揀湯底，這裏有九款湯底或者雞煲可以選擇，之後再揀肥牛片或者黑豚片。而我哋今次揀嘅係海鮮邊爐所以有七款海鮮同埋八種手工丸或餃類拼盤，如果都仲唔夠仲有好多火鍋配料同配菜可以無限追加，聽到都覺得超豐富！！嘢飲當然亦係無限量供應啦，除咗有韓國飲品之外，都基本上有好多大牌子罐裝飲品可選擇，竟然還有x巢咖啡！！！平時喺數字仔便利店買都起碼要8蚊嫁喎！！前菜有木耳同埋青瓜，辣辣地都有幾開胃！湯底當然要選胡椒豬肚湯先夠暖身驅寒！淡麻黃色嘅湯底除咗有豬肚外還有鹹菜，個湯底鹹鹹辣辣，淨飲都已經覺得好好味。主角七款海鮮拼盤隆重登場！有扇貝，青口，鮑魚，大蝦，蠔，象拔蚌和珍珠蚌，起開心除咗大蝦以外全部都係貝殼類，全都完整無缺而且不是翻用的環保殼，看圖都知道海鮮

冬天真的打邊爐打不停！今晚又約了嚐辣同事吃晚飯，當然是吃大辣雞煲再打邊爐暖暖身啦~這裡的座位寬闊，分隔度又高。一坐下就可以混醬了。鍋類選擇多又特別，其實還有張是藥膳鍋的，但我們太想吃辣，都是叫了雞干鍋，即雞煲是也~ 套餐內已包肉，海鮮和手工拼盤，相當豐富！不夠的話，火鍋配料更是任點任食呢大辣的雞煲當然充滿不同種類的辣椒，香氣四溢因為乾身的關係，要調細火並翻翻。雞件都吸收了醬汁，整件都變了色，味道香濃又麻辣，肉質又嫩，愈吃愈爽啊店家加的是湯不是水，所以整個鍋的味道一直保持濃郁，加上辣椒繼續翻滾，愈煲愈辣海鮮拼盤比我們想像豐富多了。鮑魚，蠔，珍珠蚌，扇貝等全部都大大隻，絕不欺場所以我們第一時間就吃海鮮了啊！圖中可見，全部海鮮煮後都沒縮水，還是大大隻啖啖肉的，證明用料新鮮味道鮮甜，質感爽口彈牙，三個字，超級正回味無窮呢！友人不吃牛，就點了黑豚肉，薄薄一片的脂肪部分好少，熟後味道甜肉質軟，原來豚肉也可以那麼好吃~這裡整盤都是店家手工製作的食物，水餃、釀物和丸子。個人最喜歡爆芝的牛肉丸、有甜味的豬肉丸，還有餃子類全部都是皮滑餡料多了，感受到店家的誠意這沾了鹹蛋黃的炸魚皮讓我吃不停，就這樣吃好香口

父母剛外遊回港，佢地太耐無食中式食物好想食，適逢天氣轉涼最岩就係打邊爐，所以我地今晚決定去烚下烚下。網上見銅鑼灣有新火鍋店，從times square行去好快到，我地就決定試新野。餐廳裝修以藍白色為主調好似希臘小屋咁，好有渡假feel，西餐廳格局配以中式火鍋，阿爸話好似重係歐洲咁😂點菜紙一頁包含所有火鍋配料，汽水係任飲。前菜和主菜都是已定，因主菜種類已很多，我們決定先吃完主菜才點其他配料。醬料有六款前菜四川麻辣木耳手拍青瓜木耳不是很辣~我們也能接受，呀爸就好鍾意食青瓜，話好醒胃!花膠螺頭雞鍋(濃湯)湯好濃郁，材料好足: 花膠~雞~豬骨~螺~紅蘿蔔，入口清甜，我地每人一碗後已經要加湯喇😂肉類有兩款可選，兩位可選豬或牛一碟，我地剛好可試晒兩樣。西班牙黑豚肉豚肉好軟淋，甜甜嘅肉味好正👍由於薄切只需烚十幾秒已經食得，媽咪眨下眼已經食左半碟。手切安格斯Prime Grade牛頸脊肥牛片肥牛片牛味濃郁，有口感，油脂部分甘香，這個二人份的份量也算多。扇貝 / 鮑魚 / 大蝦 / 蠔 / 珍珠蚌 / 象拔蚌整盤海鮮都非常新鮮，海鮮新鮮已經無敵，我地每樣都分類計時烚，免得過耐變韌浪費了。當中我最愛係扇貝

外父外母上星期在歐洲外遊完返黎, 約我地今晚開餐順便俾手信我地, 佢地話外遊時冇啖好食, 今晚趁天氣轉冷想打邊爐。 由於佢地係南區住, 約佢地最方便一定係銅鑼灣, 我係Openrice搵到呢間係時代廣場嘅 One More Hotpot來一鍋, 地點非常方便, 附近鵝頸橋有巴士站直接返南區, 我地行去Times搭地鐵都好近, 最重要係新張期Openrice有獨家晚市75折優惠。我地約左6點半係時代廣場集合之後一齊行過去, 餐廳在冠景樓，我地都係第一次去。餐廳裝修簡約新潮, 以白灰藍三色為主調, 感覺上似西式Cafe多於火鍋店。我地入座時未到7點, 客人未算多。我地坐張卡位非常闊落，餐枱都好大張，擺放大量食物都無問題。未揀湯底前店員已經送上前菜，味道正常，唔算特別。來一鍋有好多款特色火鍋湯底選擇, 外父外母同老婆都唔太吃辣, 最後揀左花膠螺頭雞鍋(濃湯)做湯底。呢個鍋底好足料，雞肉嫩滑，花膠大大件，而且湯底濃郁但唔會太咸，味道剛好。呢度除左任食任飲的項目之外，套餐已包括每人一份的海鮮，有扇貝、青口、蠔、鮑魚、大蝦、珍珠蚌同象拔蚌。呢份海鮮好新鮮而且大大份，絕對係回本之作。當中我最鍾意隻鮑