京都

Open Now

Now Closed

太耐無行石門啦諗唔到食咩 就揀左石門京都食壽司、刺身因為份量大 選擇多今次order角切魚生飯定食 $69連中華沙律、日式麵豉湯、熱飲魚生飯份量超多 可以舖滿飯面 如果唔食wasabi 可以叫走wasabi章魚有三文魚、油甘魚、吞拿魚腩、黃瓜、青瓜、蟹子、芥末章魚...今次魚生粒粒都好厚切 魚生又無乜醒味 一啖一舊魚生 真係幾OK中華沙律普普通通 我用黎撈飯食 不過麵豉湯就好水 試左一啖就放棄熱飲叫左杯蘋果茶 有果肉粒、但無味🙈當清水飲

來到石門搵食離不開係去地鐵站好近，分開兩邊一期同二期嘅京瑞廣場，今次就黎到一期二樓嘅京都食日式料理。午飯時候周圍都好多人排隊，少不免要等上十多分鐘，見到京都嘅價錢經濟，定食套餐亦包壽司同湯，所以就決定排一陣隊。先睇睇lunch set menu，都幾多選擇。黎日本餐當然要試下魚生飯，哩度嘅魚生飯價錢黎講算幾抵，望落份量都大。前菜係中華沙律，另附日式麵豉湯，兩者味道正常，不過不失。可惜面頭嘅魚生鋪得唔係咁靚，賣相望落亦欠缺光澤，魚生肉散收收好梅咁，食落仲有少少暖，好唔新鮮，最後都唔敢食晒......唯一可取係蟹子份量多。所以有時貪平都未必好，始終魚生唔新鮮好易吃壞肚皮，下次如果再黎都唔會食魚生了