京都

Open Now

Now Closed

Lunch見好多人, 去試一試. 見價錢抵,又多選擇.order左雞扒烏冬. 等左頗耐. 接近15分鐘. 見到個set上枱,好豐富. 開心返. 首先食餃子. 凍既.🥲食烏冬…. 有陣油味.oh. 之後應該唔會再去喇!

依間餐廳真係好伏 大家真係要小心！首先同朋友叫咗兩個午市蒜香牛柳粒飯定食包一杯熱飲 我哋就揀咗熱蘋果茶送到嚟杯茶同熱水無乜分別 完全無蘋果味個底有幾粒蘋果粒咁 唔知想點定食包一個沙律 一碗麵豉湯個麵豉湯都係完全無味 衰過用湯包沖得個沙律正常 其他無樣掂個蒜香牛柳粒都好fail勁重味精味 食完個口好辛苦狂飲水都搞唔掂 成口味精味最好笑係埋單 間餐廳居然要收加一但唔可以收電子支付 只收現金完全無服務 但居然收加一 真係中哂伏！

去到石門本身想搵嗰間隱世食堂食熱香餅包，點知原來午餐冇供應，所以就要喺京瑞廣場搵嘢食。一到lunch time ，呢度周圍都已經好多人，加上又諗唔到食乜好。咁啱見到商場3樓有間日本料理所以就去試吓啦。叫咗個燒雞扒飯，估唔到又有驚喜喎，紫菜夠香口，份量夠多，送飯一流! 望住雞扒嘅邊位，會知道係燒嘅。乾身似燒出嚟，等得都幾耐嘅。但既然佢係燒嘅，咁就原諒佢啦~野餐飲方面，可以揀綠茶或者蘋果蜜。尚算可以啦味道似水沖咁。總括嚟講個飯出色過飲品，而且lunch冇加一。可惜淨係可以用現金俾錢，八達通都唔得，間唔中經過冇嘢好食都可以食吓嘅。

話說同同事去食lunch，坐好點好餐，5分鐘內同事既餐就上左。佢地食到一半時我既仲未到，以下係對話：我：我想問點解我份野食仲未到，仲要幾耐，已經等左3個字……幫我落單既姐姐：你個係咩? 哦……雞柳係耐D (然後就行開)轉個頭，我就睇住呢位姐姐將一份雞柳『飯』送比我地遲黎遲落單既另一枱客，我再叫個姐姐過黎同佢講我：點解人地遲黎遲order，都係雞柳，又點解我仲未有? 今次因為我係烏冬所以要耐D?姐姐：廚房睇單做，我唔知! 唔緊要啦!!我：你唔緊要我緊要喎姐姐：唔緊要啦，我唔緊要喎!!!! (再一次行開)

今日叫咗個角切魚生飯同埋叉燒烏冬麵！性價比都算係好好！角切魚生八十幾已經包埋個沙律，蒸蛋同埋一杯熱飲，有蘋果茶，日式煎茶同柑桔茶選！至於個叉燒烏冬份量都夠我兩個小朋友食，仲包埋有個手卷。至於服務方面，入面男侍應非常細心！！見我有兩個小朋友，一送個烏冬嚟就已俾埋兩個碗仔，佢見個仔食完手卷隻手仔污糟咗，仲即時攞杯溫水俾佢洗手添！真心冇諗過佢咁細心！今餐都算係食得幾happy，平靚正！可以encoch！

今晚我點了：1）照燒雞柳手打烏冬定食$68+10%服務費～烏冬一小碗，有少許粟米粒，湯真的很清淡，沒有什麼味道可言。～至於雞柳有3塊，燒得都幾香，味道偏甜，都是日本菜的特色。～ 一小碗正常的沙拉。～ 還有熱的免費飲料一杯，選擇不多之下，就叫了柑桔蜜，沒有什麼味道可言，還有一陣似水喉味。🙁2）還有單點了牛肉烏冬，牛肉味道真的一般。我想說說：@這間餐廳今天人不算多，但竟然送漏餐飲，我們一群人走了之後才發覺，他們沒有送上跟餐的是日卷物🤦🏻‍♀️，真的覺得有點不值！因為當晚他們送餐時，根本就一盤一盤給我們，沒有說明這是什麼餐，飲料也是沒有說明是什麼，簡直像快餐店一樣要自己認領。其實，他們可以做得好一點，一套一套餐送出去，起碼就不會漏送食物；而且，那天還要加一添☹️！所以，來光顧的朋友，請留意一下了！@

牛鍋套餐包了一份烏冬、生雞蛋、沙律、牛肉醬汁、熱飲，鍋底有金菇、旺菜、小棠菜、獅子狗、上面六片肥牛。肥牛雖然偏肥但食落不會硬，烏冬是稻庭烏冬 彈牙的那種，一個套餐食完之後都好飽，而且價格便宜👍

Lunch time 依間有lunch set 價錢中等，同事喜愛食壽司🍣餐我就比較喜歡食 燒鯖魚牛肉飯餐有3 件壽司🍣（三文魚，旦 同蟹柳）最驚喜是 「蒸水蛋」有幾件菇 同蝦上盤時溫暖的🫶🏻 不俗燒鯖魚就不過不失的一盤小沙律🥗 有小量粟米粒同清菜還有湯 餐廳環境都算大可以同一時間 容納 8-10 人一張枱有時可以簡大𥦬口 就可以享受陽光☀️ 或者戶外山景

突然見到石門有壽司食，即管一試點知外賣到返屋企，5分鐘路程，d野食唔新鮮，不在話下刺身，仲要未解凍冰嚟嘅打返去同阿姐反映阿姐仲問咁我想點返來換比你，外賣得又點會返去換仲話我又見唔到個2舊係咪真好似我厄佢咁不予置評

今日去咗食京都，聽個名都知道係食日本嘢。呢間餐廳好多同事都唔推介，因為我話服務態度出名差，嘢食又唔係特別好食，又唔係特別平。不過食厭其他嘢，都要試吓新嘢，搵啲新鮮感嘅🤣轉左新嘅Menu，聽講呢度嘅壽司同埋刺身、魚生都係服服地，所以我都係叫熟食算啦🤣叫咗個肥牛手打烏冬，豬骨湯底。午餐仲會送沙律同埋一杯熱蘋果茶，轉其他嘢飲就要加錢味道不過不失啦，啲牛有啲鞋，湯底有啲淡囉，就係好典型嘅港式日本餐廳味道。呢個質素嚟講價錢真係有啲貴嘅～

見餐廳無咩人，加上價錢唔太貴就入去試吓，點知想落order時無一個員嚟落單，仲要見到都扮睇唔到。全部職員圍埋一堆傾偈，傾足十幾分鐘都唔理店面。最後離開搵過另一間餐廳食好過。

石門真係好多好嘢食，今日約咗朋友要快食快走，選擇這間因為唔使等，入到去叫一個晚餐，$82.-，有牛肉飯、沙律菜、麵豉湯、鯖魚、三件壽司、蒸蛋，最想讚個蒸蛋真係蒸得好好味，好有喺日本食嘅感覺，其他嘢都係一般般唔難食又唔係好好食。

放工想食日本野🥰 又唔想剩係食壽司🥰 咁就食呢間🥰～花之戀壽司 $23三文魚唔會唔新鮮🥰上面蟹籽都唔會臭仲配埋黑色碟啱哂打卡人士❤️～鰻魚炒飯 $76味道唔會太咸炒飯都唔會太乾身鰻魚可以再多少少就更好🥰～汁燒牛肉手打烏冬 $68烏冬好堅韌❤️牛肉有少少肥但整體都好好食🥰唔會咸🥰仲有我最鍾意食嘅栗米❤️賣相好吸引❤️❤️❤️仲有binlo未試可以再試多次🥰🥰

190003102022，今日黎到石門，見周圍都爆晒，係呢間唔洗等，咁就入左去了。我點了東京之什錦壽司定食，聽個名就諗起東京，好喇回到石門呢邊先，好快個餐都送到賣相都怪切到好似綠箭香口膠咁，薄薄的長方形，wasabi 就用上連超市都唔用既個款，得個乸喉字，我還睇得出肉同飯係唔岩牙，係一夾就分開，湯又非常之鹹，我還加左牛舌，我未食過咁硬既牛舌，如果用一樣食物來比喻就可以用香口膠來形容，算啦其他都唔想花時間再寫佢了自己睇相。

麻麻地啲魚生唔太新鮮多根不過呢個價 我都唔expect啲咩架啦但唔知點解覺得爭x重好食 重抵🙉🙊另外 明明唔多人但我地都等左30mins上菜有啲慢懷疑miss左我地張單總結本人不推介🙊