夜首爾

Open Now

Now Closed

因為鐘意睇韓劇，所以都好鐘意食韓國菜。久不久就會去搵好食既韓國菜館。今次經朋友介紹下黎左夜首爾一試，果然有驚喜😍係真正韓國菜既味道，絕對令人食過返尋味。打開menu，我又選擇困難發作。實在太多好食又想食既菜餚，而且睇落每款都好似份量好大，我地只有2個人，所以唔可以點太多既食物。未決定到點乜之前，先黎點左飲品先。食韓國菜點可以唔配燒酒呢？所以我就點左比較少見既芒果味燒酒同Cheeky Peach Apple Cider。一如所有韓國餐廳一樣，未上主菜前會先送上各式配菜。配菜方面有自家製泡菜；茄子🍆；薯仔🥔；魚糕等等..........8小碟，每樣都好好味，齋先配菜已飽左兩成🤣第一樣必食既當然係我既至愛 ～ 韓國五大名菜之一醬油蟹。藍花蟹嘅肉質好肥美，將蟹黃、蟹膏加入白飯拌紫菜一齊食，味道真係非常鹹鮮，好食到停唔到口😋！有別於一般韓國燒肉餐廳，夜首爾嘅牛肋骨係連埋骨一齊上，肉質非常鮮嫩，燒完之後唔使再加任何醬料已經好夠味，配埋泡菜一齊食就認真一絕👍🏻！生拌牛肉既牛肉濃郁而且鮮嫩，加上香油、蒜泥、生雞蛋，再配上雪梨，令口感更加順滑。清甜的梨唔單止可以解膩仲增加左口感。配搭埋燒酒一齊食真係令人

入到去原來好大間，仲要係有兩層添，都有唔少韓國人食，想必定係幾正宗，好似我咁未得閒去韓國住，可以黎呢度止下癮先😌▪️ 前菜 （7.5/10）八碟免費既前菜：燒茄子、炒雜菜、芽菜、甜薯仔、辣泡菜、橡子涼粉、菠菜、醋漬雲耳青瓜🧆個人尤其鍾意燒茄子上既蔥同辣椒粒調味，醋漬雲耳青瓜亦幾開胃🥒▪️ 醬油蟹（8/10）💲250 (1pc)有我朝思暮想既醬油蟹同醬油蝦🦐呢次試左醬油蟹先，食落夠凍，無人地講話未融雪既問題，蟹膏同肉都鮮甜🦀️醬油調味切合港人，唔會話太鹹，亦會帶點辣，完全無腥味，仲可以另外點白飯撈🍚▪️ 調味牛肋骨 (韓式長切法)（8/10）💲360 (1pc)燒肉類選擇多不勝數，見唔少人推介牛肋骨同五花腩，我大多都係揀牛多過豬🤣店員先向我地展示整條牛肋骨，之後再將表層燒到五成熟，最後切粒比我地自己燒🔥油花都均勻，肉質軟嫩，牛味香濃，不乏油脂香🐮▪️ 年糕餃子湯（7.5/10）💲135年糕軟糯中帶煙韌，餃子飽滿紮實，仲有唔少牛腱肉，食落都幾軟腍，蛋花湯清清地，可以中和返油膩感🥟🔎 整體評分（8/10）