朝陽飯莊 (Closed)

除了年三十晚及冬至之外，一年之中最多人外出訂枱食飯的日子應該都是母親節。與前兩個節慶日子最大分別在於母親節當日的訂枱緊張程度覆蓋各類型餐廳，並不只是集中在中式菜館（尤其是粵菜酒樓），因此相對上較容易訂枱。母親節當日生意興旺，一般中式酒樓例牌分兩輪生意，揀了第一輪六點至八點。提前了10分鐘左右到達，酒樓仍在準備中，難得拍到一張全無客人、烏燈黑火的照片。可能提前一段時間訂枱、又可能並非搶12人大枱，筆者要求的六人枱竟然有幸獲安排在靠窗位置，可以眺望維港景色。餐牌封面採用了京劇面譜，簡單直接表明主打京菜。翻開第一頁，就是港人心目中的標準馳名京菜：北京烤鴨及涮羊肉鍋。熱盤小吃火丁豆板（$108）即是金華火腿蠶豆。蠶豆炆煮得軟腍，也吸收了金華火腿的鹹香。純粹個人口味，如果金華火腿份量再多一點會更加開心。舟山香葱蜇頭（$138）分量較想像中少，作為一個冷盤小吃，本來少一點也可以接受；但索價竟然較熱葷還要貴，似乎有點不太合理。講返味道，海蜇頭已經調味，鹹度適中。質感非常爽脆，蘸一些黑醋，味道相當不錯。在京滬菜館食飯，小籠包（$50）是指定動作。一籠本來只有四隻（$40），餐廳彈性比較大，容許加錢要多

之前都成日聽人講話呢度個景好靚,今日經開就專登上黎食~因為第一次食,所以淨係叫左兩樣餸,兩樣餸個造型都好靚,唔食得都睇得~第一樣係朝陽醬肘肉,其實有D似上海鋪食到嘅肴肉,不過呢個大件D,同埋肉嘅成份多D,而家冇咁肥膩,咸味做到岩岩好,讚!第二樣係豆腐餃子,單係個造型都已經值回票價,佢用一片薄豆腐,入面釀入蔬菜涵,鍾意食素嘅人一定好鍾意食~食肉嘅朋友例如我,都覺得呢個煮法好有新意,好清新!

朋友生日, 有咩好得過揾間中菜, 大家可以圍住張圓枱傾計, 卜枱時已問店員可唔可以卜窗口位, 店員回覆窗口位每人最低消費$300, 立即耍手兼擰頭 xDD點知去到店員俾位張窗口枱, 27樓對住個海景食飯幾正 xD小籠包, 皮薄饀靚多汁, 中上之作要事先卜既菜式, 豆腐餃子, 一客6件, 皮係用豆腐做成, 手工賣相一流, 裡面包住菜茸同生菜, 清而不寡, 全枱一致讚好片皮鴨 我認為全晚全失望之作, 每次吃片皮鴨我都會在不加醬料下先試一片鴨, 的確燒的功夫很到家, 不過可能是原料的問題, 鴨冇鴨味, 唯有拌醬料同吃吧一鴨兩吃, 由於已柯打了雲吞雞, 所以就放棄了鴨湯, 叫了炒鴨絲, 這次加了濃濃的醬汁, 就蓋過了鴨肉冇味的問題了, 加上芽菜同炒, 味道立即提升了很多另一道推介菜式, 恭親王羊腩, 炸得剛好, 跟片皮鴨相比, 這個肉味濃得多了, 本身已經十分香口, 加上醬汁後更覺惹味雲吞雞, 雲吞水準不錯, 加上湯既清且濃, 令我飲左2碗壽包賣相精美, 不過未知是否大家當晚太興奮, 拍照拍得太長時間, 壽包非常難食...以當晚食物質素, 加上大家要打包幾盒食物回家, 店員亦很有禮貌, 每人$

是次晚飯是慶祝mother's day, 只是早一天訂位也可訂到10人枱, 雖然不是貼窗但都望到不錯的觀景. 訂位同時預訂了烤鴨一隻及豆腐餃子一份, 因聽聞是熱叫菜式, 沒有訂即叫是沒有. 訂位及翌日re-confirm booking的服務都ok.品嚐了的食物有:肴肉 - 一般水晶鴨舌 - 賣相靚, 味道一般齋鵝 - 脆!恭親王羊腩 - 一流, 有羊味而不蘇, 賣相靚孑然炒羊柳配夾飽 - ok咕嚕豬脊肉 - 非常美味, 大人小朋友都喜愛豆腐餃子 - 素菜, 豆腐內包了菜蓉加生菜底, 但嫌個汁十分厚身烤鴨(片肉配夾芝麻夾餅 及 薄餅) - 鴨很香沒有多餘肥肉, 剩下的鴨殼帶走雞肉火腿絲皮蛋浸莧菜 - 略鹹王府井炒飯 - 飯黏口, 味道不錯雞絲冷麵 - 有六款汁醬任配高力豆沙 - 可以拔絲香蕉 - 麻麻

本來想去南海一號食飯既, 後來朋友介紹呢間食過好味嘅酒家, 一班朋友就同花姐喺度慶祝佢嘅生日喇!朋友Carol 一早就o黎攞窗口位比我哋可以睇到幻彩詠香江, 辛苦晒! 水晶鴨舌 - 用湯匙將一條條起骨嘅鴨舌混水晶汁, 食起上o黎好滑, 味道唔錯. 冰鎮涼瓜 - 呢度做嘅係生片嘅涼瓜, 味甘配自家製嘅醬汁, 唔錯. 炒豆丁 - 用心嘅一道菜, 豆丁係荷蘭豆裏面嘅豆, 加埋蒜同百合炒, 新穎好味菜式. 砂鍋雲吞雞 - 清香雞湯, 菜肉雲吞, 加津白, 清甜味美. 豆腐餃子 - 第一次食豆腐餃子係喺功德林, 而呢個豆味好濃, 但滑度同味道相比就差咗d, 不過呢個都ok 既. 八爺糯香鴨 - 鴨肉起骨加糯米一齊炸, 唔油膩, 配甜酸醬, 好好味! 不愧酒家自創菜式. 大閘蟹濃湯炒麵 - 細細隻大閘蟹, 唔知係咪炸過呢? 蟹身好脆, 麵條煙煙韌韌, 唔錯. 骨脆薺菜多寶魚 - 魚肉起咗骨混埋薺菜一齊炒, 魚骨炸得好香口, 又一新穎好味菜式. 讚! 椒鹽排骨 - 上海館食呢道菜好似唔係好夾, 不過主角要求點可以reject呢? 可惜都係失望之作, 椒鹽味不足, 排骨味道麻麻. 桂花糕 - 桂花