海港薈

Open Now

Now Closed

以前在尖沙咀工作, 每逢午飯時最是頭痛. 這天來探舊同事時, 他帶我來這家之前未見的酒樓. 內裡環境光猛, 落地玻璃直望維港景色. 唯一可惜是近落地玻璃的枱主要是大枱. 這次午餐只有2人. 這裡的點心價格不算昂貴, 比起周邊幾家如北京樓, 映月樓等的高檔中菜可說是便宜. 先點些基本型點心一試. 這裡的义燒包用上黑毛豬, 而且現在推廣每枱送一籠西班牙黑毛豬义燒包. 這籠义燒包的大小只有平常的一半大, 不用太擔心份量問題. 內饀的义燒比平常的更多汁, 甜美. 吃了一籠竟忍不住再點一籠. 鳳爪本來的要求便不多, 只要入味又淋滑, 這裡的完全是合格以上水平.  以鮑魚燒賣來說, 味道並不太配合. 鮑魚不太有味道. 但以燒賣來說, 外皮內饀都做得頗出色. 蝦餃不算特別大隻, 內饀紮實味道足, 合格. 金錢肚炆得軟淋又入味, 好吃. 春卷炸得鬆化, 而且沒有多餘油份. 材料不算太特別, 但入口鬆化的口感實在做得出色. 吃了7籠點心, 埋單的價格不用$300, 以尖沙咀的中午點心消費來說, 算是很便宜. 而且環境也一流. 

今日到尖沙咀，順道到海港薈歎下茶。採用了落地玻璃，一進酒樓就看見那維港靚景，令人心鄺神怡。飲茶當然就要點一籠叉燒包啦，話係西班牙黑毛豬，鬆軟的包包著蜜汁爽口叉燒，熱辣辣又幾好味喎原隻小飽魚在每粒燒賣上，賣相很吸引燒賣亦真材實料，除了豬肉外，還有蝦肉，整體質感爽彈。鳳爪調味恰到好處，不會過咸。流沙包咬開，蛋黃奶黃即流岀來，很治癒。流沙甜中又帶點咸，這得意腸，其實係被炸至金黃香脆的蝦被腸粉包圍，感覺有點似平時食的炸兩，當然這個口感豐富些。這個晶瑩剔透，稱得上皮薄餡靚，內裡的餡料都透岀來了，蝦肉鮮味彈牙。最後是炒腸粉，入味又惹味，XO醬帶微辣，略嫌油了點，怕肥的食少少啦

今日有其他親友喺外國返港，所以我們就約埋一齊去尖沙咀北京道一號嘅「海港薈」飲中午茶！一入到去就見到店內嘅環境裝修相當舒適寬敞，而且我們咁啱坐喺落地大玻璃窗口位置，一邊望著窗外嘅無敵維港海景，一邊享用精緻好味嘅點心，感覺真係好正呀！由於他們話有超長時間無食過港式點心，所以我們就叫咗好多唔同款式嘅點心嚟食！豉汁蒸鳳爪燜得好腍好入味，醬汁嘅味道惹味得嚟唔會過鹹！豐料珍珠鷄嘅糯米煙韌度啱啱好，唔會過度腍身，餡料亦好足料豐富！鮮蝦菜苗餃嘅餃皮相當煙韌薄身，可以好清晰咁睇到入面青嫩嘅菜苗餡料！蟹粉小籠包嘅肉質好鮮嫩多汁，肉汁嘅味道亦相當鮮甜！西班牙黑毛豬叉燒「例」嘅肉質非常鬆化軟滑，肥瘦度適中，而且畀香甜嘅蜜汁包著，最好仲要係我們最鍾意嘅厚切，所以口感特別好！脆米海鮮泡飯嘅海鮮湯味道好鮮甜香濃，加埋啲脆卜卜嘅脆米一齊食，口感真係相當豐富！黑松露煙燻蛋煮嘅時間啱啱好，做到有流心嘅效果，質感亦非常軟滑，而且有黑松露舖面，雖然黑松露嘅味道好香濃，但都掩蓋唔到濃郁嘅煙燻香味，至於擺設賣相亦相當精緻吸引！