海港薈

Open Now

Now Closed

今次同蕃薯去到北京道一號海港薈飲茶，地方闊落夠光猛，坐窗邊仲可以飽覽維港海景。🍠翡翠荀蝦餃皇 $44一共有4粒，蝦餃size正常唔算大粒，但食落蝦都幾爽🍠腐皮素鵝 $68素鵝價錢正常，竟然上面附有一點點的黑松露，又幾有新鮮感。外皮香脆，餡料豐富👍🏻🍠雞絲脆春卷 $40春卷外皮脆口，味道一般🍠紫米春風得意腸 $48紫米做的腸粉皮顏色鮮艷，裡面有豐富蘿蔔絲，沾上豉油，味道不錯🍠蝦子乾燒伊麵 $148伊麵做得不錯夠乾身，蝦子份量頗多，拌埋一起好香幾惹味👍🏻📍海港薈尖沙咀北京道1號9樓

上星期和朋友六人去飲茶，叫個四人點心餐再加一碟X 0醬炒腸粉，碟炒腸粉$68但份量極少，每條手指咁長的腸粉10條都無，完全唔值68蚊（仲要加一，即75蚊）。個餐都係極細份，呢個份量2個人食就差唔多。50蚊得3粒普通size燒賣。最後找數差不多8百幾蚊但完全唔飽，要立即落對面M記醫肚。去呢度比昂貴金錢唔係食嘢，而只係食＂景＂，但個玻璃好污糟又朦，望住個景係望污積多啲😂呢度的存在只有真闊太先會去得起，或用來劏遊客。難怪個個北上。

間間海港分店都好食過佢！蟹唔足斤両上枱冇左碗蟹膏問待應佢話我哋係咪叫左炒飯！都冇咪老作！未食過咁難食嘅燒鵝冇味似有醃過肉好硬！$差唔多$200碟安格斯牛柳粒得幾粒入面有血水配菜雞髀菇多過牛三倍！其他碟頭細碟！漏單但埋單時照收錢！冷氣太凍！6大5細食左$46xx，唔知食左乜！一肚氣！

本來想訂灣仔那邊的海港薈，由於太遲訂没有位，所以就訂了尖沙咀，上到去有個紫菜小食，不過我覺得有啲苦，可能我食唔慣，但我地都叫咗個合桃同炸豆腐，個合桃炸得脆卜卜，小食價錢都合理，我地打電話時都已經話留定隻六斤嘅蟹，不過當時其實都有好多蟹，不過穩陣起見都係留咗先！大鄉里原來是自己揀蟹，但係我哋唔識，所以叫了服務員幫我哋揀咗隻大約五斤四，叫咗個啫啫芥蘭，花雕蒸魚，碌柚皮鴨掌，有個例牌燒鵝！花雕蒸魚鋪底嘅粉皮就入晒花雕味，但係魚冇入到味但都好食嘅，不過就多骨啲！碌柚皮就好似薯蓉咁好特別！燒鵝就一般！咕嚕肉好食，隻蟹真係好鮮甜好多肉！最後叫咗楊枝甘露蛋白杏仁茶紅棗糕燕窩燉奶！楊枝甘露而家呢個季節有啲苦碌柚，蛋白杏仁茶都值得食，燕窩燉奶啲奶都好滑，六個人大約$2600平均每人四百幾蚊做節！侍應生好服務，坐得都舒服，如果中菜嚟講我會首選！

又係辣媽好介紹🤗同父親大人慶祝父親節,當然揀爸爸媽咪至啱食嘅中菜｡🎉🎉🎉🎉🎉《海港薈》環境舒適﹑海景靚(雖然天陰),食物都唔錯,適合一家大細!👅味道：好食到個個都讚📸賣相：靚到爆！💰價錢：合理😌服務：唔錯，柯打算跟得足！🎉氣氛：今次坐corner位好靜局，一家人一齊慶祝，氣氛熱鬧歡樂！🥳🤩整體評分：⭐️⭐️⭐️⭐️#甜品 #放題 #日本菜 #中菜 #火鍋 #自助餐 #日式料理 #香港美食 #豬骨煲 #燒肉 #hkfoodie #九龍美食 #擦餐勁 #春日賞櫻 #全民打卡企劃 #UCreator #食勻全世界 #社群歎世界 #您去玩我找數 #辣媽好介紹

好耐冇食長腳蟹，幾間港式大酒樓都試過，今次再嚟海港集團旗下海港薈。環境都算舒適，算係有海景view, 雖然天黑之後玻璃反光睇唔到出面。😆1️⃣清酒蒸阿拉斯加長腳蟹：蟹肉鮮嫩多汁，搭配清酒更加帶出蟹肉鮮味，咬落去啖啖肉好滿足。不過大家記得要提前預訂時留蟹。🌟🌟🌟🌟🌟2️⃣一口豆腐：外層炸得金黃酥脆，豆腐內部柔軟細嫩，口感極為順滑，送酒一流。👍🏼👍🏼👍🏼3️⃣椒鹽鮑魚：呢道菜係我平時去西貢或者三聖邨海鮮舖好鍾意點嘅，見到有就點嚟試吓。鮑魚肉質鮮嫩，口感彈牙，搭配椒鹽的香辣味道，使得整道菜更加提升。👍🏼👍🏼👍🏼4️⃣呠酒焗桶蠔：蠔肉鮮嫩多汁，搭配呠酒的醬料，整道菜更加有鑊氣風味。👍🏼👍🏼👍🏼5️⃣爵士湯：都算好足料，有齊鮑魚螺片花膠等等，湯的口感濃郁，充滿層次感，每一口都能品嚐到不同的食材風味。👍🏼👍🏼👍🏼6️⃣素鵝：純粹諗住叫個香口野餸下走，點知佢同上海餐廳嘅素鵝完全唔係嗰回事，係就係好脆口，不過呢種炸皮有啲食唔慣😅😅。見到之前啲評語都係話服務唔好，今次同屋企人嚟都有啲擔心遇到嗰個奇怪店員，好好彩服務都正常，喺尖沙咀呢個地段呢個價位，食物質素都算唔錯。

早一個星期前訂位為慶祝今日母親節。之前只去過青衣城既海港薈，但見到尖沙咀海港薈食評高，所以便決定今日同屋企人黎飲茶。佢地無論食物，服務都藉得一讚，再加上佢地有靚維海景。我會同朋友或屋企人再黎試晚飯👍👍

今日同同事去飲茶，呢個係我地嘅首選，赽方乾淨，點心都精緻，價錢合理。係尖沙咀飲茶人均都係150左右,其實真係好實惠，點心姐姐們重好細心，見我地夾唔到炒面，好主動比把較剪我地，服務值得一讚。唔好成日都話香港無好嘅服務業員工嗱❤️

住在附近上班，每次飲茶指定都是呢一間。吃過好多點心和小菜都非常值得推薦，今日簡單吃午餐，吃了幾個小點心。環境還可以看到維港，真係好舒服，朋友也吃得好滋味，兩個人叫的菜剛剛好的份量。職員的服務態度都好好！

食物一般，價錢尚算合理，但係服務態度超級差，六個人消費$5000 ， 6:30入座， 9:15埋單，諗住大家坐低可以傾多陣，侍應就埋嚟同我哋講你哋食完呵！廁所超級污糟！臭氣熏天！飲茶冇人斟水！香港嘅事全靠呢啲侍應及服務質素，拖垮了！就算你有如何美景：維多利亞港夜色，也不能令我再次光顧！一個咁靚環境嘅舖位，理應應該好好珍惜，而且酒樓集團引入特價阿拉斯加蟹，昨晚是星期三，仍然很多顧客光顧，真係有商機！可能人手不足，工作量多，令到員工工作失去士氣，實在是多方面的問題，但以一個顧客的眼光及角度去看這件事情，實在非常失望！

為左慶祝屋企人生日同埋食長腳蟹，一家人今次去咗呢間尖沙咀北京道1號海港會嗰度食飯晚餐，覺得中左伏🥲另外個窗口因為太污糟好大塵，又多水漬，你係唔會望望倒風景😂😂首先個染左金色短髮嘅女職員係我開左飯就拎張單黎叫我對單，我話點解會收我前菜費？我都冇食過前菜，然後佢先拎個前菜出黎………有晒飯餸仲夾硬迫我要埋個前菜，真係呢……我哋點咗一隻六斤嘅長腳蟹，但係蒸完之後拆開啲殼發現入面係冇乜肉，得勁多水咇出嚟。食咗咁多年長腳蟹最差係呢一隻。侍應拎隻蟹出嚟嘅時候仲俾咗一碗蟹膏俾我哋，個侍應仲問點解我哋唔拎嚟炒飯，我心諗個經理喺我揀蟹嘅時候黑口黑面，又唔一早問埋要唔要拎蟹膏炒飯🙄我地食完個蟹唔夠飽，再叫左個龍蝦伊麵，等咗半個鐘都未上菜，但明明現場冇咩客人。最後催左經理，佢先話整緊嫁啦。整完之後覺得好難食，好似食緊龍蝦味嘅合味道杯面😤😤其他食物都唔出色，份量又少，性價比唔高，不建議再去食

尋日同屋企人一行十個人中午去飲茶，一坐低就好似平時咁樣要飲咩茶，都仲未出事，話晒都響北京道1號，竟然會擺低兩個兜叫你自己要洗下啲碗碟，我已經覺得奇怪，我竟然搵其中一隻匙羹到見到有條葱！見到有條葱之後，我就已經覺得對呢餐不能有期望。上完咗一壺茶之後，我問待應拎三碟辣椒醬，到最後要嗌咗三次先至成功。叫點心小食呀，基本上上菜都相當快，但係千祈唔好有期望。叫咗一個燒鵝例牌，味道：可以話同平常嘅燒味舖一樣，但係佢嘅脂肪含量 ，已經係超過肉嘅一半。燒腩仔：一碟有九粒，粒粒都細粒過擦子膠，仲要有三分二係肥膏，個皮係脆係好食嘅。跟住啲點心，真係完全不能有期望！！我有兩隻腸粉一碟係蝦腸，正常嘅。叫咗個牛肉腸粉，入面多咗好多金菇，基本上係偷工減料。蝦餃燒賣等都叫正堂。但係食完啲點心想叫人返啲碟，基本上係唔會搵到人幫你。要加水又係要十次先至會成功到一次。總結係向北京道1號，呢個地段呢個價位，我唔會再幫襯！！

如果想搵平價及海景的地方，海港薈酒樓亦是不錯的選擇。午市有不同人數的午餐優惠，至於點心味道不過不失。星期一至五中午都有位置，不用等位，如果想坐海景位就要11點多入座，如果唔係就可能要等第二輪。*但記得一定要帶外套，場內中央冷氣好似雪房咁，着住全套西裝都覺得好凍

剛剛打電話預約接線員服務態度極差同佢更改人數表現極不耐煩，原本訂咗15位想加多1位，最後同佢確認嗰陣喺度敷衍我語氣極差「得啦得啦幫你改咗㗎喇」然後乜都冇講極速掛我線，落街食個茶記啲服務員嘅語氣都好過佢。

今晚在 海港薈 請朋友食飯, 因為他們來港探親, 快要回加了.    這間酒樓,  內部裝潢甚有氣派, 重有維港海景.  晚飯有散叫, 亦都有套餐, 豐儉由人.   我們點了幾款小菜.  蜜汁叉燒配包餅, 賣相吸引,  叉燒燒得香而不乾,  切得夠厚身, 調味不錯, 肉質鬆軟,  肥瘦適中.  包餅暖暖的, 好食. 鼓汁蒸蟶子, 不過不失, 價錢及質素成正比.螺頭湯, 每盅 $68, (看餐牌 6 人一窩 $168), 我們４人打算叫一窩, 相計重抵飲, 怎料服務員話今晚只售一人一盅, 真係吾開心, 因為餐牌 無註明取消.薑蔥生蠔煲, 熱辣辣上檯, 有鑊氣, 唔太油膩.   生蠔較大隻, 薑蔥味恰到好處.清蒸沙巴龍躉,  魚肉嫩滑有彈性, 起肉時完全離骨, 蒸既時間岩岩好.  食物的選擇非常多, 食物用料 ok.   價錢可以接受.  餐廳座位好, 服務一般,  跟收費配合.