三代目 (愉景新城)

Open Now

Now Closed

咁啱朋友想食拉麵 我又想食串燒呢間就啱曬啦🥰性價比高！份量都正常，唔會話太細份🥹我哋叫咗兩碗拉麵同 一個串燒set 埋單兩個人$200都唔使👍🏼我朋友去開荃灣絕對會encore！下次試埋佢個天婦羅先🤤🤤

去到呢層好多食肆，發現好野，呢間係我friend食過話好食嘅，我就黎幫襯下。慢煮醬汁燒牛肉燒丼個牛舌超級軟淋又juicy，個醬汁加上溫泉蛋口感變得豐富。彩虹凱撒沙律竟然咁有heart有橙同好香甜嘅芒果粒，係啦又係有隻溫泉蛋樣靚又增加味道層次，滿佈芝士粉嘅沙律菜，值得一讚。好鬼鮮甜新鮮嘅鮮海膽一口壽司，賣相相當有水準，一啖放入口嘅size feel到強烈鮮味都幾正。和風芥茉豚足似足日式熏蹄，但更嫩同醬汁較香甜，伴碟沙律菜都幾好食。豚肩叉燒拉麵湯底做得唔錯；至於吉列牡蠣夠香鬆脆，蠔肉keep住鮮甜，兩樣都係中上quality。料理黎講價錢合理但食物質素都算高，值得推介。

黎到三代目食個lunch，見到餐牌有唔同既小食、前菜、一口壽司、炸物、拉麵、烏冬、丼飯，見過好多人推薦佢地既拉麵，所以我同朋友都各嗌左碗拉麵黎試下，味道唔錯，不過個人覺得偏貴，八九十蚊一碗仲要加一，係好食既但係又未去到驚艷既程度，同價位既荃灣仲有好多更好既選擇。不過未食過既都可以一試，都唔會失望既😬1⃣️紫蘇燒豚梅肉拉麵（$98） 拉麵係幼身既，都幾掛湯，湯底豬骨味好濃郁，不過食落感覺都幾油🙈不過呢碗拉麵最特別既係加左紫蘇落去，雖然味道唔突出，但係有少少中和左湯底既油膩感，令湯底飲落帶少少清新感😌豚梅肉應該係即叫即燒既，肥瘦相間，食落油香味重。另外溏心蛋都好好食～   2️⃣豚肩叉燒拉麵（$88） 呢款湯底飲落感覺會比較單一，湯底一樣係好濃郁，配上豚肩叉燒，比較薄身同埋瘦啲。配料同上面果款基本上係一樣既，都係有啲蔥、筍、溏心蛋咁。  3⃣️玉米芝士條（$58）炸得幾脆，芝士條面頭灑上左玉米味既粉，都幾特別😀