金田家 (Closed)

濃豚骨拉麵同豚骨MIX拉麵嘅分別在於後者湯底添加了雞湯。我就叫咗豚骨MIX拉麵。唔好問我食唔食到雞嘅鮮味，我自認沒有金舌頭。湯底都係豬骨味較濃。配料好少，只有少許木耳，同一片紫菜，比起同價位嘅拉麵少，連多蔥都要加錢。拉麵採用平常見到嘅幼身拉麵，正常發揮。之於叉燒就比較出色，採用半肥瘦，一啲都唔嚡，仲有少少脂香。從表面睇，都見到有經燒灼。但叉燒太太薄喇，口感大減折扣。成碗麵仲有得個3-4 片，到喉唔到肺。九州第一拉麵都係試過就算。

紅磡有好多好嘢食，今日就嚟咗食金田家嘅拉麵。 七點幾鐘門口已經排曬人等位， 不過人流去都好快，等咗唔使好耐就入得。拉麵嘅選擇有八款，我叫咗個豚骨mix拉麵， mix嘅意思即係湯底係豚骨湯底同雞兩溝。食麵之前先是一啖湯底， 首先湯底好夠熱好濃沃， 先飲到豚骨湯味之後再有一陣好鮮的雞湯味滲出來！ 好驚起完全飲得出有兩種味， 而且兩種味唔會互搶， 非常之易入口！ 面嘅硬度我揀咗正常， 師傅亦煮得啱啱好，連埋木耳絲一齊食好有口感！ 叉燒燒得非常之香， 不過只得薄薄四片略嫌有啲唔夠喉。$78,整體嚟講都非常滿足。

夜晚收工來到紅磡， 想食拉麵， 必嘉街係紅磡“搵食”的熱點， 離遠見堵拉麵店門外有人排隊， 原來係主打日本福岡拉麵店, 一於今晚係度醫賭肚！排了大約10分鐘，好快就有位， 打開Menu, 大約有8款拉麵供選擇， 可以另外追加配料和小食。我和朋友分別點了柚子辛口拉麵和豚骨MIX拉麵，加配溏心蛋和黑豚叉燒， 小食就點了男爵薯餅。拉麵好快送上，柚子辛口拉麵豚骨湯底，濃厚，麵條卦上湯底， 配上淡淡清新柚子味和辣醬， 十分惹味！豚骨MIX拉麵, 原味豚骨湯底， 配香燒腩肉叉燒，非常爽香！男爵薯餅，是另一亮點， 黃薯和紫薯各一塊內軟外脆，甜度適中， 薯味濃郁，值得推介！整體店面乾淨，拉麵款式繁多，小下次一定會再幫襯！

夜晚九點幾同男友係紅磡搵食，好彩呢間仲開緊，一直都想試呢間拉麵。入到去唔洗排隊同有張二人枱坐，環境舒服，枱面有檸水可以自己倒，唔洗叫人加水👍🏻豚骨mix拉麵有豚骨湯和雞湯，湯底清甜又不膩，十分暖胃。叉燒亦好食及嫩滑，有肥有瘦，唔會乾爭爭濃厚豚骨拉麵的湯比豚骨mix 較濃，好重豚骨味，男友很喜歡這種濃郁的感覺，很有日本的感覺男爵薯餅-一塊是紫薯、一塊是可樂餅，一上枱熱辣辣，好似剛炸起咁，很香脆。我地都比較喜歡紫薯薯餅，因為較特別同香甜

金田家 嘅拉麵係日本都幾出名，有「九州第一拉麵」嘅稱號😎見到紅磡有分店就決定試下，而且因爲有PolyU 學生證或教職員證 都有優惠😎 全單有八五折優惠😍超抵食-豚骨MIX拉麵🍜（$78）（Tonkotsu Mix Ramen）個湯底有豬骨湯和雞湯，聞同飲都好香又濃郁，飲落唔係味精湯☺️超鍾意個湯底😆湯底呈奶白色，拉麵嘅分量好多，食完超飽肚。碗內四塊腩肉叉燒、好多木耳、青葱和紫菜😍腩肉叉燒有油脂，每片腩肉叉燒都偏薄身😋食落好滑，肉質鮮嫩😀，入口即溶，超滿足😍-男爵薯餅🍘(牛肉薯餅和紫薯栗子薯餅)（$38）（Korokke Danshaku (Beef Croquette&Sweet Potato Chestnut Croquette)）紫薯餅入面有濃郁嘅紫薯蓉🍠，仲有粟子粒😍食落比較甜，薯餅十分酥脆, 與入面嘅軟綿綿嘅紫薯蓉口感成了對比, 十分有口感，一定一定要趁熱食🤤，如果唔係，食落就會唔脆🤤而牛肉薯餅係鹹的，外表同樣炸得酥脆但不油膩，外脆內軟😊，薯蓉中夾雜了一些牛肉碎，味道唔錯😆依個男爵薯餅真係唔錯，食落好有驚喜😍-香港一定有3間分店，分別係銅鑼灣，元朗，紅磡，新界，港島 和 九龍 都

相信唔少去過日本ge朋友都有類似經歷：入到餐廳，正想係袋到拎紙巾之際，店員已將其遞上；又或者係想點菜之時，侍應早已係你身旁，唔駛舉手舉腳舉足成個鐘都冇人埋黎。呢種專業、體貼ge服務態度，曾幾何時都係香港出現過。但今時今日，莫講話普羅大眾ge餐廳，就算去到高級酒店都未必有咁好服務。不過大家都明ge，而家做生意，所有資源都去晒落租金，伙計廚房都係拎緊幾十蚊一個鐘，甚至仲係part time員工，仲可以有要求咩？不過呢，我地今次就十分幸運，黎到黃埔呢間無論環境、食物同服務都超好ge拉麵店 — 「金田家」自從地鐵開到去黃埔之後，黎玩真係方便左勁多！舊時約朋友，要係紅磡站行勁耐先黎到，而家就有地鐵上黎，而且呢頭多野食，附近又有野行有野玩，無法子唔黎多幾次呢。「金田家」離地鐵站5分鐘左右，行過去都算幾方便。黃埔之外，佢地係銅鑼灣同元朗都有分店，呢間鋪ge地方唔算大，座位亦唔太多，不過就非常之光鮮整潔。我地雖然坐左係「拉麵檯」，但空間卻比想像中舒服，仲可以將外套同袋放係位添！　呢度有幾款拉麵同小食選擇，亦可以自由決定麵條軟度同配料，同日本ge拉麵店一樣咁細緻。我地點左呢度主打「豚骨MIX拉麵」($7