Video
Read full review
2018-02-23
53 views
相信唔少去過日本ge朋友都有類似經歷：入到餐廳，正想係袋到拎紙巾之際，店員已將其遞上；又或者係想點菜之時，侍應早已係你身旁，唔駛舉手舉腳舉足成個鐘都冇人埋黎。呢種專業、體貼ge服務態度，曾幾何時都係香港出現過。但今時今日，莫講話普羅大眾ge餐廳，就算去到高級酒店都未必有咁好服務。不過大家都明ge，而家做生意，所有資源都去晒落租金，伙計廚房都係拎緊幾十蚊一個鐘，甚至仲係part time員工，仲可以有要求咩？不過呢，我地今次就十分幸運，黎到黃埔呢間無論環境、食物同服務都超好ge拉麵店 — 「金田家」自從地鐵開到去黃埔之後，黎玩真係方便左勁多！舊時約朋友，要係紅磡站行勁耐先黎到，而家就有地鐵上黎，而且呢頭多野食，附近又有野行有野玩，無法子唔黎多幾次呢。「金田家」離地鐵站5分鐘左右，行過去都算幾方便。黃埔之外，佢地係銅鑼灣同元朗都有分店，呢間鋪ge地方唔算大，座位亦唔太多，不過就非常之光鮮整潔。我地雖然坐左係「拉麵檯」，但空間卻比想像中舒服，仲可以將外套同袋放係位添！ 呢度有幾款拉麵同小食選擇，亦可以自由決定麵條軟度同配料，同日本ge拉麵店一樣咁細緻。我地點左呢度主打「豚骨MIX拉麵」($7
呢種專業、體貼ge服務態度，曾幾何時都係香港出現過。但今時今日，莫講話普羅大眾ge餐廳，就算去到高級酒店都未必有咁好服務。不過大家都明ge，而家做生意，所有資源都去晒落租金，伙計廚房都係拎緊幾十蚊一個鐘，甚至仲係part time員工，仲可以有要求咩？
不過呢，我地今次就十分幸運，黎到黃埔呢間無論環境、食物同服務都超好ge拉麵店 — 「金田家」
自從地鐵開到去黃埔之後，黎玩真係方便左勁多！舊時約朋友，要係紅磡站行勁耐先黎到，而家就有地鐵上黎，而且呢頭多野食，附近又有野行有野玩，無法子唔黎多幾次呢。
「金田家」離地鐵站5分鐘左右，行過去都算幾方便。黃埔之外，佢地係銅鑼灣同元朗都有分店，呢間鋪ge地方唔算大，座位亦唔太多，不過就非常之光鮮整潔。我地雖然坐左係「拉麵檯」，但空間卻比想像中舒服，仲可以將外套同袋放係位添！
呢度有幾款拉麵同小食選擇，亦可以自由決定麵條軟度同配料，同日本ge拉麵店一樣咁細緻。我地點左呢度主打「豚骨MIX拉麵」($78)同「黑松露拉麵」($108)，再加一系列配菜包括「溏心蛋」($14)、「黑豚叉燒」($33)同「腩肉叉燒」($20)，仲有一碟「大將餃子」($30)。
黑松露拉麵
$108
9 views
0 likes
0 comments
豚骨MIX拉麵
$78
22 views
0 likes
0 comments
黑豚叉燒 & 腩肉叉燒
$53
8 views
0 likes
0 comments
大將餃子
$30
4 views
0 likes
0 comments
「金田家」本身係九洲名店，黎得香港當然有番咁上下水準，「豚骨MIX拉麵」同「黑松露拉麵」絕對冇令我地失望，無論火候、湯底到用料都係一絕。湯底甜而不膩，食完唔覺口渴；麵條份量充足，幾為食都唔駛叫替玉！至於配菜，溏心蛋、黑豚同腩肉叉燒都相當有水準，整體口感非常之好。
不過講到呢度最大最大最大ge驚喜，就係呢一碟「大將餃子」喇！「鮮甜」、「味美」、「唔熱氣」呢D不在話下，餃子入面ge肉碎簡直「入口即溶」！雖然咁講有少少誇張，但實在係一試難忘，即使我地已經食飽左，都仲係要Encore多一碟，咁各位大概可以想像到有幾好味了。
啤酒 & 綠茶
$50
8 views
0 likes
0 comments
我地仲點左啤酒同綠茶做飲品，埋單加埋都差唔多夠買隻mhw玩了，不過呢個質素黎講唔算貴喇，唯有努力D搵錢啦！
Other Info. :
「金田家」係九洲好出名，如果係香港keep到呢個質素同服務，稱霸九龍應該冇難度！不過呢度ge位置比較少，繁忙時間可能要耐心等候喇！
(The above review is the personal opinion of a user which does not represent OpenRice's point of view.)
Post
