楚撚記大排檔 (寶光大廈)

Open Now

Now Closed

聽講佢搬左鋪，特登過黎試下。冇book台話應該有排等人。8點半入座。見話好多人話飯後有送，但今次冇送，唔知太晏派哂定點。拔絲咕嚕肉，梅頭肉每件都啖啖肉，唔太識品嘗旁邊的焦糖塊，覺得硬左d，對個拔絲有d 失望，雖然賣相ok。總體平平。菜乾豬肺湯，份量十足，6個人每人都飲到2碗，湯料亦都唔少，見到湯面唔會好油，清肺一流。豬油撈飯，有趣，新一代人甚少咁樣食法，入口而冇想像中既油膩。要親飯重有熱力撈埋d 豬油。蜜椒薯仔牛柳粒，落完order，去完廁所既時間已經上左菜。快手上菜係好事，但食物明顯地唔夠熱。另外無論薯仔定牛柳份量都唔算多。鳳尾蝦多士，差，只係得微暖，表面亦唔夠脆，如果係返熱返個多士既話有點失望。黑松露蓮藕墨魚餅，呢個係最後一道上菜，唯一一個感受到大排檔溫度，煎到金黃色岩岩好。咬開重有煙。黑松露個味好夠好出。蓮藕夾埋墨魚口感爽脆層次豐富。特別的汽水，香港製造，就真係唔似可樂，幾種唔同既甜味混合而一咁。但試一次夠。總體食物有好有壞，裝修有風格，但不太感受到食物有大排檔既鑊氣小炒feel。如果追求快出餐，只可算係好少少既茶記。

#wetdodo_土瓜灣 #wetdodo_荃灣 #wetdodo_西環楚撚記真係聽過好多次都聽聞勁難book位但可能係因為預約閒日晚上早兩星期book都好順利就有位既然有得預約鼓勵大家早啲打電話去留位☎️土瓜灣鋪一直都有但呢家搬左鋪位重新裝修同一般大排檔比又真係闊落同好坐啲同埋全室內位都坐得舒舒服服❣️Btw最後仲有糖水送～唔洗諗下場糖水了😂會飽到食唔落😋———————————————————————💛原隻脆皮炸豬手 $159😋：8/10份量好多 而且都幾多肉而且外層都幾香脆調味恰當唔會太咸呢個算係幾抵食～💛豉汁排骨陳村粉 $102😋：8/10好耐冇食陳村粉～難得見到即點！陳村粉入口好滑又掛豉汁 呢個唔會太咸幾好排骨同粉既份量都多如果想叫個粉麵飯既都推薦試下呢個🤭💛椒鹽鮮魷 $103😋：7.5/10驟眼睇似避風塘多啲😂整體有啲啲過咸但鮮魷口感爽彈 都唔錯💛蜜椒薯仔牛柳粒 $113😋：7/10呢個啲牛粒同薯仔粒都切得好細😂如果大粒番少少會更開心黑椒味夠濃 薯仔同牛粒都夠軟身💛豬油撈飯 $23😋：7/10第一次食豬油撈飯😂可己自己調教落既份量 亦都好啱打卡🤭豬抽同豉油撈埋幾香不過記住要襯熱食

我第一次食呢間餐廳，好彩有訂枱，餐廳門外好多人等位，餐廳位置都算易搵嘅，場內好闊，唔逼夾，裝修好有舊式茶記風味。我哋九個人食咗16個餸，另外叫咗個豬油撈飯試吓，第一次食，個飯係蒸出嚟嘅，配豉油同豬油糕，仲有芫荽蔥，好香好好味。推介個蝦醬骨，好入味同埋炸到好乾身真係好好食。仲有黃金粟米，我哋一落枱就已經叫，加送嘅時候已經見到寫住售完，好搶手。粟米唔乾身，甜甜地 雖然加咗鹹蛋，但係唔油。個蟹粥都係好正好鮮味！食完飯仲有糖水送，有清心丸同番薯糖水揀。坐得舒服仲要免收+1！下次會再去。人多要提早book位～

上次食楚撚記已經係西環店，嗰陣一食已經愛上，今次難得同一班朋友約左喺土瓜灣呢間食，企喺門口已經感受到嗰種坐爆人嘅感覺🥹黎到總店梗係要試總店限定嘅菜式🥹（你知香港人對限定乜乜乜呢嘅字眼無乜抵抗力）叫左豉油王一夜干吊桶仔、拔絲焦糖脆腩仔、椒油秋葵、芫茜皮蛋鯇魚片浸時蔬呢啲其他地方無嘅，真係好食到我覺得要黎多啲總店🥹其他菜式同其他分店無乜分別，都係咁好食！不過！今日重中之重係"豬油撈飯" 呢度有普通版同復刻版(即係成舊豬油擺面)揀，朋友為左影相靚靚，所以揀左普通版。但普通版一啲都唔普通！豬油同豉油嘅份量任你落，仲有芫茜蔥都係由你隨心配搭，真係痴_線級好食同滿足(ok食完記得返去跑返幾十K減肥🤪)如果一大班人食飯，我誠意推介楚撚記！唔係唔可以兩三個人黎食，但係你要黎多幾十次咁解🤪因為好食嘅野多到一次叫唔晒，會好失落㗎嘛🥺

成日搭車經過見到門口好多人排隊，今日收工特登去試下，門口超多人。等咗大慨1個鐘終於入到去，但明明眼見入座率大慨只有6-7成，究竟係人手問題？安排不當？定係生意技倆就真係唔知。。。入到去地方好闊落，環境亦好乾淨，待應充足到連加茶都可以行孖必邊做邊傾偈😂😂2個人5個餸，食完只係可以講名大於實，唔可以算得上鑊氣小炒大排檔。亦都唔知點解會有咁多好評🤭只有茶餐廳質素，但公道啲講句佢價錢都唔算貴，總之試過就算😇