維記咖啡粉麵

Open Now

Now Closed

深水埗有唔少平民美食，其中維記係我較常幫襯嘅一間。佢地喺繁忙嘅福榮街上有成三間鋪，節假日經常大排長龍，受歡迎程度可見。唔少來維記食嘢嘅朋友應該都會試佢地嘅豬膶，我亦唔例外。佢地啲豬膶除左處理得好乾淨之外，亦無令人抗拒嘅腥味，而且又唔怕好粉，口感爽彈之餘仲會食到小小筋嘅韌勁。我個人唔太喜歡大大塊嘅厚切豬膶，所以呢度嘅豬膶就完全啱曬我個人口味。維記嘅豬膶之所好味亦有賴個湯底。佢地嘅湯落左唔少薑絲煮，清甜可口又劈到腥味，所以每次我都會先飲一兩啖湯再開始食豬膶同米粉。呢度嘅鮮牛肉唔錯，所以幾乎每一次我都會叫一碗膶牛米。一碗唔講究賣相但著重味道嘅膶牛米，平實嘅街坊美味。所以話呢， Don’t judge the book by its cover.

同男朋友去開深水埗睇電腦就諗下lunch食乜好，忽然諗起細個成日同阿媽黎食既豬膶牛肉米🤤因為係星期六，去到見到連住兩間嘅鋪頭都各有人龍，我哋大約排左半個鐘就入到去啦！我哋兩個都叫咗一人一碗豬膶牛肉米一份架央多士同凍0樂😊😊😊豬膶牛肉米就同以前一樣配料都幾多而且都好鮮甜！不過架央多士就唔知點解無咁好味😕 雖然係咁，但食完之後都覺得好滿足！😋

2010年3月5日 ( 4-1 ) 深水埗 ( 維記咖啡粉麵 - 1) 日程：( 維記咖啡 - 廖同合荳品廠 - 萬家燒餅皇 - 興記 ) 維記咖啡於1957年創立，距今已有53年歷史了，它的豬膶麵已是聞名的生招牌，還有牛肉也是不錯的，每次到來都是為吃一碗膶牛麵。今天我倆出九龍閒逛，第一站早餐又來這裡了，叫了兩杯奶茶及兩碗潤牛米。豬膶牛肉米：豬膶依然嫩滑爽口，唔會烚得太熟，牛肉沒有以前那樣嫩滑，可能煮得老了一點，唯一仍不覺有明顯使用軟化粉的跡象，而泡泡潺潺的湯，仍然帶着昔日的甜美。熱奶茶：茶味夠濃，奶味輕，也是很香滑，但微帶苦澀，亦算ok的奶茶。餐後總結幸運地今天不用排隊，在62號舖用餐，環境ok呀，每次都是要搭枱，已成習慣。服務普普通通啦，有一般茶記的招呼。衛生情況也算可以。雖然24元一碗，但餸料也不少，算是抵食了。今餐感覺不錯，豬膶依然做得很好，口感味道也不錯，我倆仍然喜歡它的豬膶呢！不過，豬膶呢樣嘢，唔係每個人都能接受的，我們的孩子就是一例，聞到豬膶味即彈開了。有些人，也許...怕它的味道...怕它的鯹氣...怕它的湯泡，好味道三個字，也不是絕對的，各有各喜好，自己喜歡的