維記咖啡粉麵

Open Now

Now Closed

由細到大，到深水埗就會見到一連好幾個舖位嘅維記咖啡粉麵。由於屋企人並唔太好食內臟，一直冇機會試。今年搬到深水埗工作，終於有機會一試。第一次食，當然要試試聞名嘅膶牛麵。豬膶同牛肉嘅比例各一半，份量十足。$39嚟講算抵食。豬膶新鮮，非常爽脆，內臟味重，不過湯底加咗薑一齊熬，中和返內臟腥味。牛肉鮮甜，彈牙。不過不失。公仔麵煮得啱啱好，唔會煮得太腍，湯底些少都有啲味精，不過落咗薑去熬同豬膶係夾嘅！呢個價錢，食到香港最地道嘅味道，我俾滿分💯

終於一嚐聞名已久的維記豬膶麵！一條街三間鋪都幾乎滿座，下午三點三都仲要搭枱，果然人氣爆燈！.店內舊式茶記裝修，餐牌沒有花巧，只係賣不同配搭的粉麵及三文治多士。豬膶牛肉麵 $35，上枱賣相都…幾亂下，不過都算係大碗足料。豬膶好食但未有起沙，沒有外界評價咁驚艷。牛肉算腍，麵質係爽麵，整體正正常常。飲品無得跟餐要散叫，凍熱飲$13-$15杯，凍飲都係大半杯冰果種。$50一餐舊式茶仔情懷唔算抵食，但一試豬膶麵可以接受。

深水埗維記咖啡粉麵既馳名豬潤麵係我最愛既茶記一，同一條街連開左三間，但係依然每間都很多人排隊生意超好。經過我食過好多次嘅經驗，我發現最舊嗰間鋪永遠都係最少人排隊，可能因為佢裝修舊啲感覺冇咁乾淨掛，所以我每次都去排最舊果一間。（其實三間食落都係完全一樣，冇分別）一坐低姐姐就會即刻問你食啲乜，點餐後都冇2分鐘，你嗌嘅嘢食就會送到你面前。（所有姐姐啲記性都超級好，從來唔需要寫低！👍🏾）豬潤，味道好濃郁而且完全沒有腥味，質感軟嫩又不會太粉，非常爽口。反而牛肉就偏瘦食落有啲軟身有啲硬身，不一致的口感。（可以選擇好多唔同嘅材料，例如配午餐肉都幾好味）另外，出前一丁公仔麵其實真係唔一定要配麻油味😏維記呢個豬潤配薑絲湯底十分濃郁，好飲到都吾識形容，總之就會飲晒佢啦！😋

維記真係食左冇十年都有八年, 品質如一, 我已食到有個癮, 一有機會就嚟整番碗. 依家開到三個舖位, 但繁忙時間仍然會排長龍. 小弟鍾意食豬膶牛肉麵, 健康些可選米粉通粉或意粉, 但最重要嘅係你叫乜餸乜麵都係嗰個豬膶湯底, 小弟食維記就係為咗食佢個湯底, 餸同麵其實都只係配料. 豬膶牛肉都細薄切, 精華都盡溶在個湯底中, 另外湯底常有細薑粒真係好鬼好食. 好多人常將佢同大南街嗰間比較, 小弟愚見係, 嗰間食精緻, 呢間食湯底, 一個麵兩個做法, 各自各精彩, 各有捧場客, 香港百花綻放, 唔好咩?

今日唔使返公司出咗去深水埗做嘢，醒起深水埗有間為記食豬潤麵嘅好出名。所以就同同事過咗嚟呢度食晏晝飯。以為午市時段會有好多人要等位，點知我哋一入到去就甘啱有兩個位坐。話到明豬膶麵出名，我當然叫咗一碗豬膶牛肉麵食。碗麵嘅份量好多好抵食。不過個面底係有少少失望嘅，因為本身諗住個面會係好爽口彈牙，不過就真係失望咗啲，個面好糊口，唔係幾好味。但係佢個豬膶真係好好食，冇腥味之餘仲要好爽口。牛肉相比之下返而失色咗少少，因為有部份牛肉有根好難咬。食茶餐廳當然要叫番杯凍奶茶，佢個茶底都唔錯，不過加冰就越飲會越淡味。我覺得另一個必食嘅係㗎央西多士，唔通普通茶餐廳炸到脆邊，佢嘅口感真係比較似兩塊麵包加㗎央。雖然係林但係我又覺得幾好味喎👍🏼

今日同母親大人去咗深水埗行街。行之前去食返碗豬膶牛肉麵。好久沒吃了。湯底好有豬膶味，豬膶夠滑，唔會煮過頭，牛肉都無煮過頭.再加辣油.....讚：）