坐忘

Open Now

Now Closed

豬軟骨七小時煮野菜咖哩飯 $69豬軟骨煮得好軟腍，軟骨都已經變成啫喱狀，入口即溶，不過略嫌調味偏鹹；野菜有翠肉瓜、蘿蔔、薯仔、西芹、西蘭花、椰菜花同肉豆，冇調味，只係靠個咖哩汁，而個汁就係普通日式咖哩味，唔會辛口。個飯夾雜咗少少黃色，初時以為係雞蛋，食落應該係南瓜蓉同粟米，甜甜地，幾有心思，但飯嘅質感就麻麻，唔係珍珠米彈牙嘅口感，亦唔係粒粒分明，有少少一舊舊痴實哂咁。生薑燒汁牛肋白芝麻湯烏冬 $69湯底似帶有淡淡芝麻香氣嘅豬骨湯；牛肋肉完全唔韌唔柴，好腍，有牛味，但冇任何調味，生薑只係當配菜咁放上面，略嫌牛肋肉太清淡。烏冬配以大量洋蔥同椰菜，每食一啖都會夾到菜，感覺好健康🤣 烏冬粗幼度適中，滑溜，少少彈牙，唔算好煙韌。〰️〰️〰️〰️〰餐廳性價比高，$69蚊而且冇加一，招牌嘅豬軟骨係好食嘅，值得一試😋 而且飯同烏冬都有好多蔬菜做配菜，營養好均衡，食落唔會太有罪惡感。餐廳英文名係CAMPER’S，所以餐廳放咗啲camping嘅用品；小店座位唔多，枱與枱之間都冇大多空間，基本上隔離枱講咩都一清二楚😅 我哋係星期六14:15左右到，前面有3個party等緊，但好好彩等咗5分鐘左右就順利入座，順帶一提

聽聞天后有好多好野食，其中好多人推介就係坐忘，所以就同朋友仔過黎試下😋😋呢間主打日式咖哩🍛，亦都標榜無添加味精，以健康蔬菜為主👍🏻✾ 豬軟骨七小時煮野菜咖哩飯 $69一上枱就好吸引，入面有好多唔同蔬菜，包括：翠玉瓜、紅蘿蔔、椰菜花、西蘭花、豆角、薯仔，唔同蔬菜🥬顏色繽紛🤣 而豬軟骨肉好軟腍，煮得好入味。最鐘意食較骨位置，軟骨食落滿滿骨膠原🥰🥰。而個飯入面有粟米粒，好健康，搭配埋甜甜咖喱汁好好食！！成個飯都好健康好美味，令人忍唔住一啖接一啖咁食😋而且份量十足，食完成個飯好飽好有滿足感🥰

今日搵食搵到天后, 坐忘呢間餐廳座位唔算好多, 星期日晚上6點鬆d去到都要等一陣位! 餐廳其中一個賣點就係強調食物無落味精, 連醬汁都係自家調製, 岩晒注重飲食健康嘅人! 而且一入到餐廳就已經聞到好大陣咖哩香味, 所以唔洗左諗右諗, 首先一定要叫佢嘅咖哩食!!豬軟骨七小時煮野菜咖哩飯賣相十分吸引! 豬軟骨份量絕無手軟, 勁大舊! 而且真係煮到超腍, 冇牙都食到, 哈哈! 而且咖哩汁勁香濃, 配飯食一流! 仲有, 佢嘅米飯好有誠意, 唔係普通白飯咁簡單, 係金黃色嘅粟米蛋飯! 此外, 配料超級豐富, 好多唔同款蔬菜, 有薯仔、翠玉瓜、西蘭花、椰菜花、豆角同紅蘿白, 好健康!忌廉湯烤雞野菌烏冬呢款亦都係驚喜之作, 湯底好香牛油雜菌味, 烏冬係扁同幼身少少, 但保持到口感! 烤雞有3件, 件件都好大舊, 雞肉幾嫩滑! 而其他配料份量十足, 有好多雜菌、洋蔥同煙肉! 食到好滿足!!呢間小店十分推薦大家去食, 食物質素超有誠意, 想食得好味又健康, 坐忘係一個好選擇!!

成日係ig見到人食 仲要個個都讚 冇見過人踩既坐忘 終於去到試lu😍 .日本人主理 標榜無味精 好吸引我呢啲咩都要健康既女人~.今次嗌咗 豬軟骨七小時煮野菜咖哩飯，黑芝麻牛肋野菜咖哩飯🌟豬軟骨七小時煮野菜咖哩飯 $69豬軟骨煮得好淋好入味！份量多 咖哩係淡淡地非重口味個種 食落好舒服 加上超多菜😋最鐘意食菜~~~食落完全冇罪惡感 飯唔係普通白飯 夾雜咗粟米同南瓜 豐富咗口感 好啱我口味！🌟黑芝麻牛肋野菜咖哩飯 $65同豬軟骨飯差唔多 只係咖哩重黑芝麻味 係真係好重 似芝麻糊咁 蓋過咖哩味 所以建議真係鐘意芝麻既先好嗌😂 飯量少咗啲啲 男朋友話唔夠飽呀～～～.總括而言 味道雖然唔係驚為天人 但對得住個價錢 港島區食個晚餐$70邊搵到呢個質素 間唔中想簡簡單單食得light啲 可以一試😋❤️

終於有機會一嚐天后的人氣日式fushion餐廳。星期六的晚上，座無虛席，但也不用排隊，很大原因是因為快速的上菜速度。餐廳裝修簡單充滿日系風情，但桌椅之間頗為擠逼，"搭抬"感覺難以避免。食物方面，試了必點的豬軟骨七小時煮野菜咖哩飯+忌廉烤雞野菌烏冬，兩款菜式一濃一淡，配搭起來食特別滋味。豬軟骨確實有經過精心熬製，肥肉位一咬即溶，瘦肉則略嫌未夠鬆軟(或許是期望值太高?)，飯用粟米+珍珠米煲成，乾身配上咖哩汁，一切剛好; 烏冬湯底郁而不膩，配菜很足，但雞扒水準還可以改善。整體而言，是一間值得嘗試的餐廳。

想吃坐忘很久了，但每次都碰巧假期或內部休息而撲空，所以這次真的十分之期待！ 等了大概20分鐘就有位了，座位不算非常寬敞但還算舒適！必點的豬軟骨七小時煮野菜咖哩飯果然名不虛傳，豬軟骨肉質軟稔到極致，滿口是骨膠原的感覺啊！除了非常入味外，內裡還保持著粉嫩的肉質！咖哩的味道不會像一般日式咖哩那樣甜，是讓人停不下來的辣度非常惹味！金黃的飯加入了南瓜和蕃薯粒，健康清新。額外加一顆流心蛋，簡直就是大滿足！男友選了黑芝麻牛肋野菜咖哩飯。在之前真的沒法想像黑芝麻與咖哩混在一起的味道如何，竟然會是那樣和諧美味！芝麻的香配上咖哩的微辣，讓人忍不住一口一口接著吃。牛肋分量不少，肉質軟稔帶點嚼口！野菜種類繁多，色彩繽紛吃下去健康又均衡。同樣的配上流心蛋和蕃薯粒飯，飽足又幸福！

食完呢間野既感覺係 我太遲發現呢間野啦! 標榜食物零味精 無添加 而且食物賣相好 又多菜重點係$100都唔洗既日本菜! 邊度搵😱😱😱呢度以日式咖喱飯為主打 仲有沙律同烏冬食既第一次黎就梗係要試咖喱飯啦😎豬軟骨七小時煮野菜咖哩飯 ($69)呢款都算係全店最受歡迎既一款!❤黎到既時後見到豬軟骨既份量真係嚇左一跳 好多😨食落好淋好淋 又入味果然係煮左七小時!👅咖喱汁微辣 撈埋豬軟骨啲汁食落又係另一個層次😋野菜方面一啲都唔hea有薯仔 翠肉瓜 紅蘿蔔 西蘭花 西芹 等等比起出面好多餐廳黎講係十分有營養仲有個飯 心機十足居然係南瓜粟米飯🌽無論係賣相定營養都加曬分👍雜菇茄子牛肋咖哩飯 ($69)飯同咖喱汁都同上面一樣😋雜菇都睇得出有三四款🍄茄子煮到淋身 吸曬咖喱汁🍆牛肋肉煮得好淋 入口即溶☺底下仲有啲四季豆 呢度都幾重視食客既營養😂😂