坐忘

Open Now

Now Closed

由於當時近糧尾，所以想揾間又平又好食嘅餐廳～經網民推薦，發現左呢間隱世小店好似唔錯，於是前往試試到達餐廳嘅時候係6點45分左右，時間都仲算早，但門口已經有兩三個人排緊隊大約等左10分鐘左右就有位入座。入到去點左個招牌日式豬軟骨飯，個飯本身配左餐湯，而且仲有大量沙律伴碟飯嘅份量都唔少，一定夠餵飽一個成年男人最感到意外係豬軟骨超大舊！估唔到咁樣先係67蚊！個豬軟骨飯d汁唔係想像中嘅酸甜，而係似醬汁煮，所以食得多之後都會有少少膩豬軟骨本身煮到好淋好入味，幾出色個人覺得如果細食嘅，可以叫其他，因為真係冇可能食得晒另外，由於呢間餐廳非常受歡迎，所以繁忙時候有機會要搭枱坐。如果係想一邊食一邊傾計的話，就唔係幾適合。

見到好多post話尼到既豬軟骨好好食，而且好有日式feel，所以黎食下。lunch時段1點半左右到，排大約10mins有位。雖然入到去感覺可能少少逼，但裝飾有style，坐得舒服，就冇左逼既感覺。當日，侍應服務唔錯，俾餐牌，添水，亦冇趕你食快d。叫左豬軟骨7小時煮定食($65)，豬軟骨野菜咖哩飯($65)，黑椒燒汁牛肋丼($56)，野菜湯($12)。豬軟骨有2件大大件，配以沙律，感覺上較其他餐廳健康。而且餐廳原本都主打野菜飯/烏冬，10幾款野菜一齊煮，素食者都岩食。定食原來會跟野菜湯，味道清甜，再加入粟米，紅and白蘿蔔，清熱潤肺一流，而且冇味道，飲完唔會鹹，仲解渴添。最期待既豬軟骨果然冇令人失望，超級超級好食。軟骨經7小時煮，已經變到黏稠既狀態，啖啖係骨膠原漿，好似食緊花膠咁。而且每件size都有手掌咁長，普通女仔食，食1件都飽，男仔食哂成個餐，一定夠飽。另一款豬軟骨配以咖哩，其實一入餐廳，已經聞到好大陣咖哩香味。而尼個咖哩汁，入口去到好後期，會feel到bb辣，都係好少好少既辣。而尼個飯就吸引d，因為加入左蕃薯煮，健康有營養，好重蕃薯味。尼款配搭多款蔬菜，例如紅蘿蔔，翠肉瓜等，就唔