新記芝士麵 (Closed)

每次有外地朋友黎香港，都會同佢地黎哩度食芝士撈丁..無諗到今次再黎，變化係咁大。今日黎食下tea，叫左個豬頸肉芝士撈丁，味道都仲keep到，香濃芝士配燒豬頸肉。仲叫左個瑞士雞翼米同凍奶茶；就係哩兩樣野令我失望到要黎俾個差評佢！！成碗野係無味架！隻雞翼既色雖然好靚咁！但裏裏外外都係完全無味架；見佢瑞士雞翼都算係招牌，所以叫黎試試，好失望囉！而哩杯奶茶先係真正令人嬲既原因；係香港，奶茶之都啊！無諗過可以做得咁差囉！即溶奶茶都好飲過佢啊！無奶味無茶味，係一杯奶精水咁！！婉轉地同職員反影左杯奶茶味道怪怪地，佢亦好好人咁話幫我地換一杯...好可惜換左一杯後變化唔大，只係加甜左少少；對於由細飲奶茶到大既香港人黎講，相信一定接受唔到哩度杯凍奶茶

黎到新記緊係要食最出名嘅芝士撈丁啦唔係講笑，見倒47先食倒個撈麵我都打左個突40幾蚊響茶餐廳可以食倒個飯仲有湯送不過一場黎到點都試下嘅叫左豬頸肉芝士撈丁，雞扒芝士撈丁同一杯凍檸茶不過阿姐溜左我杯凍檸茶一黎到見倒碗野咁多芝士即刻收翻果句40蚊響茶餐廳食倒飯仲有湯送事關試過叫芝士麵細果啲芝士係稀嘅所以我對個麵冇抱太大期望所以一見倒啲芝士咁濃條氣順翻哂雖然好多芝士，不過夠我岩岩好撈哂個芝士麵嫁咋食落口芝士味好濃但又唔會好溜，不過啲麵就略為林再小小先講個豬頸肉，雖然個豬頸肉唔係脆果隻但係好煙韌不過個雞扒就略為失色，塊雞扒有啲老，好似食緊蒸老左嘅雞咁個人認為豬頸肉芝士撈丁好食啲，係啲麵林左小小咁

特登慕名而來既芝士撈丁🧀🍜有少少失望☹️鋪面同鋪內都有好多名星黎食野既相同朋友一人叫左一個撈丁試都幾多芝士汁，個係好咸好乾$47一碗麵😿好貴💸💸

平時食開好多港式茶記美食，食到悶悶地，可以到尖沙咀新記茶餐廳一試，係酒店美麗華及商場 THE ONE 附近，招牌主打豬頸肉芝士撈丁，蜜汁龍鬚及瑞士雞翼，大家一定要試誠意推介: 豬頸肉芝士撈丁 ( HKD $55 )， 豬頸肉炭燒得十分野味及鬆軟，再配上濃郁芝士汁撈丁一齊食，非常新奇及開胃，雖然價錢略貴及份量少，如果一般男士並唔夠喉，可以加底 ( HKD $16 )必食小食推介:蜜汁龍鬚，今日與女朋友一齊食，所以試咗雙拼，蜜汁龍鬚拼瑞士汁雞翼 ( HKD $56 )，蜜汁香濃野味，再配上彈牙嘅龍鬚，味道難忘， 龍鬚爽口並不黏牙，但可能與瑞士汁雞翼放在一碟，本人覺得雞翼味道一般，但價錢略貴及份量少，建議叫小食不要叫拼盤平日星期一至五，可以用半價換價飲品，熱飲 HKD $ 6，涷飲 HKD $ 9 ,特飲 HKD $12 ,星期六，日及假期收正價，我就試咗特飲咸柑桔擰七，店舖自稱是用泰國咸柑桔，咸酸甜適中，值得一試店員招呼態度一般，環境一般，但有好多明星相陪你食飯，感覺特別

本身約左個朋友食飯, 但臨時有野做又唔想放飛機, 所以就諗住食個出晒名 "快、靚、正" 嘅芝士撈丁。鋪頭內在環境尚可, 可能是位處香檳大廈嘅關係, 所以覺得少少污糟。我就叫左個豬頸肉芝士撈丁($45)。 聞落唔算太香芝士味, 不過食落就"芝"味滿分! 芝士都夠多, 個麵唔會太乾。 另外豬頸肉就好爽口, 唔會燒到太乾身, 幾好! 不過就略嫌有些少漏。之後跟餐叫杯鹹檸七($12)。呢個就都是普通鹹檸加七喜, 冇乜特別。

一向都係新記芝士撈麵嘅常客 食過新記嘅芝士撈麵，絕對唔可能返轉頭 亦都好難有第二間嘅芝士撈麵超越佢（註：可參詳之前於羅麥記的食評中有提過芝士撈丁）今日路經尖沙咀，就即興再嚟食返個芝士撈麵醫肚 場內的牆壁都痴滿哂相，組成一片眾多名人明星嘅集郵相片海 ，係每位嚟食過嘅明星所留低嘅倩影 就算係完全未食過嘅人，都分分鐘因為明星效應慕名而來！今日簡簡單單叫左兩個《炭燒豬頸肉撈丁》，亦係呢度嘅必食招牌菜 首先芝士汁夠哂「杰身」同濃味，唔會好似其他店鋪咁偷工減料溝淡咗。炭燒豬頸肉幾香口，雖然未能見證係咪真係炭燒，但食落味道唔差，唔韌唔痴牙 。麵底就正正常常爽口口感。不過今日唯一不足係芝士汁太過咸喇 ，以往食咁多次都未遇過呢種情況，可能真係偶有失手！伙記呈上時：撈完之後即刻靚仔哂 最後埋單$88，$44一個芝士撈麵，價錢不算平，但起碼係食得到質素。以同區嚟講，已經算得上係物超所值，希望下次再嚟食嘅時候，能夠食得返以往嘅水準啦

沒有想到會走進新記這間明星食堂，原先只有打算到尖東探望忌廉哥，可是當時看到的，只是頭熟睡如豬的它，守候一會，它仍然一動也不動，唯有帶著失望離去，不知不覺走到加拿芬道看到甜牙牙的招牌，饞嘴的自己不期然食指大動，便步入香檳大廈內探索一下，走到商埸盡頭看到新記，裝潢十分普通，店內也只有餐桌數張，是一間地地道道的茶餐廳，但是店內外的牆上則貼滿名聲藝人在店內用餐的照片，若果照片內的人物同時出現的話，絕對可以說是星光熠熠。店方以芝士撈麵馳名，並聲稱其芝士汁既香且滑，皆因芝士混合淡奶所致，餐牌內主要以芝士撈麵為主打，配上不同的食材，例如豬頸肉，芝心丸，豬扒，雞扒等。既然一場來到，便點了招牌的豬頸肉芝士汁撈丁和凍檸檬茶一試。芝士撈麵不多不少，絕對是一個出前一丁的份量，黃色濃厚的芝士汁厚厚地覆蓋在麵條上，內裡的豬頸肉大概有三至四片，厚薄適中，微焦的外表，賣相顯得十分討好，輕咬一口，肉質鬆軟有嚼勁，芝士汁味道濃郁之餘又不會感覺太膩口，至於麵條也煮得恰好好處，煙韌有彈性，招牌菜的實力果然是不容置疑。除了撈丁，意外地發現新記的凍檸檬茶也有一定的吸引力，檸檬和紅茶的味道濃郁均勻，甜味中帶少許酸澀，非常美味。原先

朋友仔建議下來到這裡試馳名的芝士麵聽說好多明星都黎過一睹風采係炎炎夏日，對於小妹來說，食物味道頓時變成其次，首要條件係有無冷氣。。。係小巷內的一小間店舖門外有好多明星相用作招徠，不難找有冷氣開放, 還不錯可惜星期六日及公眾假期，所有餐都沒得供應，所有都是單點覺得有點名過于實感覺似是煮得過火既公仔麵加D 芝士汁撈埋一齊麵係standard size, 價錢較貴豬頸肉挺不錯，蠻有趙口蜜汁鬚湯麵這個是湯底的魷魚鬚用左蜜糖煮過再加上大量芝麻粒爽的、甜的之前都有人介紹過芝士麵試過就不敢有點懷疑，究竟是質素下降了，還是大家以訛傳訛吹得太大呢?!

食左好幾次新記芝士撈丁，依然咁好味!係其他地方食唔到! 自己亦做唔到咁好味!芝士同平凡的公仔面配搭剛剛好!必食豬頸肉芝士撈丁!服務就有待改善，walk-in時根本冇人理你，落單上菜態度麻麻~

星期天的下午，來到這兒一嚐這裡別樹一幟，打出名堂，受到不少娛樂圈中人歡迎的「芝士撈丁」。地方不太好找，原來躲藏在以售賣攝影器材聞名的香檳大廈裡面。幸好到了大廈裡四通八達的通道內不遠，已看到一個指示清晰的燈箱放在前路，很快便找到了。別以為地方比較隱蔽便會少人幫襯，這店子雖然打通了兩個舖位，裡面的座位仍然接近九成半滿，最後唯有搭檯，坐在偏遠的一個角落中。這茶餐廳的裝修頗為舊式和傳統，唯一最特別的是牆上張貼了不少娛樂圈中人到來幫襯的照片，可見這裡的確頗受他們的歡迎。第一次來到，當然是試這裡最有名的食物--------「芝士撈丁」啦！就是這樣，兩個人一人一個撈丁，另外還叫了一個小吃----「芝士脆脆」。這裡的芝士撈丁果真芝士汁勁多，上桌時，滿滿的芝士汁把整個麵都遮蓋住，只露出被芝士汁包裹住的豬頸肉或雞扒。把芝士汁與麵撈勻一起吃，果真芝士汁滿載，假如是酷愛芝士味道的話，一定會很高興。這裡的燒豬頸肉燒得不錯，雞扒也及格，味道ok。至於小食「芝士脆脆」，其實是把麵粉造成的薄餅皮炸得脆身之後，再點上隨小吃附上的芝士汁而成的一道小食。薄餅皮炸得未算十分脆，不過點上芝士汁後都算係一個幾得意而特別的小吃。這