Mimila (Closed)

一路沒有意欲去光顧這店, 覺得價格進取。疫情下, 下午茶時段提供20% off, 又被其貓山王芝士蛋糕所吸引, 所以比個藉口自己去光顧。餐廳座位舒適, 唯滿席時, 客人與客人間距離有點近。1) 特濃蝦湯喇沙湯麵- 海蝦配美國牛肉 $108- 追加食材: 手撕雞 $152) 貓山王芝士蛋糕 $583) 下午茶全單 20% off4) all + 10%特濃蝦湯喇沙湯麵算是餐聽的主打, 所有隔板都是宣傳, 店舖推介海蝦配手撕雞, 但我又想食美國牛肉, 最後點了海蝦配美國牛肉追加手撕雞。預設麵底為摻摻, 米粉佔多, 油麵略少。呷一口湯頭, 味道鮮甜微辣, 可能摻摻索湯, 開初感覺湯量略少, 但食到尾段仍有湯剩。除了牛肉和追加的手撕雞, 湯麵附有魚片, 半蛋, 豆卜和芽菜。魚片厚切, 爽口彈牙。蝦肉厚, 啖啖肉。半蛋蛋黃軟綿, 蠻不錯的。手撕雞雞味濃, 唯牛肉味淡略柴, 豆卜無味, 即使浸入湯中良久也不索湯, 有點出事。貓山王芝士蛋糕榴槤味重, 質感似mousse和布丁, 略嫌餅底偏濕, 味道被榴槤味蓋過。

大前日(22-6-2019 Sat) 同老公睇完戲就到lunch time,要搵嘢食,去La Terrazza Bar & Grill食,但都只係西餐,唔食喇,走入新城市廣場,記得除咗地下外,上面近頂層都有食肆,於是帶老公嚟睇,見到呢間食馬拉嘢嘅,就試吓啦.睇完menu,我哋叫咗:2. $78.00嘅新加坡白胡椒肉骨茶端上嚟,見到白色唔係深色嘅,豬軟骨有好多舊,食落,白胡椒味幾重,我食唔到肉骨茶嘅茶材味, 豬軟骨夠腍好味.我都係覺得馬來西亞版嘅肉骨茶啱我口味.味道:4分1. $88.00嘅馬來蝦湯配手撕雞摻摻原本老公揀蝦籽撈麵,但佢見menu介紹佢嘅蝦湯用好多蝦殼煲咗7,8個鐘而成,所以轉呔叫個.端上嚟我嗅到好香蝦味,啖湯有輕微辣,米粉索晒啲湯,好正.隻蝦竟然係半乾,咁樣味道反而更濃.味道:5分3. $58.00嘅老巴剎雞翼未食過老巴剎雞翼,落單時問辣唔辣,侍應答唔辣.一客四件大大隻中翼,原來係炸嘅,味道我就唔識形容,只知可以接受,外脆內裡多汁.味道:3分4. $26.00嘅熱馬來拉茶呢個口感滑,味道偏甜,我覺得麻麻.味道:2分5. $58.00嘅貓山王芝士蛋糕落單時叫後上,榴槤味唔太

係沙田市中心好少有馬來風味的食物，自從我唔太愛食既Tony Wong冇左之後，果個舖位就變左呢間馬來菜式既餐廳！餐廳不算很大，燈光光猛，坐低後侍應為我們奉上暖水。餐廳主要食馬來亞麵食，因為上次食過另一間餐廳的辣蝦湯，所以今次食咖哩喇沙湯！咖哩喇沙湯配手撕雞($88)，湯底有淡淡的咖哩味，唔會蓋過喇沙湯的味道，湯底夠濃但唔算好辣！除了有手撕雞外，還有魚片、雞蛋及豆卜，這些都是平時喇沙的配料，整體來說整碗味道不過不失！貓山王芝士蛋糕($58)，未食已經聞到果陣榴槤味，食落去榴槤味頗濃，因為是芝士蛋糕，所以食落口感都有點像食緊榴槤！總括黎講，價錢就貴左少少，但甜品出色，可以再考慮試下其他麵食！

本來都唔諗住入去食㗎啦，但個店員同我講佢哋嘅湯係用新鮮蝦報既，絕無味精，我就入去睇吓你係咩料先佢唔係日本拉麵嗰種湯底嘅濃湯，而係屬於清湯果類，蝦味濃，食得出冇乜味精，食完都唔會好口乾貓山王蛋糕，榴槤味重，每一啖都有榴槤肉👍對湯底有要求嘅朋友，可以一試

好耐冇行過沙田新城市廣場，好多店舖都轉晒行到上7樓見到好多新食店，噤啱又到下午茶時候又有d口痕，又想找地方hea吓我噤喜愛尋食，一定要找d好食嘅美食見到有中、日、韓、泰和馬來西亞噤多國家選擇，馬來西亞好似冇乜食過，就入去試吓啦！我選左個：馬來辣蝦湯海鮮摻摻，賣相好吸引配料有：帶子、墨魚仔、魷魚翼、蟹棒、蝦，首先試吓個湯先，入囗辣辣地但好鮮甜而且好濃海蝦味蝦肉好彈牙，帶子和蟹棒肉嫩甜美，墨魚仔和魷魚翼彈牙爽囗最鐘意食摻摻就係可以一啖有兩種囗感，油麵和米粉，米粉索左湯更加入味更加可口貓山王芝士蛋糕，入囗軟滑甘香芝士味香濃，之於貓山王味甘甜兩者都冇蓋過大家味道，恰到好處馬來薑汁奶茶（熱），入口香醇幼滑我就覺得薑汁味少d，可能怕太濃好多人受唔到，茶味都好香，不過未夠甘香濃厚。但呢間店我都覺水準中上，因我食完個麵飲晒佢d湯，整曰都冇囗渴想狂飲水，有d唔係真材實料落好多味精，食完會勁口渴

Mimila-馬來飄香Blue Monday 就係要去食返d好野獎勵自己，係沙田新城市廣場血拼完，就同好姐妹上咗7樓食馬來西亞野。🐻馬來辣蝦麵$88五大隻蝦放係面，蝦清理得好乾淨，入口非常之爽，再黎試一啖湯底，有香濃蝦味，絕對係真材實料，而麵底我就揀咗摻摻，即係米粉溝油麵。🐻咖哩喇沙湯配手撕雞摻摻$88好香喇沙椰香，湯底辣味十足，豆腐卜索晒d咖哩喇沙湯味，手撕雞份量都幾多，但一d都唔嚡口，食完個人仲暖粒粒。🐻貓山王芝士蛋糕$58對於鍾意食榴槤既朋友，一定唔可以錯過。貓山王味道濃郁，餅底又唔會太硬，平實既外表，但內𥚃一d都唔簡單。🐻自家製檸檬薏米水（凍）$32檸檬薏米水好清甜，岩晒食完咁濃味既野，解渴消膩一流。

黎到7樓, 有好多唔同既食肆, 見到呢間既門面好搶眼, 所以決定一試~由於時間尚早, 所以未算好多客.店面唔算好大, 但都坐得幾舒服, 仲有sofa位坐~見到本menu就覺得好吸引喇~就感受下馬來西亞菜 鮮、香、辣!馬來辣蝦湯配油麵今次揀左油麵. 除左油麵仲可以揀米粉, 河粉同銀針粉~個湯底就係不得了, 好香!! 蝦既鮮味帶有D微辣, 令到碗油麵upgrade哂!三蝦撈麵個蝦子麵好爽口, 而且有好多配料,啖湯清清地, 唔會搶走蝦子麵既味~馬來串燒(雞)飯雞肉串甜甜地, 幾好食.而且個飯帶有蒜香, 好特別~ 老巴剎雞翼雞翼控朋友表示喜歡, 個皮脆卜卜, 好香口, 而且唔會好乾身, 正!桔子蜜飲酸酸meimei, 好開胃, 亦都唔會太甜美祿暴龍可可貓山王芝士蛋糕又到左甜品時間!~不嬲都幾鍾意食cheese cake,呢個蛋糕真係full of榴槤味, 食落唔會太濟, good!

沙田新城市的食店真係多不勝數, 近期也有一些新食店開張, 早前我就去了位於七樓的Mimila食嘢. 我試了這裡的馬來辣蝦麵配美國牛肉. 而麵選了摻摻, 即係米粉配油麵. 吸引我的原因係每日嚴選三十斤海蝦, 加上八小時手工炒料, 六小時慢火熬制. 上枱時香味撲鼻. 對於只食得微辣的我, 這個辣度尚可接受. 湯多了一份蝦的味道, 特別鮮味. 蝦肉尚算彈牙. 估唔到牛肉份量咁多, 肉質唔會太乾身. 飲品點了熱桔子蜜飲. 這個可以起中和作用, 又可以滋潤一下喉嚨. 食東南亞嘢, 見到有榴槤甜品, 一定要試下. 試了貓山王芝士蛋糕. 入口有香濃的榴槤, 加上淡淡的芝士, 雙重口感. 質感好幼滑, 而且甜度適中, 唔會太甜.

沙田除左一田個FOODCOUNT，都唔知有咩好食了。。。諗住行下頂層睇下有咩好野食，就發現左呢間♥Mimila♥係沙田少有既馬來西亞菜式，值得一試😋門面無咩特別，反而係佢入面啲藍色座位比搶眼，好容易就會發現到佢既存在。佢主要分左2個區域，1邊係坐bar台既，另1邊就係普通台。人流唔算好多，不過一路食一路都有keep住啲人流出出入入。餐牌主要有湯麵，撈麵，仲有小食為主。不過最估唔到既係佢都有啲特色甜品，你係唔會估到有呢幾樣甜品出現，搞到我都好好奇係咪真係咁特別，而且甜品既口味仲要係幾流行😍分別有班蘭戚風蛋糕，貓山王卷蛋糕，貓山王芝士蛋糕。咖哩喇沙牛肉湯麵 $98呢碗湯麵比佢既湯深深吸引左～濃濃既咖哩喇沙湯，入面包含左好多配料，所樣配料都索哂啲咖哩喇沙湯，超好食！不過佢就辣啲，不過咖哩喇沙牛肉湯麵就好惹味～～～👍🏻佢除左有牛肉之外，仲有芽菜，魚片頭，豆腐卜，樣樣都入哂味，成個口都係咖哩喇沙湯。唔講唔知，原來佢既牛肉係用左美國牛肉，唔怪得之食落口既味道好似唔同啲，係好食過出面既牛肉🐂貓山王芝士蛋糕 $58鐘意榴槤既朋友真係千萬唔好錯過呀！因為佢真係好重榴槤味！佢既賣相平平無其，無咩特別，但係

已經很久沒有去新城市廣場逛街了，今日朋友約我出去，發現新城市變化了不少，增多了許多食肆，最後給這間的蝦湯麵吸引進去。麵一端來就聞到非常香的蝦味，迫不及待嘗了一口，有著很濃郁的蝦膏味，果真是真材實料，麵裡更有著5隻新鮮的大蝦👍🏻另外麵的種類可以選的，在店員推薦下選了摻摻，這是一個油麵跟米粉的混合，是馬來西亞的特色。咖喱跟喇沙湯的結合，味道原以為會很複雜，咖哩的香味配上喇沙裡的椰香及辣味，非常好吃，加上店員推薦麵選油麵，更能夠掛上湯汁，非常好吃。這個愛吃榴槤的人一定會大愛，滿滿的榴槤味，吃上去還有些榴槤肉，這個好吃到想再點一個😍下次經過新城市絕對會再來吃這間餐廳❤️

在沙田新城巿廣場搵食，見到呢間馬來西亞餐廳都幾靚仔，即管入去試下。餐廳地方不大，但尚算坐得舒適。我見隔離個枱6個人一口氣叫左6碗A1馬來辣蝦湯面，咁一定好好味，我都湊下熱鬧叫返碗先，整多個參巴醬炸魚旦，一杯檸檬薏米水同貓山王芝士蛋糕做個甜品。辣蝦湯面湯頭好清甜，但有好濃嘅蝦味，但不會係味精嘅味道，飲完一口都無口乾嘅感覺。檸檬薏米水好伏，根本就係薏米加糖水，D水都無薏米味，仲要收我32蚊。貓山王芝士蛋糕好得，好濃嘅D24味道，但又有芝士蛋糕嘅口感，食落去唔會好甜，無好膩嘅感覺。魚旦一共6粒，食左一半先記得影相，魚旦勁大粒，好彈牙，唔會好似街邊魚旦咁只係得麵粉味，參巴醬好特別，有小小似豆瓣醬，但唔會好辣，配起魚旦非常合，唔會完全蓋過魚旦本身嘅味道。

星期五下午，難得可以在沙田新城市廣場與朋友吃下午茶。吃下午茶，我當然想吃些甜點，但友人又想吃些鹹點，看見這間馬來西亞餐廳既有蛋糕甜點，又有鹹式小吃等，正好合我們心意。沙嗲魷魚翼（$58）👍👍👍👍魷魚翼是魷魚當中最爽脆的部份，配合惹味的沙爹汁，少許辛辣、椰醬及花生的香氣，辛香開胃，甚具街頭小吃的風味。參巴醬炸魚蛋 （$35）👍👍👍👍魚蛋是香港人最愛吃的小食之一，魚蛋大大粒，外皮炸至鬆脆。這款小食的特色是配合參巴醬，令魚蛋變成鹹香的馬來小食。貓山王芝士蛋糕（$58）👍👍👍👍👍馬來西亞的貓山王榴槤做的芝士蛋糕，幼滑的口感，貓山王的獨特味道令芝士蛋糕增添了層次。馬來咖啡（$26）👍👍👍👍咖啡味道很香濃，未飲已聞到香氣，奶味亦濃郁，配合我的貓山王芝士蛋糕也很夾。馬來奶茶（$26)👍👍👍👍奶茶的味道不太甜，滲透著淡淡的茶香，與港式奶茶的濃香有點分別。門面內在環境餐牌

朋友都知我鍾意「馬來西亞類的食物」，強烈推介呢間位於沙田新城市廣場既頂樓既【Mimila】馬來西亞的確是有種情意結的！喺幾鍾意，吉隆波都去過一次了幸好沙田新城市廣場對我嚟講都唔算很遠，雖然遲遲都未有起動計劃。是日卒之，扚起心肝，專誠走訪一次，約了朋友到這裡逛逛！這間是新開業一段時間的馬來西亞菜館，好像主打喇沙、蝦麵等，人流都有但不算太旺盛，不用等位便可入座因為朋友說中午非常繁忙要等位的！當是小確幸之一吧！場內既環境顏色簡單且舒服，個場唔算好大但都唔會有壓迫既感覺，最估唔到既係佢有bar台既位置，感覺會讓人更輕鬆自在。看看餐牌都有唔少野食選擇...除左有湯麵、撈麵、小食之外，原來仲有甜品，啲甜品仲好吸引架！就兩個主食一個甜品啦！一次過試晒就最開心啦！一陣食完仲可以順便行埋個空中花園添！很久沒去了【Mimila】是新派南洋風麵店，呢碗馬來辣蝦湯麵 $88✨✨一上台，已經聞到濃濃既蝦味，未食已經覺得吸引！仲係用傳統秘方以鮮、香、辣元素用心製作的特色南洋麵食！麵既種類可以任人選擇，例如有米粉、河粉、檬粉，銀針粉（老鼠粉）同粗米粉（米線）...配料分別有手切海蝦、芽菜、通菜，材料望落簡單，但味道

我幾鍾意食星馬菜式，吸引之處在那濃郁及香草的另類配合，偶爾轉轉口味，感受很不一樣！ 上星期六去了新城市廣場，發現一期7樓有一間主打馬來西亞蝦麵的店子， 口號是南洋百年味道，看來正宗，午餐就決定在這裏。 一頁餐紙附上漂亮食物圖片，款款皆吸引，多心的我決定豪吃蝦麵，即是除了基本的配料外、另加白胡椒肉骨及西班牙栗飼白毛豬肉，榴槤甜品及飲品一杯。 馬來辣蝦白毛豬肉湯麵 ＋白胡椒肉骨 $98 + $28 豐富的配料滿蓋，炸蒜分開上，來到面前已經蝦香撲鼻。 湯頭顏色深褐，據說每一煲湯皆用上30斤新鮮海蝦、加上大量香料炒香熬煮而成，沒有多少油光，入口鮮香味濃但不膩。 蝦肉大隻有彈性，白毛豬肉偏瘦，不及想像中嫩，但比一般本地豬肉香。 白胡椒肉骨選用肥瘦有筋的靚位，但可能並非浸在肉骨茶內，口感有點淡、白胡椒香亦不算強，不夠入味！ 選了油麵米粉配的摻摻，因為湯底出色，粉麵皆非常掛汁美味。 整體來說，蝦香湯濃風韻在，這個蝦麵有水準，但依我口味無需加肉，所以下次來的話，很有興趣試三蝦撈麵。 又或者是後來方見到、散餐單介紹的沙巴虎蝦辣蝦湯麵，據說兩隻虎蝦有手掌咁大，百幾蚊一碗可能都值。 貓

話哂我屋企都有幾個係馬拉人，所以小妹對馬拉野食都有少少研究。最令小妹再三回味既係當地既福建蝦麵，個湯底濃度完全贏哂，蝦味極度濃郁，據說仲會將原隻蝦攪碎，所以D湯先會咁濃。係馬拉食完之後真係返唔到轉頭，因為個湯底真係會令人著迷。呢間餐廳既馬來湯麵好似都幾正，所以捉埋愛人一齊馬來辣蝦白毛豬肉湯河粉 ＄98呢個價錢當然貴過馬拉食喇，但如果個湯好味，小妹相信都會有唔少人會鍾意。飲咗啖湯，的確好有蝦味又有少少辣，都幾好味。每隻蝦都有一陣陣炭火燒過既味，不過肉質就唔太爽，可能雪得比較耐。白毛豬肉片小妹覺得比較乾身唔夠Juicy，不過河粉加埋個濃湯小妹都覺得好足夠，因為食麵既人都知道最緊要係個湯底同麵咖喱喇沙雞飯 ＄88愛人就鍾意食飯，所以佢諗都唔諗都叫咗呢個飯。上枱時都有少少驚喜，因為會配埋一碗通菜同雞醬，一D都唔求奇。唔好以為係俾碗白飯，碗飯係雞油飯，真係好好味。咖喱喇沙有一陣陣椰漿味而且雞件都有好多，誠意十足貓山王芝士蛋糕 ＄58有貓山王芝士蛋糕點可以唔試，小妹好鍾意食榴槤可惜愛人唔多Like所以少機會食，今次有蛋糕當然唔可以放過喇！切件蛋糕比較細件，但食落有榴槤果肉，真材真料但奶味比較濃有點