阿佳拌麵

Open Now

Now Closed

🍜貴妃雞卷拌麵 $40其實已經聽過呢間拌麵好耐 姨姨好熱情咁介紹雞卷係佢哋嘅招牌咁就嗌咗呢款可以試埋佢哋嘅拌麵雞卷似係選用咗雞腿肉 結構係薄薄嘅雞皮包著雞腿肉雞皮半煎炸到好香脆 而且因為好薄身無咩脂肪所以唔會太油膩連我平時最唔鍾意雞皮嘅人都食到😗入面嘅雞腿肉出奇地超級滑嫩 因為已經去咗骨所以係名副其實嘅啖啖肉麵條偏粗身 口感偏稔但未到軟爛 都仲有少少咬口因為朋友想試試基礎版所以嗌咗原味 食落似撈咗滷水汁個人就覺得清淡咗啲 有啲似茶餐廳炒意粉嘅口感同味道😅會想試試麻辣或者沙茶配料都會有幾塊豆乾同埋一座細細嘅黃蘿蔔山每條都相對有厚度所以有爽脆嘅口感 味道酸酸甜甜幾解膩豆乾雖然深啡色索哂滷水汁嘅精華但唔會太鹹 都幾香

今日行行吓葵芳，咁啱到午餐好想填飽個肚。之後就去咗平時成日食貴妃雞卷嘅地方。因為肚餓關係所以我當然要選擇飯或者麵啦。首先講貴妃雞先，之前都食過㗎啦。我係會加辣粉嘅因為覺得夠嘢味，味道十分唔錯。 所以今日就揀咗貴妃雞卷拌麵，想試吓係咪便當都咁好味你可以選擇原味，芝麻，麻辣，同埋沙茶醬嘅味道。我就選擇咗沙茶醬。拌麵嘅配料有三件滷豆腐，醃製嘅蘿蔔絲，同主菜貴妃雞卷。佢哋嘅配菜都係好味嘅，只可惜拌麵嘅鹼水味太重，就算揀咗沙茶醬都掩蓋唔到拌麵本身嘅鹼水味。真係有啲可惜嘅希望店家可以去除啲麵嘅鹼水味，令到呢個便當更加好味啦。

人氣台式拌麵！每次經過葵廣，都見到唔少顧客排隊幫襯呢間舖頭。係呢個通脹急劇嘅城市，用三十幾蚊買到一大碗拌麵，其實都算係咁，今日試過佢嘅味道，都唔錯，難怪咁多年來都有捧場客。貴妃雞卷拌麵$38- 拌麵有七塊雞卷、三塊滷水豆腐，同埋醃黃蘿蔔絲，都幾足料。因為我同朋友都唔好重口味，所以味道揀咗原味就夠啦。貴妃雞卷外層雞皮香脆，入面有唔少肥膏，所以咬落去有油脂、肉汁爆出嚟，仲有好香嘅醃料味道，唔錯。麵質略嫌淋咗少少，不過整體性價比高。

嚟到葵涌廣場3樓，一出電梯就見到阿佳拌麵勁Sharp嘅綠色招牌😎 好耐冇食，所以嗌個外賣😙🤍貴妃雞卷拌麵 ($38)麵比平時食開嘅碎dd，而麵質偏淋，但唔會好極端👌🏻 醬汁方面嗌咗麻辣，如果平時食開5小辣嘅話，就唔洗驚佢辣😼 都好惹味下😋食食下麵覺得辣，食翻件好入味嘅豆乾，甜甜地😙 而啲黃蘿蔔絲食落爽口，仲可以Balance下個感覺最後不得不提個貴妃雞卷，買外賣個陣隔住口罩都聞到好香😍 食落啖啖肉！🐖朋友：要叮翻熱佢嚟食呀！但淨係叮個雞卷，唔好叮啲麵！(不過我都係太懶所以冇叮😎)