阿佳拌麵

Open Now

Now Closed

人氣台式拌麵！每次經過葵廣，都見到唔少顧客排隊幫襯呢間舖頭。係呢個通脹急劇嘅城市，用三十幾蚊買到一大碗拌麵，其實都算係咁，今日試過佢嘅味道，都唔錯，難怪咁多年來都有捧場客。貴妃雞卷拌麵$38- 拌麵有七塊雞卷、三塊滷水豆腐，同埋醃黃蘿蔔絲，都幾足料。因為我同朋友都唔好重口味，所以味道揀咗原味就夠啦。貴妃雞卷外層雞皮香脆，入面有唔少肥膏，所以咬落去有油脂、肉汁爆出嚟，仲有好香嘅醃料味道，唔錯。麵質略嫌淋咗少少，不過整體性價比高。