上海弄堂菜肉餛飩 (Closed)

其實我之前有經過這間店舖幾次，但都沒有進去過。這次就和男朋友嚐一嚐上海菜吧。我們點了兩個套餐: 1）春卷和糖醋魚塊配菜飯。春卷是即叫即整的，入口還是熱烘烘。春卷皮十分脆口，內餡有冬菇，娃娃菜和豬肉。糖醋魚塊，色彩繽紛，看著就胃口大開。魚塊炸粉薄身，很容易咬開，感覺像杏仁餅的鬆脆質感，酸甜入味。2）鎮江肴肉和蔥爆牛肉配菜飯。肴肉四四方方的，就像啫喱，可以看見豬肉的紋理。入口彈牙煙韌，肉味十足。蔥爆牛肉，醬汁濃郁，炒得夠火喉。牛肉呈深啡色，明顯吸收了醬汁的精華。但牛肉又不會韌，而且很惹味。至於菜飯是比較特別的，淡黃色的飯粒帶有點點光澤，入口有陣陣油香擴散。之後，我們再點了賽螃蟹。蛋白炒成一粒粒的，像是一片片花瓣組合成一朶白花。白花中央有一顆圓圓的蛋黃。灑上點點乾蔥，旁邊再以翠綠的西蘭花襯托，挺精緻的。蛋白中加入了魚肉，味道鮮美，質感滑溜。吃完之後，我們都覺得菜式入味，吃得很滿足，加上店員服務周到，值得下次再來光顧的。

今日又來到灣仔間會，開完會已經6點幾，咁啱有2個馬來西亞朋友嚟左香港玩，住係Cosmo Hotel，就約佢係附近食晚飯。看到附近這間叫上海弄堂菜肉餛飩既小店，地方整潔，配合大上海既古典裝潢佈置，古色古香，一於帶2位馬來西亞朋友入去試下。菜肉餛飩8隻 $48上海弄堂最出名就係即包菜肉餛飩，當然要一試。餛飩內饀飽滿實在，滿滿既小棠菜與肉香一入口，真的有一種很滿足既感覺。醉雞擔擔麵 $75醉雞與擔擔麵分開上。有時吃醉雞很怕醉過龍，令雞肉變苦；但這個醉雞酒味不太重，醉得入味，恰到好處，雞肉亦很滑。擔擔麵有多種質感，麵上有濃郁的醬汁，纏上汁醬的麵身很煙韌，口感獨特，微辣、鹹鮮、帶麻醬香，唔會太膩滯。賽螃蟹 $96馬來西亞朋友一直以為賽螃蟹是蟹肉料理，所以我又要拋下書包啦！菜名中雖然有螃蟹，但材料並冇蟹肉，「賽」的意思是「媲美」，就是可以媲美蟹肉的細膩鮮甜既意思。利用蛋白來炒出像螃蟹般既味道同口感，再打上一個生蛋黃，朋友試完話真係有蟹肉既感覺。回鍋肉炒年糕 $89回鍋肉味濃，唔油膩，帶有少少辣味，有多層次既味道和口感，配上煙韌年糕一齊炒，非常配合。

今日去左接家姐放工，咁就諗住喺附近食埋個晚飯。見到遠處有一間連招牌招紙都仲未拆嘅鋪頭，應該係啱啱開舖。原來係食上海菜嘅地方，見到入邊都好乾淨企理，就入咗去啦。入到去之後，見到好多掛係牆度六七十年代嘅畫像 ，仲有唔少黑白照嘅風景畫，好有懷舊老香港嘅感覺！原來上海弄堂係解品嚐上海菜嘅好地方，係唔講唔知，睇到個menu先知, 又學到野啦！枱上面仲有一啲調味料，一個係辣椒漿，一個就係上海嘅醋。首先叫咗杯凍豆漿，豆漿豆味好濃，而且一啲都唔甜，應該冇落到糖，可以品嚐到豆漿嘅原汁原味。跟住叫咗個賽螃蟹，佢問我地加唔加蛋黃係面頭, 我哋冇試過加蛋黃，就試吓啦。果然更加香滑，蛋味濃郁啲。而且西蘭花得好新鮮。跟住我哋仲叫咗個一人套餐，係排骨湯麵加春卷。上海春卷入面係包住左好多黃芽白同蔬菜，味道比較爽口。而排骨炸得好香脆，係有一啲油膩感都冇。估唔到佢個湯麵咁大碗，上海湯麵味道係比較清淡，麪質亦都係比較林啲！最後叫咗半隻雲吞雞，呢度叫得上海弄堂菜肉雲吞, 當然要試吓佢哋手本名菜：菜肉雲吞啦！佢哋好細心咁幫我地分左佢，而且仲將湯渣拿出來。呢個雲吞雞份量都幾多，差唔多每碗都有四至五隻雲吞。雲吞入面以菜為主，只有少