漁樂 (Closed)

趁休假去左長洲一日遊！長洲賓客s 食到滿載而歸～呢間小店賣點係即叫即炸本地海產，非常之新鮮，唔靠味精可以食得出海鮮鮮味! 店既裝修都好特別, 有日本海鮮市場既感覺, 不失清潔和舒服。店主好熱心為我地介紹佢地餐廳既主打美食, 聽到我地都好心動揀唔到食咩好。最後我地order 左份赤米蝦，好香脆好味～仲好入味! 店內有幾款啤酒可以揀，同埋店主自製既冷泡茶都好值得推介！！本身想試埋招牌魚仔湯，但我地遲左去，當日已經搶手到賣晒～唯有下次再去～又多個去長洲既理由！

長洲黃店都真係不少💛今次決定去呢間人氣小店店主真係好好客 前一晚經過想幫襯點知已經收左爐 但店主都即刻拎左個墨魚比我哋試吓 又黃又好一定幫襯第二日一於中午就去佢哋落完單會叫你名取食物 感覺好親切🥰今次叫左墨魚厚切，去骨鱭魚，日本炸蠔，赤米蝦，魚仔湯同冬瓜麥茶本身店內氣氛同環境已經好有態度坐得好舒服 好岩飲兩杯輕鬆下😌墨魚厚切 墨魚爽口彈牙去骨鱭魚 味道好鮮 但要小心食 始終有dd骨赤米蝦 要睇運氣有冇得食 呢個好好食 連殼食香口 味道回甘😋日本炸蠔 有5隻 比出面餐廳大 不過會覺得比其他菜式無咁吸引🤣魚仔湯 鮮味十足 好好味👍🏻冬瓜麥茶 微甜 非常特別😚店主非常之好客令整個用餐經歷加分💛以後入長洲一定要黎💛

我地嗌咗炸蠔同一年得幾造嘅赤米蝦 炸赤米蝦同炸蠔都好好食！赤米蝦嘅蝦味非常香濃。老闆將原隻蝦炸得金黃酥脆，可以連蝦殼都食埋，配酒一流！外皮香脆但內裏依然保留肉汁，而且一啲油膩感都冇。配埋沙律醬、酸瓜、生菜絲同些少生果，俾你開胃同refresh 下。 老闆話炸蠔選用廣島蠔。大隻得來肉質creamy。同樣炸蠔都係得一層薄薄嘅炸衣，外皮都非常脆口，而內裏蠔嘅生熟程度控制得啱啱好，唔會炸到乾爭爭，食嘅時候仲爆汁添。兩款炸物都非常之好食。同普通市面上見到嘅炸物與別不同，食完完全冇油膩感，可以見到老闆擺咗好多心機落去。老闆Ronald亦都好健談，會親自同客人介紹每項炸物同有咩啤酒適合。 老闆亦都非常之鍾意聽意見，希望為顧客提供最好嘅用餐體驗。一路食一路傾計，情同街坊，呢種人情味係香港絕無僅有。另外裝修風格獨特，懷舊同玩味融合得好好。