十和田總本店

Open Now

Now Closed

📌十和田總本店📍尖沙咀金馬倫道42號華懋金馬倫中心地下⏱輪侯時間 ~ 15mins💰人均 ~ $500 - 600話明人氣店，就係平日都要排隊。疫情下，不減香港人排隊熱情。平日晚上七點左右店外已有人龍。由於唔清楚係要拎飛定就咁排隊，入左去問。店員不耐煩咁叫我地出面排隊，人齊入座。未食已經感受到店員既怨氣。餐廳有限時用餐時間。入座後用手機SCAN QR CODE落單，方便快捷。自助落單可減輕了店員工作量，上菜速度快而準。整體食物質素幾好，食材新鮮。賣相可以打卡。價錢中等至偏高，絕對唔係廉價壽司貨色。當晚安排坐吧枱位置，旁邊為廚房上菜位，略嫌較窄。當晚叫左唔少壽司、拼盤、丼飯、熱食等。冷盤大部分都滿意，較為特出既係🔸招牌三色丼 $188，差唔多枱枱都有叫！造型可愛，圓碌碌。三隻杯分別裝滿左吞拿魚蓉、海膽、松葉蟹肉蟹膏。份量十足，快要滿瀉，非常澎湃！壽司拼盤上菜時，店員清楚介紹唔同壽司種類。好多都係一般壽司店未必會食到。例如🔸大吞拿魚腩壽司 $60/件、🔸生松葉蟹腳壽司 $38/件、🔸蟹膏壽司 $28/件 等，好多選擇。🔸蒸蛋$28唔算多材料，好普通，唔建議叫。明白店員工作比較繁忙，但的確服

同好朋友提早慶祝聖誕節，聖誕節唔一定食西餐，今次我哋食壽司，同事介紹尖沙咀金馬倫道十和田，尖沙咀地鐵站b出口行五分鐘就到，地點非常方便，星期一食飯時間餐廳已經一半滿坐，入到去服務員介紹落單係用高科技平板電腦落單，唔好出錯，又可以慳返人手，仲要有圖有真相添，叫左最喜歡嘅火炙三味壽司$78，有吞拿魚壽司、三文魚壽司及左口魚邊壽司，均有燒過嘅焦香魚油味，尤其是個左口魚邊，邊燒得少少香脆，好惹味，貪方便嘅我，選擇超特選壽司拼盤配蒸蛋及味噌湯，蛋滑身，好特別蒸蛋裏邊有白果$288，壽司拼盤樣樣有啲，唔使諗，推介海膽同三文魚子，馬糞海膽好新鮮又鮮甜，回味無窮，而且大粒魚子非常美味，還有新鮮蟹棒，非常軟綿綿及鮮甜蟹肉味，大粒魚子實在太好味，赤貝刺身三片$48，爽口鲜美，另一個叫左海鮮丼$198，份量幾大及非常足料，材料包括有馬糞海膽、大魚子、帆立貝、玉子、粉嫩吞拿魚蓉及大大隻既牡丹蝦等，滿足既一碗刺身丼，非常新鮮回味無窮點少得叫吉列生蠔$38，有四隻，炸🉐香脆，而且生蠔鮮甜多汁，侍應亦服務殷勤細心！

朋友仔敘舊，行開尖沙咀好想食壽司，又唔想食元x，朋友介紹去金馬倫道一間日式餐廳，十和田，呢間餐廳在新蒲崗都有分店，到咗七點食飯時間餐廳已經一半座滿，高科技用平板電腦落單，有圖有真相，非常方便，叫左超特選壽司拼盤配日式蒸蛋及味噌湯$288，壽司拼盤貪佢樣樣有啲，仲有超愛既海膽同大粒魚子，值得推介馬糞海膽好新鮮吾嗅，在口腔回味無窮，正，大粒魚子亦非常新鮮鮮味，不得不提新鮮蟹棒，非常鮮美，梗係要食埋火炙三味壽司$78，包括吞拿魚壽司、三文魚壽司及左口魚邊壽司，火炙壽司魚油在囗，還有燒過嘅焦香味，令一番風味，大粒魚子實在太好味，所以加趕一客三文魚子$28，赤貝刺身一隻$48，質感爽口鲜美，朋友肚餓，叫咗個海鮮丼$198，份量大，足料，有橙色馬糞海膽、大魚子、帆立貝、玉子、粉嫩吞拿魚茸、大隻牡丹蝦等，好似去咗日本嘅黑門市場咁，非常新鮮回味無窮，吉列生蠔$38，香脆可口，蠔鮮甜多汁，服務細心，而且地點方便，尖沙咀地鐵站b出口行五分鐘就到，聚腳點，今餐多到放唔晒

見到呢間餐廳咁多好評，吸引左我同朋友黎試，果然無介紹錯由於早到關係，好彩不用等位，食到一半出面已經有人龍等位先叫左幾款壽司朋友鍾意食三文魚...佢話好新鮮我就試活鮑魚壽司同帆立貝壽司帆立貝鮮甜，夠厚，真係會食唔停之後就係活鮑魚，好爽口鮮甜，口感好正跟住係差不多每枱都會order既三色丼唔止賣相呃like一流，味道同份量都係一流我最鍾意既海膽太正了，海膽份量多到呢另外兩個丼係吞拿魚蓉同蟹糕蟹肉唔夠喉，order 多個海膽蒸蛋估唔到又幾match...海膽鮮甜，蛋又夠滑我自己叫左赤貝刺身，都幾新鮮，不過如果份量可以多少少會好d最後叫左明太子雞翼，味道不錯，熱辣辣

座落於金馬倫道的十和田日本店是由擁有20 年日籍師傅坐鎮。今次約埋朋友去試試餐廳走大眾化路線，Ipad點餐，有點似板X壽司。季節限定菜式， 背後那位就是日藉師傅喇！有免費綠茶供應， 也可以自購日式冷飲品井飯必食三色井 $168由蟹肉， 海膽，吞拿魚組成蟹肉 , 有一點點蟹膏，肉質新鮮，爽口帶點黏性海膽， 問左待應 , 來自韓國的，味道甘甜，質感細膩。吞拿魚， 魚味濃，入口軟滑，份量也極多呀！海鮮井 $198食雜錦海鮮井就緊係想越多款越好啦！當然食材質素也很重要。十和田用上成本較高的海膽， 牡丹蝦，魚子，帶子，吞拿魚和玉子。赤貝刺身燈紅色，色澤亮麗，肉質爽甜環境清雅，舒適服務友善食材新鮮值得再來呀！

位於尖沙咀嘅十和田，店舖由日本師傅主理，店內地方寬敞，簡潔舒適，尖沙咀地區嚟講呢度價錢亦都好合理。赤貝刺身，色澤亮麗，肉質爽脆，鮮甜無比。活鮑魚刺身好新鮮，濕潤程度真係好似直接由海水裡取出似的，切成幼條狀口感更佳，一口咬落清甜鮮嫩，爽脆細緻。海鰻卷，海鰻經過微微炙燒，味道更覺香濃，再加點鰻魚汁甜甜的，香濃可口。卷裡包著夾著青瓜和蛋，令呢個卷物味道豐富。平成卷有金黃嘅海膽、吞拿魚蓉、三文魚子，食落先有海膽嘅鮮味、咬落有三文魚子嘅油份甘香，再有吞拿魚蓉嘅魚鮮味，味道有層次兼鮮甜甘香。蟹膏細卷除有蟹膏外亦都夾點蟹肉絲，蟹膏味道鮮甜濃郁。三色丼，有蟹膏、海膽、吞拿魚蓉嘅丼，各具特色，唔好睇佢好似細細杯，裡面份量十足，就好似呢杯蟹膏丼，面頭嘅蟹膏已經多到滿瀉咁濟，裡面仲有好多蟹肉絲，甘香滿溢兼啖啖肉，好好食呀。海膽丼亦都滿滿的金黃豐腴，潤澤又幼滑嘅口感，甘香鮮甜。推得高高的吞拿魚蓉加了點芝麻、香蔥香味更豐富，味道亦都好鮮味，魚蓉多過飯，好滿足。鹽燒油甘魚頭燒得香脆，魚頭有魚油嘅甘香加了點鹽燒，少少鹹多多脆，魚鰓位亦燒得香脆可口，面珠位肉嫩兼油份充足，識食嘅梗係要食魚頭啦。明太子雞翼係一個好好嘅美

十和田絕對係我呢期食過最好食既壽司店, 店內走簡單和風格局路線, 以尖沙咀寸金尺土來說, 店內空間感算是少見的大, 坐得好舒服, 手袋仲可以放係凳下既籃入面, 唔會逼住自己坐, 窩心~~點餐用 iPad的, 餐員會教未黎食過既食客點樣使用, 務求達到最方便同高速落order, 讚~~平成卷                 HK$128海鰻卷                  HK$88兩款卷物同上, 感覺好大堆頭呀!! 平成卷用上海膽, 吞拿魚蓉, 青瓜同蟹籽所製作成的, 口感豐富而且有層次, 非常滋味, 有說不出既滿足!! 而海鰻卷就用上海鰻, 青瓜同玉子所製作成的, 海鰻好幼滑及惹味, 令人回味~三色丼             HK$168呢三碗飯真的不能睇少, 眼睇細細碗, 其實食落都幾飽肚, 而且賣相都幾吸精, 各有各好味, 難怪能夠成為招牌菜~~呢碗係吞拿魚丼, 吞拿魚蓉好滑同鮮嫩而且帶魚油香, 入口即溶, 正~~另一碗係海膽丼, 呢碗絕對係海膽控既我既致愛, 海膽味好濃同幼滑又夠鮮甜, 只嫌海膽份量不夠多, 哈哈~~最後一碗係鮮蟹膏丼, 一入口個下濃郁既蟹膏味, 絕對會令你