越男仔

Open Now

Now Closed

河畔呢個地方雖然唔近沙田市中心，但都幾多好嘢食😋今次就嚟咗呢間越男仔，之前都試過叫外賣返屋企食，有信心保證😚餐廳座位都非常闊落，大餐牌寫滿好多不同類型嘅越南菜，花多眼亂好難揀呀～我哋叫咗個蝦餅拼豬頸肉撈檬 ($88)😌我本身好鍾意食撈檬，呢個酸汁好夠味，檬粉亦唔會太淋，仲有青瓜絲同蘿蔔絲增加返口感😚蝦餅好有驚喜，好彈牙～豬頸肉都好香，肥瘦均稱👍🏻另外叫咗個越南蒜香牛油雞翼 ($65)😗雞翼好香脆，都算幾大隻呀～牛油味都幾出，上面撻蒜蓉陣味更出，屬重口味之選🤣見到越南咖喱滑雞煲 ($108)好似好吸引🤣仲加咗個大脆包 ($28)～本身以為會裝落個包度，原來係另上，因為個煲有個火熱住啲咖喱🤣咖喱椰汁味非常香濃，唔辣嘅～啲雞冇骨，都幾嫩滑😆我最欣賞個包，外脆內軟，點埋咖喱食真係一流😋飲品方面第二杯有半價～叫咗椰子沙冰 ($40)，椰味重而唔會過甜，夏天飲好正☺️另一杯雙檸香茅薑蜜 (半價後$19)比較清新，濃濃薑味好醒神😚食物質素真係唔錯，而且價錢都相宜，服務態度殷勤，唔錯👍🏻

今晚約左個住沙田嘅朋友食晚飯，由佢帶路嚟到”越男仔”。門口見到寫住”十三週年”慶祝活動，可見佢喺河畔花園附近眾多食店中都有一定歷史。店外已見到兩個大餐牌，部分小食仲有優惠大激賞外賣自取除咗有9折外，滿$90 可以加$1就有一份例牌海南雞，真係好抵。餐廳內佈置有趣，貼左好多溫馨提示，真係幾有趣。1. 越南蒜香牛油雞翼(5件)($65)，首先職員好細心，上左雞翼後立即送上骨碟，值得一讚。雞翼炸得外皮香脆，充滿牛油同蒜香，內裡雞肉好熱辣辣，好好味嘅一道前菜2. 手撕雞椰汁酸湯檬粉($82)，碗粉上枱時真係嚇咗一跳，真係好大碗，份量十分足料。最出色係個湯底，由越南酸配上椰汁，少少酸，食落十分醒胃，好適合夏天食用，酸湯底係重點推介另外，手撕雞份量十分多，配上黑椒調味，確係出色上粉後，職員好主動遞上調味架供客人隨心使用，又一細心表現。3. 串燒拼盤($142)，內容豐富，牛肉、豬頸肉、雞肉各兩串，菠蘿一大塊。菠蘿新鮮好甜，豬頸肉肥瘦適中，再配上有花生香味嘅沙嗲醬汁，又一驚喜之作整體而言，職員服務態度良好，食物水準之上，值得一試再試。

法式芝心蝦多士 $68蝦膠打得好彈牙，而且份量亦都唔少，絕對稱得上係一件厚切蝦多士，內層芝士做到流心效果，而外層嘅麵包亦都炸得好薄脆，加上香口嘅芝麻，的確係一款好唔錯嘅小食。越南蒜香牛油雞翼 $59一碟有5隻，兩個人share足夠有多。雞翼嘅size 平均，而且好夠肉，雞皮炸得香脆，牛油都好突出，而且蒜蓉落得都幾多，啱晒鍾意食蒜蓉嘅我。金菠蘿海鮮炒飯 $88呢個炒飯我地一致覺得可以encore，菠蘿夠多汁又甜，裡面海鮮嘅款式喺一個炒飯嚟講亦都相當齊全 (當中我覺得最好味係隻蝦），而且係每一啖都一定會食到海鮮。另外覺得幾特別嘅係呢個炒飯用左紅米，食落肚會不自覺地覺得多左一份營養。