西貢街頭越南牛肉粉

Open Now

Now Closed

放學之後， 突然間又想試下食越南嘢 ，咁岩附近有越南餐廳， 餐牌內選擇好多有特色嘢亦都有一些新野， 餐廳環境舒服， 座位很闊落， 適合大家聚餐 ，我和朋友嗌咗一個菠蘿海鮮炒飯，豬頸肉， 春捲 ，當中海鮮炒飯比較足了適合三個人以上進食 ，春捲不過不失，正常香脆可口 ，無油膩的感覺，而最特別的是雞蛋咖啡，與街外或連鎖咖啡店的口感非常不同，可以一試。

筆者一向對越南菜有著一定的情意結，自從到訪越南試過當地美食之後更是常常念掛著那種簡單中見濃郁的風味！最近在屋企附近新開了一間越南餐廳，因利成便，筆者當然抽時間去回味一下。餐廳位於灣仔克街裏邊，門面以藍白色為主調，簡約光亮，在小小橫街內甚是搶眼。店內裝潢同樣以藍色襯上木枱，配上各式地道陳設如越南草帽燈罩，時尚中見特式，空間感強，坐得舒適。餐牌內選擇頗多，由越南地道小食、牛肉湯河到各式主菜、特色飲料均有供應，圖文並茂，看得人食指大動，點完一款又一款。鮮蝦扎肉米紙卷，透薄軟糯的米紙內包著鮮蝦、扎肉、生菜和香草，入口清爽帶鮮，香草味徐徐滲出，蘸上越式魚露同吃，添上酸香倍感醒胃。西貢脆春卷，越式春卷是筆者每次必點的菜式之一，薄薄的米紙皮包上香草肉餡炸至金黃色，鬆脆肉香，包上生菜和金不換，點上越式魚露，減輕油膩多上清爽，更顯風味。香脆炸蝦餅，蝦餅大大塊新鮮即炸，外脆內嫩，沒有預期中的爽彈結實但卻多上了一份Q軟清爽，口感有別於傳統的蝦餅，而且蝦香亦算濃郁，沾上伴碟的泰式雞醬，甜酸帶辣，減輕了熱氣感同時亦增添刺激，香口惹味。蒜茸牛油雞翼，另一道筆者必點的菜式，一端上來已傳來陣陣牛油香，賣相頗為對辦，咬

今日經過灣仔，見到呢間新開既餐廳，就諗都冇諗入左去試試佢。我叫左一碗綜合牛肉粉同埋一杯越南雞蛋咖啡。綜合牛肉粉份量好大，湯底非常之香濃，未食已經聞到陣陣嘅香氣。牛肉粉既配料有洋蔥、香蔥、炸蒜頭等，增加左湯粉嘅口感。河粉食落十分之滑，每條都唔會太厚身，十分高質。餸方面生牛肉肥瘦分明，有肉味，亦都有口感。牛丸咬落彈牙。牛腩片則好香好正。飲品方面，越南雞蛋咖啡非常之有特色。餐廳用左蠟燭黎幫咖啡保温，杯既設計非常之精緻。咖啡面頭嘅奶泡混入咗雞蛋，飲落有雞蛋布甸嘅味道，然後就係咖啡既甘香。此咖啡整得十分有心思，味道有層次，而且非常特別，強烈建議大家可以一試！