Le Viet (Closed)

良朋好友在呢D時間，真係要聚聚傾下計。為左方便各路人馬，旺角都係大家最愛的地點，所以找個平平地又好坐又好食的地方，我地就來左LE VIET, 見佢餐牌都幾多野食，而且價錢又非常OK，所以就入去食。晚上都唔駛等位，直入去在邊位坐。見到前面既食客桌上叫左越式咖哩軟殼蟹配法包，見好像幾正咁，我地又點左一個。好好味而且KEEP住有個火，咖哩汁好香而且軟殼蟹都脆卜卜，法包都係外脆內軟，正呀~!!另外, 咖哩當然要配印度薄餅，$25一片，真係好好味，而且好重牛油味，口感質地都非常之好，非常配合咖哩汁。呢個超載椰青焗飯，真正好大個，而且都有好多海鮮，D飯有好濃的椰汁味，所以會比較STICKY，好夠飽肚。男仔一定會夠飽。

好喜歡別越南野，在旺角呢個地點其實好方便，一出MTR就到的銀行中心，好就腳而且坐位可以睇到旺角街景，所以我都好喜歡來呢到。今次又同朋友再來了，不過最近呢頭真係靜左好多，我地星期二晚來到，只有2-4木台有人，見到都有D唔係幾開心。不過，呢到既食物質素都有KEEP到，好似我最LIKE既海南雞，好滑而且都好大件，肉質滑而且個汁好好味。另外今次試左個越式咖哩軟殼蟹配法包，個汁好香咖哩味，而且有D配料，軟殼蟹係另上的，所以可按自己口味點汁，至正係有薯仔，呢個真係咖哩的絕配，太好味了。D菜有椰菜苗，炸得好食，而且都好新鮮。

旺角應該係全世界餐廳密度最高嘅地方之一。中餐、西餐、日本菜、韓國菜、快餐…應有盡有。但評價咁一面倒的就無幾多間。Let’s check it out!牛油雞翼雞翼脆卜卜，那陣誘人的牛油蒜味撲鼻而來，雖然邪惡，但還是忍不住一隻一隻放入口。香茅燒烏頭魚肉在魚皮保護下保留了肉汁，肉嫰多汁又鮮甜，是一道能叫不吃魚的人也愛上的料理。配合泰式酸辣汁，掂 !越式咖哩 軟殼蟹配法包全身佈滿肥美油膏，入口鬆軟。炸得非常香口唔油膩，配合越式咖哩同食無得輸 !香茅燒牛仔骨有用大火將牛仔骨煎封，把肉汁鎖住，保持肉質鮮嫩。芒果糯米飯芒果夠熟，非常香甜。糯米飯烹煮時間適中，軟硬度及黏度剛剛好。三色冰 & 鹹檸梳打Refreshing ! 

琴晚諗住出旺角行街街，點知一出地鐵站勁大雨，拿拿臨走去揀離商場避雨，行行下個商場見到之前係尖沙咀食過既呢間餐廳，反正場雨應該有排落咁就醫下個肚先門口有花圈應該剛剛開張，環境絕對乾淨企理，不過啲侍應有少少手忙腳亂，斟水個時倒濕左我條裙，還好落雨早就已經整濕左我條裙，不過佢都立刻 say sorry 同處理番就無野啦睇完個menu 就揀左蝦餅，蒜蓉炒西蘭花，香茅豬頸肉炒金邊粉，越式咖哩軟殼蟹鍋配法包同椰汁紅豆冰先來個蝦餅，記得上次食個個拼盤都已經覺得好好味，所以今次encore 左佢，唔同店舖食但味道一樣咁好味，脹卜卜又夠香口果然冇叫錯跟住再來個蒜蓉炒西蘭花，菜點都要叫一碟既，一上就聞到好香蒜蓉味，西蘭花煮得夠軟身唔會硬框框，加埋辣椒有少少辣味夠曬惹味香茅豬頸肉炒金邊粉開頭上來見到佢白雪雪咁以為會冇咩味，點知原來都幾濃味，金邊粉炒得夠爽口，豬頸肉分量亦都夠多唔會得一兩舊越式咖哩軟殼蟹鍋配法包絕對係今晚既highlight, 首先個法包送上來個時係熱辣辣既，而且聞到好香麥味，軟殼蟹分開上到食先點咖哩就唔會淋曬，個咖哩香濃到想叫多個白飯來送添椰汁紅豆冰椰汁味重，紅豆夠淋身唔會硬