Fûhn (The L. Square) (Closed)

今次同事介紹呢間銅記越南野，佢話好味到連佢呀媽平時專程由將軍澳黎食，可想而知號召力幾大！今次咁岩做野經過銅記，一於試下佢！話說落左單之後去完個廁所，基本上所有野食已經上哂，快到你唔信，真係「光速上菜」今次我中試左生牛肉牛坑腩金邊粉，好大碗！個湯好清甜，好香既牛骨味，而d生牛肉片好重牛味，而且勁鮮嫩！而牛坑腩切到一片片，大小剛好，勁易入口，而且煮到軟淋淋，好易咬開，非常正！呢度仲提供好多配菜同醬汁，任君選擇！而越式牛油雞翼炸到外皮好香脆，不過肉質就一般，雪藏味好重，但整體都係好食既！

同好姊妹難得出來CWB，shopping完梗係要揾好野食啦～想食清清地，食越南野就最岩啦！一入到餐廳，望到個餐廳有得揀唔同size嘅湯碗，覺得好新奇。佢由Regular、Large、XL到XXL，當我見到隔離枱碗面大過我同姊妹塊面加埋，我地係驚訝左！為左要實際感受一下個大細，我地揀左個Large生牛肉牛坑腩片湯河。個份量係非常夠2個人食😋仲配埋大量芽菜、辣椒🌶️仔、香草-薄荷葉、紫蘇葉、鵝蒂、九層塔。成個陣營好勁～頭啖湯入口已覺得幾清甜，牛肉嫩滑，牛坑腩片非常有咬口，正！柚子鮮蝦沙律🥗份量完全係超大之餘，蝦同柚子係足料！特別要推薦佢個沙律醬，類似千島醬底，但加左辣，配埋沙律就可以提升蝦&柚嘅鮮同甜！太耐冇食過牛油雞翼啦～試下先👅幾香口&脆卜卜，牛油唔會放得太多，不算油膩。搭埋D酸蘿白、青瓜，中和番哂D熱氣～黎多個炸椒鹽軟殼蟹米紙卷～軟殼蟹係即炸即包，入口脆得黎有點蟹香味。其實2個人食到咁多野，真係好勁呀！大滿足😋雖然餐廳係市區，但美食加上寬闊舒適嘅環境，感覺好似鬧市中嘅一道清泉。

今日同好姊妹黎到銅鑼灣食越南美食。這間位於L square 1/F, 好方便易搵的越南餐廳。好多客人好受歡迎的哦，連平日都位滿了客人，就知道食物一定好吸引美味！一出電梯好光亮，而坐位有梳化、也有木椅，都幾多張枱；開放式的水吧！我們叫了這裡出名的越式特色牛湯河及特色雞絲湯河、小食：越式牛油雞翼1. 特色牛湯河我們叫了L size, 一上枱，好大碗呀！好足料又豐富！首先飲口湯，好香濃的牛味哦，好適合牛魔王！河粉好滑又有口感，好吸湯汁，不易碎又彈牙，超級好食；湯汁好濃好香牛肉味，好野味；牛有牛柏葉、手打牛丸、生牛肉、牛坑腩、牛腩、牛筋片；好好食的牛肉，好新鮮又爽口，牛肉真材實料，牛味濃郁又嫩滑，份量仲好多，最適合牛魔王了（喜歡牛的客人）2. 特色雞絲湯河我朋友是雞痴，這個雞絲湯河真係佢最愛，河粉份量多又滑哦；材料好足：手撕雞、手打雞肉丸及鵪鶉蛋，手撕雞好香口感好好，好有雞味；雞肉丸好特別，爽口美味；鵪鶉蛋細細粒，好香蛋味、蛋黃好香！小食：越式牛油雞翼好香脆，內裡好juicy,好軟腍熱騰騰的炸雞翼，牛油味好重好香，好夾的質感，上面還有脆脆蛋黃碎！