鳴越 Pho

Open Now

Now Closed

今日同朋友去開中環做嘢做晏左，攪到下午兩點先食嘢，見好耐無食越南嘢，就走去試下「鳴越」越式料理喺門外已見到個牛市餐牌都好多選擇，外賣自取仲有7折，真係好抵食由於仲係二人限聚令，店內已用膠板分隔開，好好保持社交距離，外出食飯都可以共同自律抗疫💪🏻兩點多少少入座無乜人，到兩點半左右，全店已滿坐，好旺場下午2:00至5:55有下午茶，仲有13款咁多可以選擇1. 越南生牛河($45)，牛肉份量多，湯底濃郁，湯夠熱，生牛肉浸一陣已有6至7成熟2. 大叻豬扒湯金邊粉($48)，香茅豬扒即炸，夠熱同香口，豬扒大塊而豬質夠腍，咬落每一口都有香茅味而金邊粉湯底較牛河湯底為清，將濃味的豬扒浸一浸在湯內才食，令湯添加上豬扒油香，十分美味3. 越式春卷(3件)($19)，要等一陣才上枱，因為即叫即炸生菜好新鮮，包住香卷食確一流下午茶仲包熱飲，抵整體來講，鳴越位於中環黃金地段，而定價夠大眾化，外賣自取仲更加抵。加上食物有水準，而職員亦好快手咁落單同上菜，值得一試再試

去上環拎咗朋友代訂嘅大閘蟹，佢順道帶我去試下佢口中所講嘅上環平民美食，居然係我最愛嘅越南Pho！目的地喺上環地鐵站附近，我哋行咗大概兩三分鐘就到，非常方便，聽聞好多OL都鍾意幫襯。餐廳位於地庫，門口掃上深綠色嘅牆油，加上大量越南掛畫，好有格調。食物選擇超級多，有大量越式小菜🤩價錢非常相宜，可惜我趕住拎啲大閘蟹返去，只好食個快餐。我嗌咗越式生牛河，湯底清澈唔混濁，牛味香濃而且冇乜油，最欣賞嘅係佢嘅香料味都幾重，令成個湯底層次豐富😋牛肉肥瘦均勻，切得夠薄又唔會好碎，口感軟稔而且肉味頗濃👍🏻唯一缺點係啲河粉有少少粗幼不一，影響口感，不過總體都已經非常唔錯。飲品我揀咗鮮椰青，非常新鮮🤩我諗係我喺香港餐廳飲過最新鮮嘅椰青！椰青水非常鮮甜，而且雪得好夠凍，十級解渴消暑👍🏻連椰青肉都非常新鮮，夠哂熟，好容易刮，口感軟滑而且味道清甜，感覺好滋潤😛朋友嗌嘅香茅雞翼湯檬亦唔錯👍🏻雞翼外皮香脆，內裏肉嫩多汁，香茅嘅味道亦頗重😋可惜尺寸就偏細少少，如果大隻啲就更完美！湯檬嘅湯底就冇我嘅生牛肉河咁香濃，不過加上鮮香嘅「碌冧」，即刻加哂分😉估唔到上環都能夠搵到咁抵食而且高質素嘅越南嘢，下次有機會一定要試下佢嘅小菜

很少到中環吃飯，這日全港散步後金鐘特別多人，所以走遠一點到中環解決晚餐，最終找到一間越南食店一試。跟餐的菜蜜十分濃郁，味道不錯。另外飯麵以優惠價錢可加配小食，比單點實惠得多。越式春卷（$25/4件）Spring Roll春卷炸得非常香脆，中間有木耳、粉絲、蘿蔔絲🥕，黑椒味濃郁，以上爽脆的生菜包着，很好吃。越式生牛河（$60）Viet. Raw Beef Pho跟餐配兩杯菊蜜越南生牛河加上青檸後很香，牛肉沒有煮到全熟，靠湯的熱力慢慢浸熟，牛肉份量很多，牛味重，可惜未夠幼滑。湯底雖然未算濃郁，但吃到突出的九層塔香葉味 🌿，河粉幼滑，可以分到兩碗，份量不少，加上有爽口芽菜點綴，整體上這碗生牛河也算不錯。

上環區一向是商業區既中心，除左高樓大廈寫字樓外，特色餐廳既選擇亦唔少。是日晚上於永安對出大街與友人相見，本想吃個快餐飽肚了事，但卻見到大街地鋪下有一間地下越式餐廳- 鳴越越式料理😊😊，門外掛滿越式火鍋、串燒既圖片，令我涶涎欲滴🤪🤪，最終與友人走去餐廳看個究竟😲先介紹店內佈置，透過歐陸式畫作佈置，讓整間餐廳感覺西式化👨🏼‍🦱👩🏼‍🦱而食物方面則選擇左幾款越式風味既海鮮及生牛肉河，讓我逐一介紹🤤🤤1. 越式生牛肉河牛肉以全生形式放於湯河上，賣相非常吸引。湯底加入了金不換及青檸汁，友人將生牛肉放於湯底內混合，湯底頓時充滿著牛肉鮮甜味🤪🤪2. 軟殼蟹米紙卷有別於其他壽司店既軟款殼卷，鳴越軟殼蟹卷較大隻，卷內包了多層特色配料，而且層次分明😍😍3. 串燒大頭蝦🥰🥰🥰越式大頭蝦一般在越式餐廳較少有，然而鳴越卻讓客人滿有驚喜😍😍一客共有3隻，尺寸足足有我手掌大。大頭蝦經高溫燒後蝦殼燻黑，揭開蝦頭，可見到超多蝦膏，蝦肉爽甜彈牙，膏香熱辣辣，讓人好想再叫多客😎😎整體鳴越越式料理水準高，下次可試試越式火鍋😍😍

每天中午時段經過這家越南餐廳，總是想光顧一下。不過，每一次總是大排長龍。今天晚上剛好上班得比較晚，就來這裡吃個晚餐吧。越式生牛肉河湯底還算不錯，牛肉份量頗多，也算嫩滑。原隻軟殻蟹撈檬蔬菜新鮮，配上炸得香脆的軟殻蟹，作為晚餐，非常幸福。越式炸春捲內涵配搭豐富，味道不錯。最出色的安南蝦餅，炸的脆脆的還有陣陣海鮮咸香味。最後再配以配餐的椰汁三色冰和越南滴漏咖啡，二百多元的二人晚餐，原來已經可以這麼豐富了。

今日同爸爸兩父女撐枱腳，兩個人各自點左個一人套餐，再加左兩個小食。先黎既係越式生牛河。碗麵都幾大碗，河粉好爽，軟硬適中，口感唔錯。生牛好鮮紅唔肥，好新鮮。湯底夠熱，肥肉輕輕一灼就熟透，肉質夠淋。湯底都好好味👍🏻。金邊粉煙韌彈口，完全吸收哂醬汁精華。海鮮夠足料，大大隻青口同蝦肉配料😃。之後以套餐價追加左個越式煎扎肉。扎肉外皮煎到金黃色，$24既價錢但份量都幾多。扎肉質感好彈牙似魚蛋既口感。有淡淡清香香草味，岩哂我口味。串燒大蝦頭$45有3串，隻隻蝦都好大隻。不過最正係隻蝦超多膏。配埋個越色醬，辣辣地幾惹味。有汔既水加青檸幾得意。跟餐都只係加$10可以一試。

難得阿妹今日唔洗湊小朋友,所以收工可以齊齊去中環食番餐靚飯,佢又鍾意食越南嘢,結果就俾我搵到呢間喺中環區嚟講價錢算十分之平嘅<鳴越越式料理>試一試。上到嚟見到有梳化櫈坐,正呀我最鍾意,舒服又濶落。睇完餐牌覺得啲套餐真係好抵嗌,所以就一人叫咗一份,再加個小食一齊share喇。越式生牛肉河粉($60蚊)阿妹話呢碗生牛肉河粉真心唔錯,價錢又抵,又足料,湯底出奇地好味,啱哂佢口味,加埋魚露就仲正咁話。另外一塊塊生牛肉就算俾湯浸過咗之後肉質都冇變鞋香茅豬扒撈檬($66蚊)呢碗撈檬大份到連我咁大食都食唔哂,豬扒炸完夠鬆軟,仲有好多青瓜絲伴菜,充滿越式風味。越式椒鹽軟殼蟹($72蚊),呢款小食阿妹揀得唔錯,軟殼蟹即叫即炸寧舍香口,份量又足,就算有啲熱氣都令人難以抗拒每份一人套餐都會包一杯港式熱飲,我就飲熱檸茶阿妹就叫咗杯熱菊蜜,大家齊齊有個飽飽嘅晚上。