小越南 (Closed)

夜晚食小越南，晚巿套餐有主菜+小食+飲品選擇困難最後揀左豬軟骨粉絲+越式蒸粉包+熱奶茶豬軟骨粉絲湯底味道比較濃+油膩，雖然豬軟骨腍軟，每件都保證有軟骨同肉，但用紅白蘿蔔炆煮，要努力挑走紅蘿蔔。餐牌上豬軟骨旁邊有辣椒圖案，但唔辣，所以要問職員加辣。越式蒸粉包同腸粉差唔多，但要摺疊成四方形，皮厚唔滑，食落一般般無驚喜，食慣中式腸粉嘅人未必會鐘意。全餐不過不失，食完有種空落感。

之前已經同朋友黎食過一兩次，由於真係太好味，所以決定帶男朋友黎食。因為係街坊小店，所以店唔算好滿座，但食物既質素已經遠超於人流。兩個人叫左個「二人晚餐」($194)，佢可以比你自己揀兩個湯河/飯/撈檬，再加兩個小食。我叫左生牛肉湯河，而男朋友叫左香茅牛肉撈檬，唔好見到生牛肉就驚驚，因為只要你輕輕浸入熱既湯河，混合埋越式香料食，正！佢既湯底清甜，加上白蘿蔔同越式香料、香草，你係會食到停唔到口。而生牛肉既份量適中，送到黎自己先浸入湯底一齊食，咁牛肉就唔會熟過頭變老，嫩口美味。而香茅牛肉撈檬方面，香茅牛肉香口惹味，唔會太硬難咬，撈檬粉汁可以自己按個人喜好加減份量，撈檬粉汁酸酸甜甜，好開胃，好適合香港又濕又熱既天氣食！小越南既重頭戲一定係秘製牛油雞翼真係太好味，次次黎到都一定要叫，係好味都會突然忘記左要減肥。秘製牛油雞翼真係要趁熱食，佢每一隻雞翼都有勁香濃既牛油味，外皮脆，雞肉就嫩滑，真係食到停唔到口！外皮有淡淡既蒜蓉香味，唔會過份濃烈，人人都接受到，令到牛油雞翼更加惹味。香、脆、滑！正！另外一款二人晚餐既小食我地揀左越式蒸粉包，感覺好似冇第一次食咁好味，佢既皮有d乾，但都幾滑，似茶樓既腸粉包

首先多謝餐廳及 PR 小姐邀請！  讓我與兩位食友一起到位於美孚新村的 <小越南> 品嚐豐富越式午餐！ 真是不講不知，原來美孚新村共有 99 座！嘩！  要在這大型屋苑尋找一間餐廳並不容易！幸好！由食友帶路！我們順利找到！ 由於我們去到正值是週末的午飯時段，座無虛席！我們也要店經理安排座位，等上好一會兒！我們坐下來隨即看看餐牌，大家各自有心水選擇！  當中包括特色小食！ 大家也口渴了！先送上飲品，認真貼心！ 我要了 珍多冰 $21珍多冰的青色粉條質感好像大菜糕，不是預期的煙韌口感！香甜的椰漿也較稀汪汪！   越式蝦柚子沙律 $68柚子用上沙田柚，紅肉柚子酸而不澀又多汁！蝦肉爽口！青瓜絲及蘿蔔絲夠清爽！令人開胃！ 越式蒸粉包 $37蒸粉包上有炸香的蒜片及炒香的蔥粒，蘸上魚露，口味即時生色不少！ 粉皮薄而柔軟！包得飽滿！  內裡的餡料包括：豬肉、蝦米、沙葛粒、紅蘿蔔、木耳...等，把鮮味與爽口清新混為一體！令人滿足！ 食越南菜必備！如果，倒上酸辣的碌冧，更添風味！  牛柳粒紅飯 $64牛柳粒以黑椒及洋蔥一起炒，香口惹味！肉質容易入口！至於紅飯茄汁炒飯