廿一由八 (Closed)

西蘭花煎餅主打低卡路里， 適合減肥人士，但一啲都唔覺得委屈咗自己個胃，因為好似加左啲面粉定芝士同西蘭花一齊煎，所以口感有啲似米飯，好神奇，份量都飽肚。手撕豬肉漢堡包啲肉好入味， 個包唔係鬆軟嗰種，有點似脆豬包， 粟米配左芝士同鹽，鹹鹹地幾特別。跟餐沙律新鮮，配黑醋又系好健康。吉士香梨蛋糕唔會太甜， 配伴碟個醬酸酸地，幾清新。 店員專登焗返熱畀你， 外脆內軟暖笠笠好正。剛好遇上週末限定嘅麻糬提拉米蘇當然要試下， 咖啡朱古力味道好濃，口感滑到好似食緊yogurt，但間唔中又食到煙韌既麻糬，超正。不得不提餐廳個環境真係好岩文青打卡，店內仲有手工木家私同其他野賣，又食又睇，可以玩半日，但位置較偏僻，坐位都少，小心黎到無位。

之前知道呢間店舖係一半木製傢俬舖一半café就好想試，但佢平時淨開12:00到18:30，所以特登係週末過黎同朋友一齊食下。靠近門口嘅係木製傢俬舖，偶然仲會搞木工workshop，而靠窗果邊就係café。睇完Menu之後，我點左鮮蝦西蘭花扁意粉配西柚汁，而朋友就點左青醬炒蛋白長通粉沙律加雞扒。跟餐都會送沙律，我果份正正常常，唔知點解朋友果份難食D。鮮蝦西蘭花扁意粉配西柚汁（$128，配沙律同咖啡）淨睇名都知非常清新，味道少少微酸，令我諗起泰式沙律，個人覺得凍食都幾適合夏天。蝦算爽口，裡面有少少花、西柚果肉同杏仁片，口感非常豐富。朋友叫嘅青醬炒蛋白長通粉沙律（$95 + $15雞扒，配沙律同檸茶），試左少少，意外地惹味好食，加嘅雞扒份量超乎預期。

朋友之前食過，今次帶我嚟食，驚冇位所以12點就即刻打去book位，不過去到發現都唔算多人一出lift就見到廿一由八入到去就見到好多木嘅傢私，感覺好舒服Menu好簡單，冇乜選擇我揀咗紙包挪威三文魚配香檸薑黃米型麵，餐有沙律沙律正常，都幾fresh而三文魚比我想像中好食，唔乾唔鞋第一次食呢種米型麵，好似食緊飯咁，冇乜特別，朋友就覺得酸咗啲另外仲叫咗挪威煙三文魚藜麥蕃薯餅配牛油果醬，呢個配搭幾好食，同埋感覺好健康飲品揀咗flat white同hojicha latte朋友話呢到啲咖啡好飲，不過我係麻麻地咖啡，所以揀咗焙茶latte,出面都好似比較少見，多數都係抹茶latte飲落都好味，不過我覺得可以再苦少少呢到環境好舒服，好靜，好啱坐喺到hea下，不過可惜我要趕住返工，下次有機會再嚟relax(同埋價錢都偏貴，我個沙律+麵+latte已經$170）