蒙麵

Open Now

Now Closed

有次同朋友去黃埔睇戲，就醒起順便可以食呢間長期都要排隊嘅車仔麵，去到舖頭出面雖然排咗1個鐘，但係又點會難到為食小女子今次叫咗兩個三餸車仔麵金錢牛肚$17豬紅$12蘿蔔$12油麵$13(加香辣菜甫，牛腩汁)牛肚每舊係幼幼哋，而且係煮到好軟，所以一d都唔會韌，豬紅口感爽滑，蘿蔔充滿水份，又唔會有渣，好清甜，油麵都有口感，軟硬適中南乳豬手$16五香牛根$17辣味魷魚$17幼麵$13(加香辣菜甫，牛腩汁)南乳豬手幾大舊，而且好淋，好易咬開，五香牛根每舊都好淋好入味，完全唔洗擔心會太硬，每條大小適中，份量都唔少，辣味魷魚就係分開上嘅，但係佢個辣味真係幾辣不過魷魚都幾爽口，如果食得辣係會幾正，幼麵有咬口，正常發揮，佢個湯有蔥同牛腩汁，所以都好香好濃味凍檸茶(加$9)招牌蜜汁叉燒串$34呢個都係嚟呢到食車仔麵嘅重要原因佢係即叫即整，所以熱辣辣，而且保留到肉汁之餘外面仲有少少焦香，加上蜜糖真係好正，平時都無特別鐘意食叉燒嘅小女子都覺得好好味總括而言，呢間車仔麵幾高質，足料而且每款食材質素都幾好，又有叉燒呢個高質小食所以都好值得一試，不過真係長期都要排隊，要試就要預d時間排隊啦

蒙麵位於紅磡，呢間餐廳大家應該都聽過。 出名於老闆講野好鬼串，牆上有好多好串吸句子e.g.「要座得舒適，食得招積，請去大型連鎖店，咪去攪X小店。」食餐飯都搞笑過人🤣。 有日經過呢度但餐廳就冇開到，門口仲寫著「是日休息，調頸都要休息吓。」仲有好多字句例如：「座位有限，梁振英黎都要排隊」「唔選擇次貨，只賣靚貨，貪平嘅唔好黎」。 同時亦都反映小店經營困難，需要大家互相禮讓，互相將就吓啦，希望大家合作，做返消費者應有嘅態度😌三餸車仔麵$ 44我就叫咗響鈴，蘿蔔，牛腩，幼麵。 點知我又大頭蝦，唔記得叫呢度嘅招牌蕃茄湯底。 加上又唔記得加腩汁，所以湯底好清，冇乜味，但起碼唔係雞粉水（又係童年陰影之一🥲）。 我落咗少少辣椒油落個湯，聞落好刺激，有少少蒜香。 一入口個嘴麻咗，香中帶辛，好惹味😝。 響鈴係已經走曬氣，己經唔脆，所以我將佢浸淋哂，好在仲有D豆味，索哂D油份同辣椒油，拎響鈴有個新生命😇。牛腩有五舊，份量都幾多。 肉質有少少柴，但牛本身嘅脂肪都多，所以問題唔大。 柱侯汁就調味適中，生抽老抽味道平均。 呢個cp值高🤑。 蘿蔔有三大舊，好清甜，炆得好腍，但味道有少少太清，如果入味少少就好啦。 幼麵

下午茶時段嚟到紅磡，想輕輕哋咁食嘢，突然見到間車仔麵要排隊🤣門口又好多報道同有啲出位字句，就排咗一陣啦～好無論喺枱面定喺牆，貼咗好多串咀字句🤣例如「醒少少寫枱號」、「走蔥早響」、「叉燒好食要等，唔等得唔好食」好真誠嘅一間小店😁招牌蜜汁叉燒串 $22🍖真心推介！！慢工出細貨㗎！一上枱好香蜜汁同叉燒味道，新鮮熱辣出爐嘅叉燒，燒得剛剛好🥺面頭仲有啲油燒緊咁☺️一串每舊都好大舊，又唔會太多肥肉，夠哂彈牙，juicy得嚟啖啖都喺肉🤩如果再嚟一定叫多幾串叉燒食🤪🤪🤪 香草雞翼 $12 2隻 煎得幾好，味道普通嘅雞翼😂溏心鹵蛋 $11採用鴨蛋嘅溏心蛋！味道好香蛋味，鹵水汁浸透哂隻蛋入面，溏心帶少少流心甜甜哋，真心推介🥰呢間車仔麵有菜底😍我第一次見咋🤣定喺我少食車仔麵🤪南乳豬手啖啖肉🤪柱侯牛腩軟腍，正正常常👌🏻蘿蔔夠腍又好入味，好juicy☺️