Video
Read full review
2021-09-12
66 views
今日同朋友試左呢間RIMK, 佢係位於旺角鬧市的樓上鋪。地點唔難去，不過門口就可能要搵一搵啦。 鋪頭的裝潢好精緻，打打卡影下靚相絕對無難度！之後check 下有咩好食就落單啦！ 香草蜜糖無激素雞翼見到個名比較普通，但幾乎每一枱都會叫，於是我地都叫一碟黎睇下有咩神乎其技。雞翼應該係烤焗嘅！熱辣辣上枱，烤到表面乾身而且非常香脆，加上蜜糖的清甜味，真係幾好的小食。 櫻花龍蝦湯本人就麻麻地個龍蝦湯，唔知點解有陣辣辣地嘅味道，感覺應該係開粉湯，當然呢個價位想飲真龍蝦湯又過份左😂 龍蝦味係有嘅，不過湯身比較水左啲。 招牌名古屋蒲燒鰻魚蛋包意大利飯重點黎啦，佢係一碟超大碟的飯！呢個鰻魚飯係超厚肉，超大條的！加上滑滑的炒蛋，好好味。而蛋下並唔係一般的茄汁炒飯底，而係轉左做意大利飯，成個感覺好新鮮。但亦都係因為個意大利飯，所以食多左有啲 膩的感覺，推薦如果兩個人食，叫一個主食就夠啦！ 蒜香辣椒蜆肉意粉配軟殼蟹相比之下，呢個意粉就無咩特別啦。但有時，無特別都係一種好事黎嘅。軟殼蟹炸得夠脆身。意粉的量都相當多，辣味唔算重，唔食得辣的朋友都可以叫呀！ 凍咖啡因為怕肥，所以叫左凍啡，無甜無奶。其實一般在外叫齋啡
鋪頭的裝潢好精緻，打打卡影下靚相絕對無難度！之後check 下有咩好食就落單啦！
香草蜜糖無激素雞翼
見到個名比較普通，但幾乎每一枱都會叫，於是我地都叫一碟黎睇下有咩神乎其技。雞翼應該係烤焗嘅！熱辣辣上枱，烤到表面乾身而且非常香脆，加上蜜糖的清甜味，真係幾好的小食。
櫻花龍蝦湯
本人就麻麻地個龍蝦湯，唔知點解有陣辣辣地嘅味道，感覺應該係開粉湯，當然呢個價位想飲真龍蝦湯又過份左😂 龍蝦味係有嘅，不過湯身比較水左啲。
招牌名古屋蒲燒鰻魚蛋包意大利飯
重點黎啦，佢係一碟超大碟的飯！呢個鰻魚飯係超厚肉，超大條的！加上滑滑的炒蛋，好好味。而蛋下並唔係一般的茄汁炒飯底，而係轉左做意大利飯，成個感覺好新鮮。但亦都係因為個意大利飯，所以食多左有啲 膩的感覺，推薦如果兩個人食，叫一個主食就夠啦！
蒜香辣椒蜆肉意粉配軟殼蟹
相比之下，呢個意粉就無咩特別啦。但有時，無特別都係一種好事黎嘅。軟殼蟹炸得夠脆身。意粉的量都相當多，辣味唔算重，唔食得辣的朋友都可以叫呀！
凍咖啡
因為怕肥，所以叫左凍啡，無甜無奶。其實一般在外叫齋啡都唔會有咩期望架啦，只要唔好係一杯苦水就得。呢杯啡冇咩驚喜，但亦唔會令人失望，唔會有苦澀味，同時飲到咖啡烘焙的香味。
本來同友人仲想試埋個蘋果芝士蛋糕，但因為兩個主食的份量太大了，所以食唔落無叫到，希望下次再番黎有機會再試個蛋糕。
總括而言，呢間係一間唔錯抵食的餐廳，值得推薦！
龍蝦湯
42 views
0 likes
0 comments
蜜糖雞翼
26 views
0 likes
0 comments
鰻魚飯
18 views
0 likes
0 comments
軟殼蟹意粉
8 views
0 likes
0 comments
Post
