三代目 (港運城)

Open Now

Now Closed

約同樣住北角嘅朋友食飯，見呢間日本料理餐廳價錢好合理，格局又幾好，就入去食下。入面雖然多人但都多位，而且都坐得舒服！【特色炸物】想食得特別D，可以點下日式料理小食，幾有水準：🍤海膽天婦羅 $88- 外層薄脆唔油膩，夾上一紫蘇葉好香口，配上入面粒粒軟滑海膽，層次感豐富🦪吉列牡蠣 $72- 入面粒粒蠔肉鮮甜，外皮脆口🐟燒油甘魚鮫 $108 -燒到好香口，油甘魚肉質滿滿魚油香【丼飯、拉麵有水準】🍜辛燒豚梅肉拉麵 $98- 湯底幾辣香，豚梅肉厚肉，肥瘦適中，淋淋地滿滿油脂香。另外拉麵都幾彈口，值得一吃！🐷汁燒五花豚丼$95- 上面舖滿豬肉，每塊都厚厚地，燒過好香口，撈上飯同香料，味道更惹味~的確係北角簡單食個有水準日本料理之選！

住北角咁耐一直都覺得同區比較少高水準得來，價錢又ok的居酒屋🏮。前排經過港運城見到呢間格局好日本風嘅餐廳，就約了朋友去食。餐廳內幾多位，而且坐得舒服，還有清酒放題。不過同朋友都prefer簡單食。🦀️味噌甲羅燒烤得剛剛好，散發了蟹膏的香味，配上鮮甜蟹肉同蟹子，啖啖濃香鮮味😋撈埋飯+紫菜就perfect match🦑照燒魷魚筒同樣係幾有水準的小食，魷魚新鮮厚肉，配上檸檬同芝麻+醬料，香口得來有嚼勁😋拉麵方面，點了一個辣，一個不辣的。🌶️辛燒豚梅肉拉麵係鍾意食辣嘅我幾鍾意的，因為好夠辣，滿滿都係辣粉，惹味得來不會太刺激的辣，好易入口。拉麵麵質彈口，吸曬啖啖辣香精華。另外拉麵配了厚切肉，肉質軟嫩，肥肥地幾好食。朋友就點了紫蘇燒豚梅肉拉麵，湯底比較濃香，可以邊飲湯邊食～飲品方面，綿綿巧克力真係好吸引，面頭係滿滿的棉花糖，好有幸福感💕☺️軟綿綿半溶棉花糖配少甜的朱古力，啖啖甜香味😍同朋友講，下次可以試下sake放題！

🍜日式拉麵·居酒屋有人好鐘意食🍜拉麵😛見到呢間✨三代目除咗主打🍜拉麵，亦有供應拌麵、丼飯、炸物、燒物、一口壽司飯及🍶清酒放題等等，真係非常之吸引🤩餐廳裝修型格日式Feel，座位闊落，都幾舒服🤗🍜炙牛拉麵 加咗黑胡椒，經過炙燒嘅牛肉，食落好嫩滑、牛香味十足🤤湯底用咗新鮮豚骨每日熬製，夠鮮甜，拉麵軟硬適中，有少少咬口，相當好食😋仲有隻半熟溏心蛋，正！🍜辛燒豚梅肉拉麵 辛辣湯底好惹味🤤半肥瘦燒豚肉食落好香肉味，肥而不膩😋拉麵有口感，而且幾掛湯，好喜歡😍再配上一隻半熟溏心蛋同埋筍片，大滿足🥰最近愛上咗辛辣拉麵😝🐡燒油甘魚鮫 外皮燒到脆卜卜😍食落皮脆肉滑，魚油充足🤤非常甘香！🦑照燒魷魚筒 燒得唔錯，唔會好乾身😍照燒汁味道幾好，魷魚食落爽口🫶🏻🍇巨峰梳打夠氣好飲，有加冰🧊飲落唔會好甜🫶🏻☕️冷泡焙茶焙茶味好濃，好解膩總結💕食物種類選擇真係非常多，而且有質素😍下次要試下其他嘢食，見到都好吸引🤩呢日平日夜晚都幾多人食，最新荃灣都開咗分店啦

今日忽然拉麵癮起, 所以就去咗 ❥⧽三代目 ❥⧽ 食拉麵喇。餐廳以紅, 黑色為主, 走型格路線, 裡面有好多卡座位, 幾闊落所以坐得好舒服。𓊈海之天婦羅𓊉天婦羅有蝦, 鯛魚, 黑松露帶子, 墨魚同紫蘇葉, 外層全部都好酥脆。蝦好大隻, 肉質結實彈牙。鯛魚新鮮嫩滑。帶子中間加咗黑松露, 味道好香有層次感。𓊈照燒魷魚筒𓊉一上枱就已經好香喇, 魷魚筒脹卜卜超級爽口, 個人最鐘意食魷魚鬚位, 比較煙韌有咬口, 照燒汁比例剛好, 唔會太甜蓋過魷魚味。𓊈紫蘇燒豚梅肉拉麵𓊉好欣賞塊豚梅肉, 好肥美, 脂肪同肉嘅比例好平均, 唔會太肥膩/ 太瘦乾爭爭。溏心蛋好流心, 蛋黃大大粒, 好好味。𓊈辛燒豚梅肉拉麵𓊉如果鐘意食辣嘅話, 真係可以試吓呢個辛燒拉麵, 個湯底好香濃惹味。𓊈巨峰梳打 ✧ 白桃梳打𓊉本來以為係機出嘅梳打, 點知係原支樽裝梳打, 喜出望外, 一扭開樽蓋已經有陣陣香味, 加埋冰一齊飲, 唔會覺得太甜, 好好飲!✧✧ 餐廳食物種類真係好多, 座位又好舒適, 好適合想靜靜地食飯傾計嘅朋友。

原來北角開咗間新既居酒屋♥️佢既性價比幾高，回頭指數亦都高環境為食貓本身比佢既裝修吸引左入去，因為舖頭都幾大，好舒服，好有格調，可以容納到好多人👍🏾食物辛燒豚梅肉拉麵（4/5）$98呢個拉麵好惹味，都幾辣😋同埋好重豚肉味👍🏾雖然個湯有d油膩，但真係好濃郁呀至於d豚肉係燒過既，唔錯唔錯～不過個麵同豚肉份量就有d少味噌甲羅燒 （4/5）$98為食貓第一次食甲羅燒😂d蟹子配蛋黃，再配蟹膏，真係絕配咸咸地，餸飯真係一流呀🤤食埋張紫菜，呢個配搭好特別，好好食呢個價錢再配呢個食物既質素，雖然唔可以話係最最最好食，同必食不可，但黎開北角，絕對可以再回頭

北角港運城商場新開左一間日式和食拉麵居酒屋 - 三代目，餐廳係商場地面向大街位置，紅黑配裝修非常搶眼易認。主打有拉麵，亦都有丼飯、燒及炸物、一口壽司等，仲有好多唔同酒類供應。.餐廳最大特色係提供比較少見既清酒放題套餐，任飲九款不同主題既既清酒以配搭餐廳不同既特色菜。任飲既清酒，唔係搵服務員一杯杯倒俾客人，而係使用一個極具特色既日式自助清酒機自取。餐廳會提供一個QR Code俾選購左任飲套餐既客人，客人拎住杯去到色彩繽紛、閃閃下既清酒機前掃Code再擺好酒杯，酒就會自動斟滿。自動販賣機就接觸得多，呢種餐廳用既清酒機真係第一次見好新奇。.胡瓜一本漬 💲52⭐️3.6/5點左幾款日式小食同拉麵。呢款胡瓜上面鋪左麵豉，食落爽脆，麵豉鹹香十足配埋爽甜胡瓜不錯。 和風芥末豚足 💲58⭐️3.6/5和風芥末豚足係沙津冷盤黎，沙津菜配襯和風芥末醬汁加埋豚足，幾開胃。 鮮海膽一口壽司 💲68⭐️3.8/5居酒屋都有靚壽司提供，不過唔係軍艦形式而係飯同埋食材鋪係紫菜上面，用一個架上，紫菜就冇咁容易淋。服務員話海膽壽司師傅已經放咗豉油調味，直接享用就得。.一口燒牛丼 💲95⭐️4/5因為想食溫泉蛋飯所以點選咗一個燒