川之源

Open Now

Now Closed

西營盤嘅西餐廳同酒吧越嚟越多，中式餐廳逐漸被西式文化淹沒，唯獨一間川菜館依然屹立不倒，而且好似漆黑中嘅螢火蟲一樣，咁鮮明咁出眾，而且外國人人流源源不絕，今日我同女朋友就試一試呢間川之源！論裝潢，川之源比起好多中菜館好得多，燈光十足，環境非常潔淨。- 黃金饅頭其實饅頭都好好味㗎！饅頭炸到金黃色，內裡鬆軟唔會太粉，沾上煉乳令饅頭又脆又甜。- 酸辣粉太開心啦因為好耐冇食酸辣粉！川之源嘅酸辣粉晶瑩剔透，有嚼勁但唔會太韌。湯底方面，酸辣味非常突出，湯底唔油膩，另外仲有花生、芽菜同香葱，呢個開心酸辣粉比起傷心酸辣粉有過之而無不及😋- 家常豆腐材料非常「家常」，包括豬肉、豆腐同雲耳，醬汁非常下飯，可惜我冇叫白飯😝- 辣子雞只睇賣相已經感受到辣🥵，辣子雞細細粒非常入味，而且金黃香脆。平時食辣子雞嘅過程好似尋寶咁，係一堆辣椒入面搵到雞粒實在唔太容易，不過川之源既雞粒相當多，尋寶過程唔會咁辛苦🤣最後仲有免費甜品，就係桂花冰粉，味道清爽解膩。睇餐牌相片已經覺得水煮魚好吸引，仲目睹有一位客人獨自食曬水煮魚，下次等我試試先！

終於係食辣野‼️ 真係好耐冇食川菜🤤🌶冇乜朋友食辣🥺 今次捉咗人嚟同我挑戰😈呢間喺西營盤 火紅嘅裝修一睇就知食辣野🌶連禮拜六日都有lunch menu算係幾抵食😍🌶重慶辣子雞 $158見到枱枱都有叫就跟機👅 小辣其實唔係好辣🤣唔好睇佢成盤辣椒咁 香味大過辣味(˶‾᷄ ⁻̫ ‾᷅˵)辣子雞炸到勁乾勁脆口 好似零食咁🐣 超惹味😚一啖雞一啖可樂真係上咗天堂🤤 🌶川式回鍋肉 $98呢個送飯一流😍 屋企可以每日有呢味就正🥺我一定日日食晒啲飯🤧 五花腩都唔會太肥🐷裏面有好多青辣椒紅辣椒 我狂食😂發現入面啲豆豉同辣油先係精華👅✨桂花冰粉呢個又係一大驚喜 係我食過最好食嘅桂花冰粉😍唔會太甜桂花味好香 冰粉口感滑溜🤤

作為一個經常喺西營盤出沒嘅人，我成日都會路過呢間餐廳。而我咁鍾意食川菜，每次路過都好想試。今次終於有機會同朋友去食呢間川菜，好開心。店員介紹水煮魚、酸菜魚、辣子雞同埋餃子都係呢到嘅招牌菜。但因為得兩個人，就揀左水煮魚同埋辣子雞啦。🐥辣子雞 $158一上碟嗰陣都呆左一呆，因為冇諗過會係咁大碟。入面嘅雞粒都唔少，炸得香脆可口，有薑蒜辣椒一齊炒，好香。不過因為炸得好香脆，食啲雞嗰陣記得要小心碎骨啊。辣到啱啱好，唔會太辣，所以唔會掩蓋香味。🎣水煮魚 $188有水煮魚同水煮桂花魚揀，店員話水煮魚係冇骨嘅冰鮮魚柳，水煮桂花魚就係新鮮桂花魚，有啲骨嘅。新鮮桂花魚就當然係靚啲啦，不過因為朋友唔鍾意吐魚骨，所以最後揀咗無骨嘅水煮魚。辣子雞已經夠大碟㗎啦，點知水煮魚上枱嗰陣仲震撼。好大碗。入面有好多紅薯寬粉同埋芽菜，全部都煮得好入味。望落以為啲魚片唔係好多，點知食落發現食極都食唔晒，食極都仲有魚片。好抵食。個辣度應該好多人都可以接受到，辣辣地，鹹鹹地，好食。食水煮魚有紅油就無可避免㗎啦，但呢度嘅紅油唔會過多，感覺都適中。🍚白飯 $15店員話食水煮魚可以配飯、麵或者餃子都OK。但因為個人喜好鍾意食川菜嗰陣有