晶荷軒

Open Now

Now Closed

今日仔仔正日生日🎂一家7人去迪士尼食飯慶祝🪅今日平日都甘多人😮分開左兩張枱座。預先訂左隻片皮鴨！好大隻🤤由職員手切分2碟。切落去果下都聽到係脆既。淨低既鴨殻，做左生菜鴨鬆包。都好好食。一如既往甘好食竹笙海皇羹: 好味。竹笙爽，仲有蝦粒。迪士尼小炒: 好好地幫我地分左兩碟。變咗做迷你版。兩個碗仔size, 又cute 又好味！桂魚煎麵: 係炸左個麵底，好脆無炸過龍，上面排左金華火腿，魚塊，冬菇，擺得好精緻。仲有菜心碗碟。再加上一個汁淋上去食。好食！竹笙豆腐:都係酒樓酒家水準。鮮淮山雞湯椰青浸菜苗: 淮山口感爽脆，有陣陣椰青味。蘆筍炒帶子: 帶子夠大隻。好食，偏貴。預真係每人一粒甘。甜品係三色凍糕: 次次都係食呢個。因為吖仔鐘意食下面塊米紙。白色椰汁味，綠色係抹茶，粉紅色係士多啤梨。👍重頭戲啦！生日壽包😎唔好成日食蛋糕甘悶啦！搞搞新意思。店員拎出嚟，即刻狂影相📸️一個大頭旁邊圍住5隻細size。拎起中間個頭會有一隻中size ! 大個頭係好硬既，唔食得。細既入面係蓮蓉。唔會太甜。包都熱辣辣，軟熟。係比我地影相影到凍左。但都好味😋總括嚟講，呢餐好飽，開心🥳滿意！仲用埋金卡生日優惠，減左成100

入住迪士尼樂園酒店🏨，選購了晶荷軒的可愛造型迪士尼角色午餐，套餐價錢(已包茶資/服務費)，可品嚐不同的食品，比起散叫抵，推介😁👇🏼柚子鮮元貝(刺身)沙律，新鮮帶子配上日式芝麻醬，鮮甜和濃香的結合，美味非常，還有柚子肉、爽脆芽菜、鮮甜蕃茄和青瓜片👇🏼米奇煎薄餅，逗人開心的米奇造型，味道不過不失👇🏼叉燒豬仔包、綠色小人菜肉包，造型實在太可愛，菜肉包味道稍勝叉燒包👇🏼彩棠蟹肉豆腐羹，顧名思義，有蟹肉、蟹肉鮮甜好吃，也有健康的豆腐和菜，而放在羹面是滑嘟嘟的蒸蛋塊，再配上少許蟹籽，點綴了這羹的色彩👇🏼迪士尼小炒，好吃的碩大蝦球爽口彈牙，青瓜和翠玉瓜米奇造型手超可愛👇🏼檸汁芝麻炸軟雞，外皮滿佈香濃芝麻，皮較厚身，但都是脆香的，雞肉嫩滑，整件蘸滿檸汁吃更佳👇🏼蠔皇鮑魚炒飯，其實應該叫蠔皇原隻鮑魚燴飯更貼切，鮑魚質感不夠淋，但蠔皇汁滿佈每粒飯，又不鹹，所以吃到舔舔脷，菜心夠淋到位👇🏼Duffy紅豆蓉包拼雙色凍糕，桂花糕清香，山渣麥芽糕酸甜開胃，Duffy造型頭栩栩如生，紅豆蓉包暖熱好味🖌整個套餐吃得很開心，皆因坐得舒服；又有造型cute的食品，食物質素也好，份量足；另外欣賞員工們的服務態度好，既有禮，

中午食完翠樂庭(其實係華特-有興趣可以參考我另一篇staycations 第一站🤗)夜晚就去食晶荷軒！掛住佢個片皮鴨同一鴨兩食吖😆1.片皮鴨半隻:一如既往皮脆肉不鞋。係用黎包住佢果塊皮厚啲者。啲皮用唔曬有啲嘥。2.兩食包鴨鬆:有得揀鴨鬆炒飯同呢個。我揀左包鴨鬆。本身自己係勁鐘意啲泰式生菜包。呢個中式，一試無妨。有啲松子炒埋一齊。口感唔錯！3.迷你佛跳牆： 次次都有叫黎飲㗎。個湯似燉湯。啲湯料全部都燉到好淋。4.迪士尼小炒: 今次個兜炸得脆，可以食埋。上次太厚！水準有進步左啲。5. 蟹肉炒新竹米粉: 食左以上甘多野都有啲飽，個粉都唔錯，用蟹肉，蟹糕炒既，都幾好食。有蟹糕既香，但略為有啲乾。

限聚令由2人增加至4人，終於可以一家三口👨‍👩‍👦去食個飯！適逢喺香港迪士尼樂園週年紀念日，有會員折扣月添！今次試左1. 蜜餞鮮果片皮雞:香口，有埋薄餅送。如果係米奇造型薄餅會仲吸睛！本人覺得上次片皮鴨好食啲，但老公話呢個好食。2. 迪士尼小炒: 有米奇做型瓜。好食得黎，小朋友最鍾意❤️3. 雪裏紅毛豆炒帶子: 夠味！帶子都好大粒！如果叫碗白飯送飯一流！而架就甘食有啲咸！4. 迷你佛跳牆: 好飲。全部湯料都燉得好冧！5.兒童餐: 中規中矩，無辦法、有小朋友一定會叫🤷‍♀️6. 三色凍糕: 吖仔指定要叫，就係食佢墊住個張米紙🤦‍♀️普通糕點。係造型攞晒彩！7. 送既迪士尼週年蛋糕:呢個又幾好食喎！好鬆軟，唔硬，唔係勁甜個啲！今餐折完都要1400埋單！

首先感謝公關方面的邀請, 來到香港迪士尼樂園酒店 (Hong Kong Disneyland Hotel) 中菜廳 － 晶荷軒 (Crystal Lotus), 品嚐今年夏天推出的全新精選菜式。以紅色為主調, 店內環境非常搶眼, 尤其正門後這道紅色拱門玄關, 令人留下深刻印象。以「晶荷」為名, 店內裝潢均以荷花為主題, 包括玻璃外牆和天花水晶吊燈等, 數字方面也相當講究, 每款陳設的荷花數目均由 2 / 3 / 8 這些對中國人象徵好意頭的數字組成, 並且包含五行元素, 足以見店方於設計上花的心思。是日品嚐的是「迪士尼特色點心午餐」, 首先出場的是一道冷盤 － 麻醬雞絲粉皮, 非常適合夏天享用, 麻醬較為濃稠, 味道比一般的鹹, 以粉皮、青瓜和雞絲拌混來吃, 感覺清新。接下來的是迪士尼特色點心, 看見這個賣相, 大概應該知道這是套餐內其中一個主角。蒸籠內載著兩款以迪士尼卡通人物為造型的包點, 包括綠色小人菜肉包和蠔汁叉燒豬仔包, 前者就是來自 Toy Story 的「三眼仔」, 造型栩栩如生, 菜的比例較肉多, 切合綠色主題; 後者就是三隻小豬之一, 原來店方真的有三隻不同造型的小豬包