晶荷軒

Open Now

Now Closed

【離島區】【晶荷軒】今年好開心喺生日前夕可以入迪士尼酒店食生日飯，十幾年前食過嘅「晶荷軒」仲喺度。我記得佢哋嘅片皮鴨幾好食，不過今次我係食「香港居民生日禮遇晚餐」，係各自上菜各自食，好似幾高檔咁。不得不提佢哋嘅小食同醬料都唔錯，食吓食吓都清晒。首先食「晶荷軒迎賓2前菜」，係「蜂蜜叉燒拼梅酒牛展」，真係有嚿蜂蜜喺側邊畀我一齊食，清甜可口，而牛展都好味嘅。之後係個「湯」，係「韮王花膠鴨絲羹」，飲得出係足料嘅，只係味道方面冇乜獨特性，相對平庸。飲完就進入「主菜」，有兩樣。佢哋分別係「柚子蜜珍寶蝦球拼蒜片舞茸炒和牛」同「濃雞湯雙色木耳浸菜苗」，前者個蝦球整得幾清新，個醬可以，後者嘅牛味亦都充足，本身塊牛都係靚嘢嚟。到「主食」，係「芝士金瑤蟹蓋焗飯」，個飯放喺蟹蓋上面焗，係幾特別，但係味道都幾一般。估唔到個主食先係最普通，都有少少失望。最後係「精美甜點」，係「遠年陳皮十勝紅豆沙湯丸」，陳皮味勁香濃，有啲水準，令到唔太好紅豆嘅我都覺得好正。我唔知餐飯幾錢，但總括而言餐飯嘅感受係幾好嘅，優質服務，侍應有主動幫手影大合照，抵讚。。。（地址：大嶼山竹篙灣香港迪士尼樂園酒店3樓）#1amfoodie #f

今日係我哋結婚周年，第一次帶埋我哋九個月大嘅BB同埋姐姐一齊出嚟食，好多謝晶荷軒俾咗我哋一個咁溫馨嘅晚上。我哋原本book咗七點，但係提早到咗，心諗可能要等一陣，點知職員好好，即刻幫我哋安排咗位，完全冇黑面，仲好有禮貌。成晚所有侍應都超級友善，見到我個BB仲會主動氹佢玩，送餅乾俾佢食，BB開心到笑晒口～真係好少餐廳會咁歡迎小朋友，唔係話唔知，平時啲餐廳一見到細路就當你係滋擾，勁怕你嘈到隔離枱。至於食物方面，真係冇得輸。我哋叫咗個set menu，份量啱啱好，味道好出色，最正係佢哋知道我哋唔食牛，主動幫我哋轉咗其他菜式，完全唔會有「唔好意思唔得喎」嗰啲冷淡反應，真係超有善意。整體氣氛好似返咗去早幾年我哋兩公婆去長崎豪斯登堡咁，浪漫又溫馨。不過依家有BB喇，要坐飛機真係唔係講笑，喺香港有得食有得玩，又方便又舒服，晶荷軒真係幫我哋留低咗一個好難忘嘅回憶！

第一次嚟迪士尼樂園酒店𥚃面呢間「晶荷軒」食晚飯，會員生日月份有優惠，所以就嚟試吓。迷你佛跳牆 - 幾普通，有啲失望。龍井茶燻雞 - 算幾好食。湘蓮脆皮燒鵝 - 塊片又真係幾脆，味道同埋肉質都幾好味。醬皇牛小排炒河 - 見網上面都幾多人讃牛河，所以就叫嚟試吓，牛肉嫩，整體來講唔錯。

經Chill E.A.T. 訂枱，同屋企人喺奇妙世界迪士尼內享用咗一餐非常豐富又美味嘅午餐！前菜嘅木魚花金沙豆腐，外皮香脆可口，豆腐卻嫩滑非常！As 呢一餐飯嘅第一道菜，留下一個非常深刻嘅記憶點。之後上嘅係傳統及現代crossover 嘅點心系列。荔蓉天鵝酥香口酥脆，但唔算太油，都係巧手之作！之後有兩道熱菜，乾鍋醬花菜黑毛豬肋肉同一道得獎素菜 - 雞頭米金湯胡瓜藏珍菌。呢個一濃一淡嘅配搭各有風味。前者頗重麻味帶微辣，係非常惹味嘅一道菜式，但最驚喜係豬肋肉本身，非常較稔，老人家牙力無咁好之下都食得津津有味。後者素菜嘅金湯指嘅係南瓜湯，好清甜。加埋鮮甜嘅胡瓜同菇菌，喺一道比較重味嘅菜式之後端一道較清新味道嘅菜式，算係恰到好處。去到主食同甜品部份。主食有開心果和牛炒紅米飯，味道同份量都啱啱好。喺開心果甜品當道嘅年頭，起用開心果嚟做主食嘅配料係幾特別嘅選擇。作為承先熱菜同啟後甜品嘅主食，佢都毫不遜色。而以遠年陳皮十勝紅豆沙湯圓作為呢餐嘅finale，就算唔太好紅豆沙嘅人都會想食多一碗，因為碗紅豆沙係好綿好滑但唔係死甜，同埋陳皮係聞落去都好香！而入面嘅兩粒湯圓仔都好好食。最後員工嘅服務都加分，佢

With the past few years we bought platinum cards with good and warm services,unfortunately my daughter with her friends attended dinner last night for celebrating birthday plus year 6 graduations, there was an old man without hair who served on the other tables used his very unfriendly eyes and upset face looked at the kids because of their rising voice sometimes. We like the afternoon tea and dinner inside the hotel, the food quality decreased,however warm suggestion 1/ Find some young staff to

大嶼山📌 【 晶荷軒 】大嶼山香港迪士尼樂園酒店朋友請食飯，遠道而來迪士尼酒店，更吸引我嘅係酒店嘅環境。而第一次嚟到奇幻世界 • 迪士尼食中餐，我嘅第一次就奉獻咗比【 晶荷軒】🤭 水晶精緻晚餐 】 每位 HK$538CRYSTAL DINNER SET $538/ pp• 蜂蜜叉燒拼梅酒牛展 Honey-glazed lberico Barbecue Pork Chilled Beef Shank with Plum Wine• 紅燒素翅海皇羹Braised Seafood Broth with Mock Shark Fin柚子蜜珍寶蝦球拼蒜片舞茸炒和牛 Deep-fried King Prawns in Pomelo Honey Sauce Wok-fried Wagyu Beef with Maitake Mushrooms and Garlic• 上湯杞子猴頭菇浸時蔬 Braised Seasonal Vegetables with Wolfberry and Lion's Mane Mushrooms in Soup• 芝士金瑤蟹蓋焗饭 Baked Fried Rice wit

係復活節長假既最後一日，一家三口到訪晶荷軒。想去迪士尼酒店附近行下，所以前一日先上網搵下迪士尼既三間酒店餐飲，見到晶荷有精美小童餐，成人午餐套餐都係$338。因為仲未俾一歲零既bb食調味，亦未試過俾BB食餐廳食物，今次膽粗粗打去晶荷軒問吓可唔可以將兒童餐既食物唔落任何調味料。隔左一陣得到既回覆竟然係可以！佢地廚師會特製我地既要求，唔落汁醬，冇糖冇鹽，不油炸， 所以就馬上決定book 枱了！兒童套餐 ($168)海蜇蝦沙律開胃好食點心拼盤 (2人份）蜜汁叉燒包|瑤柱灌湯小籠包|筍尖鮮蝦餃|帆立貝菜苗燒賣|荔蓉天鵝酥|黑蒜明蝦角係正常發揮既點心，好食，但唔會印象深刻雪燕蟹肉冬茸羹大大碗又足料！金沙蝦球伴黑蒜炒牛小排超大隻蝦！金沙汁掛滿爽脆蝦球，大粒到食第二粒已經有d 漏，加上前一道湯羹都大大碗，已經飽左一半。牛小排都淋滑好食。芙蓉蟹肉扒菜苗估唔到菜都keep 住大份量😂紅棗雪耳燉桃膠食到最後，細細碗既湯水唔會太甜，足料，桃膠都好淋。食物味道：睇食評見大家主要都係食打卡點心，評價都係普通。但估唔到套餐$338 價錢可以食到呢個份量同唔差既質素。環境/服務：眼見都唔少帶住小朋友用膳既家庭，始

🌟整體評分: 8.5/10🌟❤️味道：8/10🧡環境：9/10🩵服務：9/10💚性價比：8/10💗小朋友喜愛度：9/10帶小朋友去迪士尼酒店就一定會黎呢度食晚飯👍🏻酒店中菜廳有水準，餐廳寬敞坐得非常舒服，絕對係老人家小朋友都啱嚟嘅好地方！伙記們都好醒目，自動波準備小朋友餐具👍🏻皇牌片皮鴨配特有荔枝醬，脆卜卜得來有一種荔枝木嘅香氣，超級推介！椰青水雲吞雞煲都非常正，清雞湯配上淡淡香甜味！香脆牛腩外皮脆卜卜裏面軟腍腍，正！當然唔少得蜂蜜叉燒，香口齒頰留香😍同埋非常好味嘅XO醬，每次嚟都會買一樽外賣！

晶荷軒位於香港迪士尼樂園酒店內，餐廳裝潢華麗高級，環境亦很寬敞👍🏻朋友在網上預付了午市套餐-迪士尼朋友點心午餐🤩套餐共有6道菜，包括:🤍柑橘涼拌紫山藥雞絲🤍迪士尼朋友點心 (跳跳虎菜肉包、小豬海鮮雞肉包、米奇煎薄餅)🤍雪燕竹笙玉帶羮🤍香草雞油菌炒蝦球🤍瑤柱金瓜和牛粒炒飯🤍ShellieMay斑蘭蓮蓉包拼蛋白杏仁茶湯丸還包含了中式花茶(桂花烏龍茶)🫖整體食物味道很不錯，賣相亦非常吸引😍 而且大部份菜式都加入了迪士尼朋友的元素在內，超級適合打卡呢～✨當中以”雪燕竹笙玉帶羮”及”瑤柱金瓜和牛粒炒飯”的味道最驚喜！😋”雪燕竹笙玉帶羮”非常鮮甜，味道濃郁，而且更可以吃到粒粒帶子肉呢～🤤而”瑤柱金瓜和牛粒炒飯”飯粒Q彈，和牛粒嫩滑，加上濃郁的瑤柱及香甜的金瓜，口感非常豐富！👍🏻如果大家到迪士尼樂園玩，或到迪士尼酒店staycation，非常推薦大家來晶荷軒吃飯！😚晶荷軒地址: 大嶼山香港迪士尼樂園酒店

農曆新年去迪士尼酒店晶荷軒飲杯茶食個包招牌廸士尼公仔點心維尼熊跳跳虎piglet Eeyore Duffy各款包包，內饀好少，賣相係幾可愛，適合打咭able, 但係食落就一般般，記住影相唔好影咁耐，要趁熱食，放耐咗外皮就會好硬唔軟熟。其他就點心蝦餃、帶子燒賣、叉燒包、牛肉腸粉、素春卷腸粉、天鵝芋角、炸明蝦角就正正常常。最失望係個招牌荷炒飯就真係非常之普通，我覺得茶餐廳D炒飯有鑊氣仲好食。糖水試咗陳皮燉雪梨同埋紅棗雪耳桃膠糖都唔錯，唔太甜、夠晒滋潤。服務超好，待應有問必答，笑容滿面，值得一讚。是日人均消費$370

難得一家三口加兩長老一齊去迪士尼玩，長老愛好中餐，於是再去食晶荷樓的扁皮鴨。扁皮鴨皮脆肉嫩，配料選擇有京蔥青瓜彩椒蜜瓜，更特別是有自家製荔枝醬，夠新奇🤭芝士蟹蓋是兩長老必叫之選，雖然啖啖蟹肉，不過加咗芝士，反而失去蟹肉的鮮味🤔片皮鴨值得三試，金卡會員好似有八五折，下次會再黎👍🏻

因為之前生日就去咗迪士尼樂園酒店住一晚，咁冇可能出去食晚飯再返去住一晚，所以就揀咗依間位於迪士尼樂園酒店的中菜，估唔到有啲驚喜荔枝醬片皮鴨（全隻）$788 推薦指數🗯️：🌟🌟🌟🌟其實知道嚟得樂園酒店入面食飯一定會貴出面少少，但係諗唔到依個片皮鴨都算幾抵食，而且仲要係即叫即做，上枱時皮仲係超級脆，而且仲有一層油脂在表面當你打完卡之後，就會有職員在你旁邊即刻切開一片片，而且仲要擺得好靚他們給的配料也很多，除咗有平時常見的片皮鴨醬、蔥絲、青瓜絲外，仲有密瓜和他們自家研發的荔枝醬，食落偏甜，但很好的解膩最重要的是他們的皮很薄，食多幾嚿都唔會好飽鴨肉我加多$180兩食，顏色非常吸引，而且食落有鑊氣，濃味得來又不會太鹹，而且份量超級多（食唔晒，變咗夜晚要叮翻熱嚟做宵夜🫣）木魚花金沙豆腐 $148 推薦指數🗯️：🌟🌟🌟🌟份量雖然有啲少，但味道絕對一流，表面那一層食落香脆酥軟，而入面的豆腐又好滑，唯一美中不足的是金沙完全蓋過豆腐的豆味炸釀南瓜蟹蓋 $198 推薦指數🗯️：🌟🌟🌟🌟它貴是有它的道理，一啖食落去，唔係講笑，全部都是蟹肉，再加上少許芝士和南瓜粒，整體和蟹的味道好配，而且食多幾啖覺得膩，可以配少少旁

晶荷軒迪士尼特色點心午餐 $418pp 🥗青檸珍珠元貝沙律一個有青檸爆珠嘅沙律，沙律菜夠新鮮，有兩片元貝，都ok鮮甜。🐷蠔汁叉燒豬仔包正常的叉燒包，香香甜甜帶有奶香的饅頭外皮包住叉燒餡，餡料都豐富。🐔醫神海鮮雞肉包正常的雞包仔🤓食到有少少蝦，喜歡有奶香的外皮。🐭米奇鴛鴦糕一層蘿蔔糕同一層芋頭糕造成的米奇形狀糕點，味道正正常常有蘿蔔同芋頭味，不過比較鍾意食煎得香脆啲嘅糕🤓🦑海鮮豆腐羮鮮甜嘅湯羹，面頭有個米奇形狀嘅玉子燒，幾好味🤓🐮欖醬靈芝菇炒牛小排牛小排好淋🤓個醬汁惹味，啲菇都唔錯。🦐上湯鳳尾蝦燴伊麵好清淡嘅伊麵😬撈埋枱面嘅XO醬會好味啲，蝦就普通，冇乜特別。🫘唐老鴨綠豆蓉包拼陳皮紅豆沙湯丸紅豆沙有起沙，湯圓係芝麻同花生湯丸。唐老鴨綠豆蓉包一個靚啲，一個搞笑啲😬綠豆蓉都夠幼滑同埋唔會太甜

雖年紀漸長，但心裡卻仍然住著一個小孩。迪士尼不光是孩子的天堂，對於成人也是一個精神樂園，大概是因為可以放肆地做回小孩子吧。這可能是迪士尼的一份魔力，一入園中，就讓人不自覺代入童話世界。晚餐預訂在頗有中式風味的晶荷軒慶祝生日，選擇了浪漫雙人餐。京蔥甜蝦，十分驚艷。大蝦鮮嫩Q滑，肉片也十分爽口。紅豆沙甜品，陳皮的清香，伴著紅豆沙的顆粒感，奏出和諧的迴響。如果是在特別的日子來到迪士尼staycation，推薦大家到此試食

由於會員生日優惠，所以同朋友初嘗傳說中好好味的晶荷軒、一早約咗十二點去午餐，一入去環境寧靜，首先預備好餐牌俾我哋睇吓後就俾咗小食我哋慢慢食住傾計，好快咁就野食逐樣送到面前，職員好熱情咁幫我同朋友合照，食物質數真係好好，個飽隻眼整得唔靚、佢地見唔到即刻拎返入去重做過😂我哋都唔知發生咩事問吓佢哋先知😂芋頭同蘿蔔糕兩種類合埋一件，好特別嘅組合，蝦伊麵份量睇落好似好少，其實係好飽的，最後好鍾意個唐佬鴨飽配紅豆沙，平時我痳痳地都覺得好好味😋