好湯好麵 (名店坊)

Open Now

Now Closed

原本以為佢係日式拉麵，點知佢原來係中式拉麵，今次我試咗【西班牙紅蝦幼麵】同【迷你佛跳牆寬麵】，店員仲推薦咗【雪梨黑豆水】。餐點一到我已經聞到啲湯好香，先飲咗一啖蝦湯，蝦味好濃郁，仲想再飲多幾啖，之後再試埋佛跳牆嘅湯底，湯底都好鮮甜，不過因為之前飲咗超濃嘅蝦湯，所以影響咗飲佛跳牆湯底嘅味道，不過佢本身都好好飲。麵嘅質感都剛剛好，又滑身，仲可以掛住湯汁，食麵時都可以吸收到湯嘅精華，而配菜嘅分量都合適。不過雪梨黑豆水就唔係好符合我嘅味道，甜甜地，我飲唔慣。

-1️⃣棉花雞（$100）店員話係店內最受歡迎口味之一，都飲到好大浸雞同金華火腿味熬製，飲落去雞味唔算好出，但都唔差。雞肉好超有雞味的，食落去都有超級多塊雞肉，就咁講肉質真係夠曬滑！配料仲有幾粒冬菇，正！2️⃣迷你佛跳牆（$178）網上見迷你佛跳牆都好高人氣，有豬肉、鮑魚仔、海參、雞粒、扇貝。配料其實都算有誠意，只係湯底有少少出事，海味味唔算濃郁，但落調味料落得重手得滯，搞到整體湯底偏苦。陽春麵同湯底幾夾，但份量唔算好多。性價比一啲都唔高，我覺得可以試其他。