好湯好麵 (名店坊)

Open Now

Now Closed

呢間麵店嘅麵價錢雖然貴，平均要差唔多$100一碗，不過用料同湯底又真係非常好味，印象中冇乜其他地方食到咁好味嘅湯麵。第一碗叫做蟹皇豬豬，其實就係海鮮湯底配黑豚肉，佢又落啲蟹肉落去嘅，不過就唔係好食到，可能就係因為啲蟹肉所以令到個湯咁好味。另一碗就叫咗好頭好尾，其實我覺得應該叫牛頭牛尾啱啲，當然個名唔好聽啦，佢入面嘅牛係用咗牛尾牛脷同埋牛面豬登肉，所以就係好頭好味啦。個牛骨湯都幾香濃，同個麵都幾夾。

呢碗麵叫做好頭好尾，其實入面嘅配料就有牛面頰肉、燉牛舌同埋法式燴牛尾，所以就係牛嘅頭部同埋尾部組成，咁就叫口頭好味啦。牛面頰肉就比較煙韌，燉牛舌煮得好入味，肉質都好細嫩，法式燴牛尾都唔錯，不過呢三樣嘢都唔及過湯底正，果然係好湯好麵。呢碗叫做蟹皇豬豬，入面有藍蟹肉、日本黑豚五花腩片同埋炒豬肉碎，另外menu上面著名佢加咗龍蝦牛油同埋蝦子，不過呢兩樣嘢就唔係好食得出。啲碗麵同好頭好尾一樣，個湯都係超正，不得了。

天氣熱，最好梗係食碗麵，本來想食雲吞麵，但食神阿仔推介好湯好麵，佢話啲湯好正，咁一於試吓咁啱佢又做緊兩周年特別套餐，我們三個人，一於是一個套餐加一碗麵。記得打卡，仲會即場減$20優惠㗎。女士見到膠膠面，就諗起嘩養顏花膠，即刻叫碗試吓啦。套餐大碗麵，還有一碗蝦子冷麵，非常豐富！另外花膠麵真係好多花膠，個湯好好飲呀！濃湯，仲要熱辣辣，非常好味！侍應仲不停斟水，夏天食碗濃湯麵，飲吓水，坐吓，環境乾淨企理，下次一定會再嚟。

之前都喺大圍試過呢一間咁出名嘅好湯好麵，餐廳係用上等嘅材料自家熬製湯底，味道其實非常出色不過每一次都要令到我有選擇困難症🙈🙈好難選擇究竟揀邊一碗🙈🙈 今次就揀咗海龍王🙈佢個湯底非常清澈，而且一上嚟嘅時候就非常香，覺得佢嘅質素可以拍得住日本嘅拉麵，佢用嘅係陽春面，出邊好少地方都食到呢一隻，都好掛湯，而且餐廳係用新鮮嘅食材熬製而成嘅湯底，好似飲緊西式嘅海鮮湯，再加埋新鮮嘅食材！有魷魚大蝦🙈 兩樣都係我嘅最愛！整體成個面嘅發揮非常好，呢一個價錢嚟講，我亦都覺得唔算真係太貴，出邊食碗日本拉麵都差唔多呢一個價錢🙈

好湯好麵 (名店坊) 📍 銅鑼灣加寧街9-11號名店坊地下B號舖📍 大圍積存街20號地舖┄┅┄┅┄┅┄┅┄┅┄┅┄┅┄┅┄食完先知 原來呢間湯麵係連續三年米芝蓮必比登推介！！🔹 潤牛麵 ($138)||法式煎鴨肝片/美國頂級牛小排/豬潤高湯/扁陽春麵||法式煎鴨肝片煎得好香 熟度啱啱好🫶🏽缺點係得一塊(´°̥̥̥̥̥̥̥̥ω°̥̥̥̥̥̥̥̥｀)陽春麵入口滑嫩 而且好Q彈好有咬口麵底份量超多 食完飽足全日牛小排份量都好有誠意 食極都有入口軟淋有牛味👍🏽豬潤湯濃郁好飲 無味精味 飲完好舒服 令人好想食豬潤🤣但呢碗潤牛麵係無豬潤的🥹🔹 蟹皇豬豬($108)||藍蟹肉/日本黑豚五花腩片/炒豬肉碎/龍蝦牛油/蝦子/高湯/扁陽春麵||朋友叫嘅蟹皇豬豬就相形見絀因為湯底係普通高湯 唔係蟹湯蟹肉只有一小堆 豬肉偏鞋┄┅┄┅┄┅┄┅┄┅┄┅┄┅┄┅┄#foodie #foodiehk #food #hkig #noodles#eatgoodd #香港美食 #銅鑼灣美食 #中式 #湯麵 #大圍美食 #好湯好麵 #米芝蓮 #michelin #egd_中式 #egd_湯麵 #egd_銅鑼灣 #egd_大圍

聽聞麵底正湯一流，仲要有好多特別的款式，點會諗到棉花雞會融入湯麵！知道可能會好多人，所以一開門，我哋就已經去到餐廳第一張枱入內，環境都ok，枱擺位就好密，有點迫，不過，都做生意明白的。當日叫左兩個小食，兩碗麵同一杯自家飲品。雞絲粉皮，粉皮好滑身，咬落QQ口感，有驚喜，無諗過最有特色係呢個。海蜇頭，老實講，一般囉！有咬口，但味道我覺得一般。棉花雞麵， 食我又真係幾特別嘅， 湯底都係較清的，成件事係好融合在一起，現在所見，每枱都有人叫呢個麵。好頭好尾即牛腩牛肉麵，湯底有啲唔同，比較濃同厚的，不過無棉花雞咁特別，味道係expected，但都可以試試，好味！如果覺得自己係細食量，可以叫少麵，因為都幾大碗。黑豆水，自家飲品，試左，無comment另外，值得一讚呢度既姐姐非常有禮同服務周到，不停幫我地refill水。所以，餐廳唔好生意，唔好只係怨市道唔好，問問自己餐廳做了什麼去生存去搶客呢！

其實也食過三四次左右，因為都成日行百德新街，佢依個鋪位令我記得我小時候好似叫做美味廚，是做一般小菜炒嘢食的，食親都要排隊，我姨媽姨丈成日帶我來食… 懷念呢！今時今日已經轉咗手好幾次，到而家好湯好麵都係一間唔錯的食店，今晚見到佢地加咗一d新嘅菜單, 有幾個新嘅麵食……今晚叫左新的麵食：棉花雞和蕃茄牛麵，再要左個雞絲粉皮和咸寧七。其實新麵食只係轉左名同味道姐⋯⋯牛肉或材料都係沿用平時的，但也算轉下冇咁悶同令d 舊客有啲新鮮感嘅…. 😂👍麵同湯也保持水準… 係好味：麵質靚、d 湯濃加好味👍👍👍，你一食就知，百幾蚊一碗係物有所值的，牛肉肉味夠，d 雞肉都ok , 用料上乘的。其實食店雖然主打食麵，但價錢唔算平宜，不是茶餐廳價錢，但係高質同都份量夠嘅⋯⋯下次會try try 佢個蟹皇豬豬和潤牛麵（之前有個叫牛魔王都好味），另外佢有個set $208 一人餐，大家可以試吓啦….

放咗工之後我同我朋友就好肚餓，跟住入咗去一間麵舖入邊食嘢。一入到去我就聞到陣陣嘅香味直到佢將兩碗面上桌嘅時候我見到非常濃郁嘅湯底。棉花雞麵湯底非常好飲，而且用料好足。棉花雞嘅肉地亦都非常好，一碗就已經夠晒飽肚👍🏻👍🏻！⭐️⭐️⭐️⭐️⭐️五星推薦。此外，好頭好尾嘅湯底亦都別具特色。雖然佢嘅湯底冇咁濃，但係牛味十足！啲麵都唔林好有咬感！色香味俱全👍🏻👍🏻！⭐️⭐️⭐️⭐️⭐️都係五星推薦。

佢哋嘅湯頭有皇湯,牛骨湯，高湯又有分原味高湯，蕃茄高湯同豬膶高湯，素食有海帶湯 。面有兩種陽春麵同埋扁陽春麵 。我叫左海龍皇湯$140，裏面有蟹肉魷魚帶子蠔同海蝦，配料非常豐富 。湯麵洋溢着一層薄薄蝦油，湯頭香而不腥，飲得出有濃郁嘅蝦味，冇海三碗咁濃但飲落去係舒服 。佢呢個湯頭絕對係誠意之作 。不過如果湯頭整體程度係好湯好麵同海三碗嘅中間或其偏向海三碗，應該會更岩我口味 。如果陽春麵伊麵嚟講，好似伊麵更加襯呢個湯底。另一可惜嘅係裏面嘅魷魚同蝦都煮得熟咗少少，唔夠彈牙。另外，仲有叫到上湯津白同埋醋海蜇頭，呢兩款菜都不錯。喺銅鑼灣絕對可以賣得起呢個價錢，而且仲會有好多人食 。相反呢個價錢喺銅鑼灣都有好多選擇。希望你地keep住水準，繼續俾驚喜我地啲消費者 。有機會我都會繼續支持小店同埋試埋佢地其他湯頭 。最後值得一讚嘅係姐姐都好好服務，殷勤咁斟水，可能個杯有啲細飲兩啖就冇 。

原本以為佢係日式拉麵，點知佢原來係中式拉麵，今次我試咗【西班牙紅蝦幼麵】同【迷你佛跳牆寬麵】，店員仲推薦咗【雪梨黑豆水】。餐點一到我已經聞到啲湯好香，先飲咗一啖蝦湯，蝦味好濃郁，仲想再飲多幾啖，之後再試埋佛跳牆嘅湯底，湯底都好鮮甜，不過因為之前飲咗超濃嘅蝦湯，所以影響咗飲佛跳牆湯底嘅味道，不過佢本身都好好飲。麵嘅質感都剛剛好，又滑身，仲可以掛住湯汁，食麵時都可以吸收到湯嘅精華，而配菜嘅分量都合適。不過雪梨黑豆水就唔係好符合我嘅味道，甜甜地，我飲唔慣。

'唔洗排隊就是爽呀!!!!!*海龍皇湯麵 - 材料好足，魷魚，蝦，帶子同蠔都鮮甜，湯底不得了 我清曬！*好頭好尾 - 朋友話湯底都好夠味，牛骨味又夠濃。牛肉燜得好軟熟，完全唔老。

夏天太熱☀️ 行得耐真係唔太有胃口食野點知同朋友行行下街比呢間野的香味吸引左入去佢Menu就印左係餐墊上面 又有圖同介紹 夠哂方便 我就叫左一個蠔王豬豬🐷一黎到就聞到好濃🦪味 見佢金湯咁靚梗係要飲下先啦 一飲 好似feel到你食緊十打生蠔咁 鮮香而不膩 鹹香但又唔會搶左其他食材的鮮味👍🏼而且佢有3隻🦐 3隻🦪3塊豬肉片整體算多餸加上上海麵煮得恰到好處 彈牙爽口而且都少少卦湯 搞到最後飲哂碗湯而朋友呢碗棉花🐣都好好食 雞白湯濃厚 飲完好似有一層膠癡住個嘴咁 而且佢有少少火腿的咸香😍😍超好食！🍜🍜🍜🍜🍜🍜味道 9.5/10環境 8/10服務 9/10價錢 7/10🍜🍜🍜🍜🍜🍜

通常週末食飯，唔想排隊，都會嚟呢間舖頭。啲湯係幾有水準，但係湯裡面啲麵、同員工嘅面口就唔係好掂。佢哋個餐牌睇落好似好多款式，但係所有款式都係佢哋set 死，一樣嘢都唔肯俾客人更改 我非常唔鍾意食豬肉，問店員可唔可以改豬肉改為雞肉，問咗幾次店員都堅持話廚房做唔到。真係覺得好奇怪點解花膠湯底一定要配豬腩肉？點解唔可以轉用雞肉？平時去開座銀食拉麵都可以全部要雞肉唔要豬肉啦！舖頭嘅價錢一啲都唔平，咁樣嘅服務態度真係非常差！難怪咁多人都寧願北上消費。

已經好耐無去過名店坊搵食，平日為咗避開放工時間逼地鐵，最近都係去中西區比較多。今日去嘅餐廳，聽聞係由大圍開過嚟港島。銅鑼灣分店喺名店坊ものもの正對面，好容易搵。餐廳無得訂位，只接受walk-in。餐廳好繁忙，好在早到一步，可以坐到最後一張枱，排後面嘅客人要等位啦。店舖位置唔大，餐廳用盡每一寸空間，所以會坐得逼啲。如果行完街，拎住大包細包入嚟食，就會坐得辛苦。一早睇好menu，基本上唔洗諗已經可以落單😌棉花雞麵 ($103)湯麵好足料，有日本雞肉、魚肚、花菇、雲腿絲，真係將成舊棉花雞放哂落湯度😆。哩一款麵就配扁陽春麵。麵軟硬度適中，有咬口，保持到口感之餘，又唔會太硬身。湯底好清，但係唔會好淡，清清哋反而唔會蓋過食材本身嘅味道。調味平和，食落好清爽，食完個口唔會黏黏笠笠。推薦👍🏻海龍皇湯麵 ($140)試埋另一個招牌麵，係海鮮迷必試‼️湯麵同樣足料，有蟹肉、蝦、魷魚、帶子、蠔肉。海鮮湯麵底有啲唔同，係配幼身陽春麵。成個麵最正係個湯底，係好濃嘅龍蝦湯，未開始試已經聞到個香味。碗麵睇落細細碗，但係食下食下份量都幾多，啲麵夾極都有。同埋湯底係龍蝦湯，同雞湯麵比較，海鮮湯麵比較膩，配幼身陽春麵好岩，

有次打算搵拉麵食，朋友推薦咗呢間麵店，話好過食拉麵，咁我緊係帶住expectations去食啦💭。週六夜晚8點幾嚟食個場都唔full，唔知係咪因為定價偏高呢？老實講一碗海鮮湯底嘅陽春麵值唔值$140以上呢？大家心中自有分數啦😌。⠀嗌咗個被推薦嘅“海龍皇湯”🍜，材料都幾豐富架，有藍蟹肉(好碎好少😅)、兩隻海蝦尾(幾大隻幾彈牙嘅👍🏻)、北海道魷魚(唔韌但冇味)、北海道刺身帶子(幾甜唔韌)、廣島蠔(幾鮮)、蝦頭油、皇湯同陽春麵。講吓湯底，係有新鮮嘅蝦油味，但你話係咪令你想飲晒成碗嗰種，似乎又唔係🤔，不過湯底都算唔錯嘅。講吓個陽春麵，煮得偏腍，份量多，細食嘅女士未必食得晒成碗，不過呢個價錢唔比返咁上吓真材實料你就唔抵食啦，所以份量嚟講絕對合格👍🏻。個人口味嚟講唔算好中意，但對於喜歡陽春麵或者喜歡海鮮蝦湯嘅你應該都會欣賞呢碗精緻嘅麵✨。