Texas Burger (Closed)

之前去天后食過「Texas Burger」， 覺得唔錯，尤其係milkshake， 小編知道佢係九龍區旺角朗豪坊開左分店， 以後同朋友聚會又多左個聚腳點啦！😏 迷你蟹餅配芒果莎莎（$88） 一客有三件， 都算符合性價比， 呢到嘅蟹餅唔係炸脆，而係煎香，感覺無咁熱氣， 裏面除咗有蟹肉之外， 仲加左椒絲等配料，增添了不少口感～ 朗豪坊嘅頂層有間lego專門店， 而身處隔壁家嘅「Texas Burger」就有個lego主題嘅burger，幾有gimmick wor！😎 ⭐️推薦❗️ Brick Cheese Burger  磚塊芝士漢堡（$88） 個麵包整到好似lego咁，呈鮮艷奪目嘅橙色， 裏面嘅材料都幾豐富， 有原塊漢堡扒、玉香薰牛肉、半溶車打芝士和爽脆生菜， 原塊漢堡扒肉香味美，幾juicy， 加上啖啖肉嘅Pastrami， 食肉獸就啱晒啦！ ⭐️推薦❗️ Soft Shell Crab Guacamole & Beef Burger 軟殼蟹牛油果醬牛肉漢堡（$108） 小編最鍾意食牛油果， 所以見到牛油果嘅漢堡梗係忍唔住要order返

這間burger店早已久仰大名，記得當時還在銅鑼灣分店時，每晚都大排長龍，因此遲遲也的不起心肝去試。現在店舖搬至朗豪坊，地點方便了很多，這天跟愛吃漢堡的朋友一起來嚐嚐漢堡。有別於一別的漢堡店，這裡多了許多墨西哥風味的菜式。最後點了墨西哥風味雜錦沙律、迷你蟹餅配芒果莎莎醬、德州燒烤牛肉漢堡及招牌抹茶奶昔拼窩夫。墨西哥風味雜錦沙律帶點辣，酸酸甜甜的醬汁十分開胃；蟹餅與芒果莎莎醬也十分夾，酸甜酸甜的；主角德州燒烤牛肉漢堡，配料有炸洋蔥圈、炸煙肉、牛肉漢堡、芝士、生菜及燒烤醬，整個配搭很不錯，燒烤醬是自家調製的，跟一般的bbq醬不同，是帶酸甜的那種，即使吃完漢堡也不會太飽膩的感覺，有驚喜！至於招牌抹茶奶昔拼窩夫，集飲品及甜品於一身，大滿足，哈哈。是很滿意的一頓漢堡餐。

以前不時到天后的Texas Burger品嚐漢堡，比人頭更大的鵝肝牛肉漢堡向來是我心中首選，事隔多時原來已在朗豪坊頂層開設分店，後來天后亦無聲無息地結業了，於我而言朗豪坊店毋庸置疑是方便得多，卻仍有顧慮食物水準會否有所改變，終於找到機會與朋友到此共進午餐一探究竟。墨西哥風味雜錦沙律 ($88)沙律菜加上油醋、牛油果、奇異果、墨西哥香腸及大蝦，食材大多切成粒狀，不過配料份量甚少，而大蝦只得小小一隻之餘口感亦較韌實。迷你蟹餅配芒果莎莎 ($88)芒果莎莎香甜清新減低油膩感，蟹餅充斥絲絲鮮美蟹肉，真材實料，入口綿密香軟，如能將外皮煎至金黃焦脆，達至外脆內軟定必更上一層樓。墨西哥芝士夾餅 ($88)除了可選脆皮或軟皮外，餡料方面亦有手撕雞、炒菌燒甜椒、燒烤手撕豚肉、脆魚柳、煎牛柳條或軟殻蟹任均選擇，餅皮包裹滿滿當當的配料並加上雜菜、酸忌廉、牛油果醬、番茄莎莎及香料相當惹味，不過牛柳條肉質較韌而炸魚柳亦未夠酥脆。墨西哥雞肉菠蘿漢堡 ($68)麵包質感鬆軟，抹上牛油烘至表層微脆，手撕雞肉略微帶辣相當惹味，而且用上厚切新鮮菠蘿燒製，份外香甜多汁。手撕豚肉及煎腩肉漢堡 ($88)兩大件豬腩肉肥厚豐腴，

上次食過這裏的漢堡覺得很好味， 今次專程帶媽咪來吃午餐。 因為之前趕住要返公司，所以食得好急， 今次再來發現這裏的 環境都唔錯 ，店舖採用開放式設計 ，有陽光滲入 店內， 但又有舒適的冷氣嘆。 今次點了香煎牛腹扒沙律$88， 迷你蟹餅配芒果莎莎$88， 德州燒烤牛肉漢堡$88，（加$66有薯條，酸瓜，奶昔），熱鮮奶咖啡$36。德州燒烤牛肉漢堡，薯條，酸瓜，～ 牛肉漢堡有肉汁啖啖肉，配酸瓜一起吃非常夾。 薯條熱辣辣， 好好味， 食到停唔到口。香煎牛腹扒沙律～ 沙律菜新鮮配甜甜酸酸的醬汁加牛腹扒一起食用， 清新又惹味。迷你蟹餅配芒果莎莎～ 這個我很喜歡，雖然上枱的時候凍了少少， 但蟹餅很有鮮味。跟餐奶昔～ 奶昔入口creamy， 微甜香， 賣相也相當精美。熱鮮奶咖啡～ 啡香奶滑。因為我和媽咪都很喜歡吃漢堡， 所以今次專程帶她來，這裏的漢堡和奶昔真是不錯啊！

天后嘅Texas Burger係我同老婆最愛嘅漢堡餐廳之一, 上年十月Texas Burger係朗豪坊開左分店, 今日趁同老婆去旺角睇早場當然要去試試啦。😁朗豪坊Texas Burger新店位於12樓, 樓底極高而且天面牆身都係大玻璃, 自然光充足, 座位亦好寬敞, 感覺好舒適。我地11點左右已經都餐廳, 係第一組客人, 11點半之後就開始多人。旺角店同天后店餐牌相同, 不過餐牌之外仲多左幾款最新推介菜式, 當中最吸引我嘅係熱溶拉可雷特芝士漢堡, 我地點左一客熱溶拉芝士漢堡, 一客牛油果漢堡, 雖然老婆唔俾食薯條, 不過我地點左一客蟹餅share, 食加埋飲品應該都好夠食。😚迷你蟹餅配芒果莎莎 $88蟹餅有3件, 外層煎香再加上香甜嘅芒果莎莎, 餡料係飽滿嘅蟹肉, 味道非常鮮甜。😋熱溶拉可雷特芝士漢堡 $108係高級西餐常用嘅Rackette melted cheese好少放係漢堡上, 來自瑞士嘅Rackette cheese即場熱溶放上漢堡, 加上香草腸同Juicy嘅牛肉漢堡, 味道層次豐富, 漢堡包身鬆軟, 包面香脆, 份量十足, 我地兩個人share都好滿足。😍素食牛油果漢堡 $

係天后出哂名既漢堡包店，終於開左係九龍區啦，而家仲要開係人流超多既朗豪坊添，鋪頭座位唔算多，所以我地都等左陣先入到去我好鍾意食牛油果，因為佢夠健康，仲要中間夾左成隻軟殼蟹添個包好厚身，一啖係食唔哂，所以我就選擇分層食原個翠綠色既牛油果下面就係炸得好通透既軟殼蟹食素既朋友要係度搵食都絕對冇難度，因為呢度都有素漢堡牛油果同洋蔥圈當然唔少得，仲有塊激似牛肉既素牛肉，應該就係用腐皮整成既，蟹餅咪睇佢細細舊，食落真係有料到，中間既蟹肉係好足料，絲絲既感覺好快就令我有飽既感覺，不個人食哂真係不得了菠蘿搭椰子揀直係無得輸

又係岀動去食Burger既日子，知道天后有間人氣Burger店，早排開到去朗豪坊，方便左好多，終於有口福試下。餐廳內外係朗豪坊最高果幾層，真係個feel勁好，加上係Open area既形式，同女友真係做 “天幕下的戀人”。食物選擇主打四款：普通小食、墨西哥類小食、Burger、甜品，小食種類比Burger更多添！德州燒烤牛肉漢堡  $88入面有煙肉、炸洋蔥圈、牛肉漢堡扒，塗上左洋蔥醬，麵包有水準，烘得脆而不硬，亦唔會有醬汁整稔個包既問題。牛肉肉味濃唔乾身不過可以更Juicy，而洋蔥醬真係畫龍點睛，令成個包惹味好多。加左$66配奶昔、薯條同酸瓜，薯條帶皮粗身，外脆內軟亦夠薯味。墨西哥雞肉菠蘿漢堡  $68好耐冇食過放菠蘿既Burger，雞肉份量夠多！有醃過，不過就略嫌醃得唔夠入味，肉質正常，至於菠蘿係大樹菠蘿，非常清甜，係一個清新唔令人覺得膩既Burger，迷你蟹餅配芒果莎莎  $88蟹肉夠哂多，不過唔係炸既，食落就一pat溶溶既野咁，冇乜口感，如果外層係炸過既會更香口。整體黎講係唔錯，包身做得夠挺已經好緊要，呢到就好重視麵包挺身程度，再講，價錢真係唔算貴，以朗豪坊地段，坐係天幕下食Bu